Gizarte mugimenduen gako komunikatiboak aztergai Euskarabildua jardunaldietan
Euskal Herriko mugimendu feminista, Kataluniako Diada edota Islandiako prozesua dira komunikazio ikuspegitik aztertuko diren egitasmoetako batzuk. Azaroaren 10ean Donostiako San Telmo museoan egingo dira hitzaldiak.
Iametza Interaktiboak, Argiak eta Ametzagaiñak urtero antolatzen duten Euskarabildua jardunaldien bosgarren edizioak gizartea mugiarazten duten jokabide komunikatiboak izango ditu aztergai.
Jardunaldia komunikazio gaiekin nolabaiteko zerikusia edota interesa dutenei zuzendua dago: udal, elkarte edota enpresa eta bestelako erakundetako komunikazio arduradunak eta teknikariak; euskara, berdintasun edo parte-hartzeko teknikariak eta arduradunak; kazetariak; oro har gizartean euren mezuak zabaldu eta txertatu nahi dituzten herritarrak edota komunikazio gaietan interesa duten pertsonak.
Hedabide handien komunikazioaz harago, “inoiz baino ozenago eta indartsuago hedatzen diren” gizarte mugimenduen mezuei erreparatu nahi diete. Eta horretarako, urtero legez, Euskal Herriko esperientzia eredugarrien berri izateaz gain, kanpoko hainbat adituren hitzaldiak entzuteko aukera izango da.
Eli Pombo Iametzako lankideak azaldu ditu bideo honetan aurtengo Euskarabilduaren asmoak:
Bertako eta kanpotik etorritako hizlariak
Bertako hizlarien artean izango dira Argia aldizkariko kideak (Iraitz Agirre eta Lander Arbelaitz), Mugimendu Feministako Kattalin Miner, Errigora egitasmoko Peru Aranburu eta Aitziber Gurutzeaga, Bagera Donostiako Euskaltzaleen Elkarteko eta elkarte horretatik bultzatutako Egian Euskaraz Bizi Nahi Dugulako ekimeneko kidea.
Islandiatik etorriko da Katrin Oddsdottir. Parlamentuak bultzatuta, konstituzio berri baten erredakzio parte hartzailearen prozesua azalduko du, instituzioen aldetik ere komunikazio prozesu irekiak gauzatu daitezkeela erakutsiz. Diadaren komunikazio lanketari buruz hitz egingo digu Galdric Peñarroja argazkilariak eta ANCko kideak. Scheherezade Suria itzultzaileak berriz, testuen erredakzioan kultur aniztasunak duen garrantzia azpimarratuko du. Azkenik, Aritz Cirbián Kataluniako Compacto kooperatibako zuzendariak gizarte aldaketarako ikus-entzunezko egitasmoen adibideak erakutsiko ditu, aipamen berezia eginez Frantziako Nuit Debout mugimenduan eragin handia izan zuen ‘Merci Patrón!’ dokumentalari.
Zuzenean ikusteko aukera
Streaming bidez zuzenean jarraitzeko aukera izango da EITB.eus-en lankidetzari esker. Aretoan bertan, hormetan jarriko diren mural batzuetan hitzaldien testigantza grafikoa –graphic recording– zuzenean jasoko dute.
Izena emateko azken egunak
Jardunaldietan parte hartu nahi dutenek aurrez izena ematea beharrezkoa da. www.euskarabildua.eus webgunean horretarako aukera dago. Izena ematea guztiz doakoa da.
Azaroaren 10eko egitaraua
- 09:00: Aurkezpena
- 09:15: Hitzaldia: Euskal Herriko egitasmo komunikatibo mugiarazleak
- Aitziber Gurutzeaga (Egia Euskaraz)
- Kattalin Miner (Mugimendu Feminista)
- Peru Aranburu (Errigora egitasmoa)
- 10:00: Hitzaldia: Herrigintzatik Argia indartzera goaz
Iraitz Agirre eta Lander Arbelaitz (ARGIA) - 10:30: Hitzaldia: How Iceland "crowd sourced" its constitution in the aftermath of its financial crisis
Katrin Oddsdottir (Islandia) - 11:00: Atsedenaldia
- 11:30: Hitzaldia: ¿Un mundo sin traducción?
