Hamar emakume idazle salduenen irakurleak emakumeak dira alde handiz (%81), baina ez da berdin gertatzen gizon idazleen kasuan. Kontziente edo inkontzienteki, gizonek emakume idazleei estatus gutxiago ematen diete edota iruditzen zaie emakumeek idatzitakoak emakumeentzat direla, ez istorio unibertsalak. Hala ondorioztatu du M.A. Shiegart idazleak.
Adibide bat: Booker saria irabazi duten Julian Barnes edo Yann Martelek dituzten irakurleen %40 gizonak dira, baina Margaret Atwood sari beraren irabazleak –“fikzio literarioa gustuko duen edozein pertsonaren liburutegian behar lukeen idazlea”, dio Shiegartek– dituen irakurleen %21 dira gizonak.
Siglak, generoa ezkutatzeko
Esanguratsua den beste datu bat ere eman du The Guardian egunkarian: liburu salduenen artean gizon irakurle gehien dituen emakumeak LJ Ross gisa sinatzen du, “beraz agian mutilek pentsatu dute mutila dela idazlea ere”. Ez da berria, historian zehar zenbat emakumek erabili dituzten inizialak eta pseudonimoak, aintzat har ditzaten.
Kontua da, behin emakume batek idatzitako liburua irakurtzera animatzen direlarik, gizonek egiten duten balorazioa batez beste apur bat hobea dela, gizonen liburuez egiten dutena baino, Goodreads sailkapenaren arabera.
Denak galtzaile
Shiegartek bi ondorio atera ditu. Batetik, gizon askok galtzen dutena, betaurreko maskulinoetatik kontatutako mundua baino ez dutelako jasotzen, bizipen, ikusmolde eta istorio on asko baztertuz.
Bestetik, emakume idazleen lana gutxietsita geratzen dela dio, emakumeentzako merkatu-nitxo gisa ulertzen delako, emakumeek idatzitako edota emakumeak protagonista dituzten istorioak emakumeentzat baino ez bailiran. “Errespetu, estatus eta diru gutxiago irabaztea dakar horrek”.
Aferak soluzio erraza duela ere garbi du Shiegartek: “Gizonek ez dute zaila, emakumeek idatzitako liburuak aktiboki bilatzea baino ez dute”.
ARGIAko erredakzioaren eskutik, sei irakurgai proposamen.
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
"Euskara eta euskal literatura, programaketatik ikasgelara" jardunaldian parte hartu zuen Katixa Dolhare Zaldunbidek. Seaskak eta UEUk antolatu Udako Ikastaroen barne. Bere problematikak horiek ziren: Zer leku du literaturak hezkuntza programetan eta nola landu euskal... [+]
Utopia ardatz, bertso-paper lehiaketa antolatu du Gasteizko Eva Forest Liburutopia kafe-liburu dendak, eta literatur lehiaketa Sukar Horia kolektibo ekologistak. Bestelako etorkizunak irudikatzeko ahala ezinbestekoa da eraldaketa gaurdanik borrokatzeko.
Liburu honetara hurbiltzen denak lehenbizi G. Mabire-ren irudiekin egingo du topo. Komikiaren estiloko irudiak dira, trazu oso zehatzak eta kolore bizikoak, pertsonaiak eta egoerak erraz interpretatzen laguntzen dituztenak. Irudi horiek testuarekin bat datoz: laburra eta zehatza... [+]
Kartografiak herri edo lurralde baten ezaugarriak baino askoz gauza gehiago adierazten dituela jakina da. Mapak eskuan konkistatu dira kontinenteak eta eraiki dira inperioak historian zehar, eta eskoadra zein kartaboiez definitu dira identitate kultural eta politikoak. Euskal... [+]
Bizkaia Irratiko Irakurrieran literatur saioari agur esan dio Mikel Ayllon idazle eta orain arteko saioaren gidariak. Irailetik aurrera jarraituko ez zuela esateaz gain, gogoeta egin zuen sareetan euskarazko literaturaren egoeraz: "Euskal literatura gero eta homogeneoagoa... [+]
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]