Gizonek zientzia, emakumeek zaintza
Errua beti izan da emakumeona. Horrela dio Bibliak, eta horrela izaten jarraitu du historian.
"Zientzia" eta teknologiako (STEM) ikasketetako matrikulazioetan gehienak gizonezkoak izatearen kulpa ere geurea da; emakumeok ez dugu gizonek bezainbesteko interesik arlo horietan. Horrela diote inkestek, eta titularrek ere bai.
Bitxikeria bat: kakotxa arteko zientzia horretatik at geratzen dira, medikuntza, enfermeritza, farmazia eta abar; hau da, zaintzari lotutakoak. Horietan, antza denez, ez dago arazorik, matrikulazioaren portzentaje oso altua emakumeei baitagokie. Beste bitxikeria bat: zaintzari lotutako ikasketa hauetan matrikulatzen diren gizonezkoen portzentajea STEM arloetan matrikulatzen diren emakumezkoena baino askoz ere baxuagoa da. Aldea, gainera, oso nabarmena da. Baina badakigu, gauza batzuk ez dira sekula aldatzen. Gizonek zientzia egiten dute, eta emakumeek zaintza. Hemen norbaitek ipurdia mugitu behar badu, guk izan behar dugu.
"Bokazioetan neska eta mutilen arteko oreka lortzea izango balitz, gizonezkoei erizaintzarako eta halako ikasketetarako interesa sustatzea izango litzateke helburu nagusia. Hor dago lanketa egiteko benetako beharra"
Horretarako, guk ipurdia mugi dezagun, egiten dira hainbat kanpaina urtero. Emakume eta neska zientzialariaren eguna pasa berri dugu eta martxoaren 8a gainean daukagu. Ikastetxeek historiako hainbat emakume zientzialariren kartelekin apaindu dituzte paretak, eta geletan egun horietan aipamen berezia egiten diete. Ondo merezitako omenalditxoa, bai horixe! Garrantzitsua da ikasle guztiei jakinaraztea, zera, emakume batzuk ere gai izan direla zientzia egiteko. Hau da, gaitasuna badugula. Mezua garbia da. Norbaitek zalantzan jartzen badu, badaezpada. Guk noizbait hala jarri izan bagenu bezala.
Emakumeok badakigu zientzia egiteko ahalmena dugula. Eta ez zientzia bakarrik. Guk argi erakutsi dugu gizonak iritsi diren esparru guztietara iritsi gaitezkeela. Inork pentsatzen al du kontrakorik? Gizonak, ordea, iritsi al dira gure esparruetara? Mezua bi norantzetan zabaldu beharko litzateke.
Urteroko kanpaina horien benetako xedea bokazioetan neska eta mutilen arteko oreka lortzea izango balitz, gizonezkoei erizaintzarako eta halako ikasketetarako interesa sustatzea izango litzateke helburu nagusia. Hor dago lanketa egiteko benetako beharra. Has gaitezen lehen zulorik sakonena betetzen, eta gero saiatuko gara biak parekatzen. Azken finean, hori baita gizartean bertan gertatzen denaren isla, datorren martxoaren 8an lau haizetara eskatuko duguna, hain zuzen ere.
Gauzak, ordea, ez omen dira hain errazak, eta xedeak hain egiazkoak ere ez. Honetan ere, ez dirudi arazoa errotik helduko denik epe motzera behintzat. Eta arazoak errotik heldu behar izaten dira, bestela meza luzatzea besterik ez dugu lortzen. Kanpainak zoritxarrez ez ditugu aldatuko, baina irakasle, hezitzaile, orientatzaile eta gurasook hausnarketarako erabili behar genituzke. Batzuek oso argi ditugu gure xedeak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]