“Giza eskubideen urraketen arteko diskriminazioaren kontra egin behar dugu”
Terrorismoaren Biktimen Memorialak duen ikuspegiaren aurka antolatu dira hainbat elkarte memorialista. Nerea Martinez Martxoaren 3 elkarteko kidea da, eta Memoria Osoa plataformaren izenean hitz egin dute berarekin Hizpidean saioan.
Espainiako erregea, Pedro Sanchez Espainiako presidentea eta Iñigo Urkullu, beste batzuen artean izan ziren joan den astean Gasteizen, Terrorismoaren Biktimen Memoria Zentroa aurkezten. Hainbat elkarte eta eragilek salatu dute bertan lantzen den memoria partziala eta baztertzailea dela, estatu terrorismoaren biktimak alde batera uzten dituelako.
Bestela ere, 1960tik aurrera kontatzen hasita, Carrero Blanco eta frankismo garaian diktadurarentzako lanean aritutako beste pertsona batzuk ere omentzen ditu.
Nerea Martinez Martxoaren 3 elkarteko kidea da, eta Memoria Osoa plataformaren izenean izan da Hizpidean irratsaioan. Berari eskatu diote Memorialaren balorazioa, eta alternatibak nolakoa izan beharko lukeen hausnartzen aritu dira berarekin.
Elkarrizketa osoa hemen entzungai:
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]