Scheherezade Suria, itzultzailea (Katalunia) - 12:00: Hitzaldia: 'Merci Patron!' y otros proyectos audiovisuales para el cambio social
Aritz Cirbián (Compacto Coop) - 12:30: Hitzaldia: La revolución de las sonrisas: la sociedad civil catalana y el nuevo activismo político
Galdric Peñarroja, argazkilaria (Katalunia)
Gorrotoa sustatzen duten algoritmoak, mendekotasuna sortzeko diseinatutako aplikazioak, pertsonak beharrean publizitate-hartzaileak ikusten dituzten plataformak, merkantzia gisa tratatzen gaituzten sare sozialak... Badirudi azken aldian Internetetik toxikotasuna baino ez dugula... [+]
Euskal Herriko hainbat zentro teknologikotako ordezkariek parte hartuko dute euskarazko ahots teknologiaren egoera eta etorkizuna aztertuko dituen mahai-inguruan, Jon Torner ARGIAko kazetariak gidatuta. Topaketa urriaren 17an izango da, Donostiako San Telmo museoan egingo den... [+]
EducaMadrid software librean oinarritutako hezkuntza plataforma 2002an jarri zen martxan Madrilgo Erkidegoan eta egun milioi bat erabiltzaile inguru ditu. Bertako kide Daniel Estebanek plataformaren aurkezpen praktikoa egingo du urriaren 17an Donostiako San Telmo museoan egingo... [+]
Belén Ivars Softcatalà-ko kideak, katalana Interneten eta teknologia berrietan sustatzeko lanean ari den irabazi asmorik gabe elkartearen jardunaren berri emango du urriaren 17an Donostiako San Telmo museoan egingo den Euskarabildua jardunaldian.
Maider Likona informatikariak gidatutako solasaldi baten bidez, Alexis Guirlé Izarralde taldeko zuzendariak eta Xabier Garmendia Abaila kooperatibako kideak datu zentro lokalak eskaintzen dituzten euren proiektuei buruz hitz egingo dute. Era berean, datuen kudeaketa... [+]
Marta G. Francok, Las redes son nuestras (Sareak gureak dira) liburuaren egileak, Internet deszentralizatua berreskuratzearen garrantziaz hitz egingo du urriaren 17an Donostiako San Telmo museoan egingo den Euskarabildua jardunaldian.
Manuela Battaglini datuen etikan eta pribatutasunean espezializatutako abokatua Inteneteko gobernantza ereduari buruz ariko da urriaren 17an Donostiako San Telmo museoan egingo den Euskarabildua jardunaldian.
Artifiziala ez den teknologia izango du goiburutzat Iametza komunikazio enpresak, ARGIA eta Ametzagainarekin elkarlanean, antolatu duen Euskarabildua jardunaldiaren 13. edizioa. Teknologiaren erabilera "etikoagoa, iraunkorragoa eta bideragarriagoa" aldarrikatuko dute,... [+]
Aurtengo Euskarabildua topaketa teknologikoa (iAmetzak antolatzen duena urtero) urriaren 17an izango da Donostian, San Telmo Museoan. "Artifiziala ez den teknologia" jarri diote goiburu gisa, adimen artifizialaren oldarraldi garai honetan "inoiz baino... [+]
Euskarabildua jardunaldiak egin dituzte Donostiako San Telmo museoan eta antolatzaile da ARGIA, Iametza eta Ametzagaiña taldeko enpresekin batera. Egunerokoan baliagarriak diren teknologia burujabe eta libreak ezagutzera eman ditu jardunaldiak. Euskaraz lan egitea... [+]
Beñat Irasuegi Talaios Kooperatibako kideak Odoo tresna librea aurkeztuko du Euskarabildua jardunaldietan ostegunean Donostiako San Telmo museoan.
Mailtrain e-posta bidalketak egitea ahalbidetzen duen software librea da. Norberaren zerbitzarian instalatzeko aukera eman eta datuen pribatutasuna zaintzen du.
Hodei propioa eraikitzea ahalbidetzen duen software librea da Nexcloud, datuen pribatutasuna zaintzen duena. Dokumentuen biltegia eta partekatzeko gunea izateaz gain, bestelako funtzionalitateak ere integratzen ditu: bideo-deiak egiteko Talk sistema; egutegia; posta... [+]
Herritar gehienontzat hiru kontzeptuek esanahi bera izan ohi dute: teknologia burujabetza eta software librea sinonimoak dira, baita librea izatea eta kode askekoa izatea ere. Baina nahiz eta harremana duten kontzeptuak izan, ez dira gauza bera.