Garapeneko GKE-en koordinakundeak egindako ikerketa baten arabera, ez dago “koherentziarik” EAEko erakundeek daramaten enpresen nazioartekotze politikaren eta giza garapenerako egin diren lankidetzen artean. Nazioartekotzea lehiakortasunean eta errentagarritasunean oinarritzen da, eta albo batera uzten ditu printzipio humano ekitatibo eta iraunkorrak.
Araba, Bizkaia eta Gipuzkoako 79 gobernuz kanpoko erakunde biltzen dituen GGKE koordinakundeak eta Bakea eta Duintasuna-OMAL erakundeak ikerketa argitaratu dute lurralde horietako foru aldundiek eta Eusko Jaurlaritzak daramaten enpresen nazioartekotze politikan giza garapena nola lantzen den ikusteko.
Giza garapen iraunkorraren ikuspegia noraino dagoen barneratuta jakin nahi dute, eta 2017-2019 urteko epea barematu dute horretarako: “Aztertu nahi dugu ea enpresak nazioartekotzeko politikak lagungarri diren guztion ongizatea, berdintasuna, iraunkortasuna, parte-hartzea eta giza eskubideak bideratzeko, bai Euskadin bertan eta bai euskal enpresek lan egiten duten herrialdeetan”, diote GGKE koordinakundeko kideek. Gogorarazi dute, Iñigo Urkullu lehendakariak 2016an konpromisoa hartu zuela “koherentzia” izango zuten garapen politikak bultzatzeko.
Giza garapeneko 18 irizpide identifikatu dituzte, eta nazioartekotzeko hiru arlotan landu: Ondasun eta zerbitzuen esportazioan, atzerriko inbertsio zuzenean eta atzerriko inbertsioak lurraldean bertan erakartzeko ekimenetan. Ondorio nagusietako bat da nazioartekotze politiketan lehiakortasuna eta errentagarritasuna lehenesten diren heinean, balazta jartzen zaiela garapeneko lankidetza hitzarmenen bidez “pobreziaren eta desoreken aurkako borrokan lortutako aurrerapausoei”, garapen iraunkor eta ekitatiboa alboratuz.
Nazioartekotze politika horrek “albo batera uzten du euskal enpresek diharduten herrialdeetako beharrizanak asebetetzeko helburua”, salatu dute. Lehiakortasuna, hortaz, “merkatuetan nagusitzeko ikuspegi” hutsetik ulertzen da, ez eraginkortasun sozial eta ekologikoa lortze aldera.
Nazioartekotze politika horrek “albo batera uzten du euskal enpresek diharduten herrialdeetako beharrizanak asebetetzeko helburua”, salatu dute
Giza garapen iraunkorra erreferentzia “osagarri” bat baino gehiago izan eta erdigunean jartzeko, hainbat gomendio eta proposamen zehatz helarazi dizkie GGKE-k Jaurlaritzari eta hiru foru aldundiei, hala nola, Enpresa eta Giza Eskubideen Euskal Zentro bat sortzea, lankidetza publiko-pribaturako Basque Consortium foroan parte hartzen duten eragileen esparrua zabaltzea, eta nazioartekotze politikaren ikuspegia berriz “definitzea”, garapen iraunkorra barnebilduz.
“Funtsezkoa da maila guztietan eta, bereziki, kanpora begira, identitate komun bat proiektatzea, koherentea mundu globalizatu honetan ditugun erronka globalekin”, diote. Egindako gomendioak aintzat hartuz gero, seguru daude lurraldeok “aitzindari” izango liratekeela “justiziaren eta gizarte erantzukizunaren printzipioetan”.
Ikerketa COVID-19ak sortutako osasun larrialdiaren erdian argitaratu da, eta OMALek nabarmendu du, hain justu, nazioartekotzea izan dela hasieratik zalantzan jarri den estrategia zaurgarri eta "aldakor" nagusietako bat: Egokia al da enfasia nazioartekotzean mantentzea, pandemiaren testuinguruan ez ezik, krisi ekologikoaren testuinguruan ere?" galdegin du ikerketa aurkeztean. Ez al litzateke hobe berriz ere zirkuitu laburreko ekonomia birlokalizatura jotzea?
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du... [+]
Mundu mailako ekonomiak gorakada nabarmena izan zuen COVID-19aren ostean. Orain, baina, gorakada hori agortze-fase batera heldu den zantzuak agerikoak dira, krisi klimatikoak nabarmen baldintzatuta: munduko potentzia nagusien ekonomiaren hazkunde-tasa murrizten ari da,... [+]
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
Kapitalismoan lana salgai bat da, beraz, ohiko ekonomialarien pentsamoldea jarraituz, eskaintza eta eskariaren arteko orekak bai prezioa, bai kantitatea erregulatu beharko lituzke. Agerikoa denez, hori ez da errealitatean betetzen. Emango balitz, lan harremanak leherraraziko... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]
Itsasoan gertatutako istripu baten ondorioz hil da arrantzalea. Hunekin Aski itsasontzian lanean ari zelarik erreskatatu zuten gizona, larunbat arratsaldean. Erietxean hil zen.
Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]