Gipuzkoako zahar egoitzetako langileek 250. greba eguna dute
Gipuzkoako egoitzetako langileek hiru urte daramatzate greba egunak egiten. Ekainaren 14koa 250garrena izango da. Langileen lan baldintzak eta erabiltzaileei eskaintzen zaien zerbitzua hobetuko lituzkeen hitzarmen kolektiboa lortzea dute helburu.
Aintzane Orbegozo Gipuzkoako erresidentzietako ELAko ordezkariak naiz.eus-en argitaratutako iritzi artikuluan adierazi duenez, “langileen hitzarmenari buruz hitz egiteko eseri nahi dugu Diputazioarekin, baina muzin egiten dio eskaerari Markel Olanok. ELAk konponbiderako proposamena izanagatik ere, ez du entzun nahi”. ELA sindikatuak ekainaren 14an hainbat ekintza antolatu ditu Donostian. Kontzentrazioak eta manifestazioak egingo dituzte eta 10:30ean Mitxel Lakuntza sindikatuko idazkari nagusiak hitzaldia emango du Bulevarreko kioskoan.
Pandemiak lan baldintzak okertu ditu
Hiru urte iraun dituen gatazka 2020ko martxoaren 13an moztu zuten langileek beraiek, 243 greba egun eginak zituztenean eta pandemiak mundua geldiarazi zuenean. 2020ko urriaren 6an greba egunak berrartu zituzten. Berriz grebei heldu zietenean adierazi zuten: “Orduan [pandemia aurreko garaian] erdi esklabotzako lan-baldintzez hitz egiten bagenuen, gaur egun sektoreko langileok pairatzen duguna ankerra da”.
Zahar egoitzak gogor kolpatu zituen pandemiak, egoiliar asko hil ziren eta hainbat langile kutsatu zen. Bizipen horrek “fisikoki, psikologikoki eta emozionalki lehertuta” utzi zituela adierazi zuten langileek eta kritikatu zuten “albo batera utzi” zituztela Gipuzkoako Foru Aldundiak eta egoitzen atzean dauden enpresek. Enpresen eta Foru Aldundiaren mespretxua eta kudeaketa negargarria salatu zituzten.
Araban hamalau greba egun daramatzate
Ekainaren 11n egin zuten hamalaugarren greba eguna eta sektoreko langileak Eusko Legebiltzarraren aurrean bildu ziren protestan. Arabako hitzarmena izatea eskatzen dute Espainiar Estatukoak gutxieneko lan baldintzak ez dituela bermatzen baitiote. ELA, UGT, CCOO eta LABek deituta egin zen greba eguna. Langileek bi urte baino gehiago daramate herrialde mailako hitzarmena eskatzen.
Zahar etxeeetako langileak Zinemaldiaren alfonbra gorrian sartzen saiatu dira (irailak 25), baina Poliziak geldiarazi egin ditu.
Otsailaren 6an greba deitua dute LAB eta ELA sindikatuek, bakoitzak bere aldetik, Gipuzkoako zahar etxeetan. Bi sindikatu hauek salatu dute Jaurlaritzak gutxieneko zerbitzuak %100ekoak ezarri dituela eta beraz, greba eskubidea ukatu diela 5.000tik gora langileri. Greba egunean... [+]
Urriaren 6an, ELAk pandemiaren ondorioz gelditutako greba luzea berriz hasiko du Gipuzkoan. Egun berean LABek grebara deitu du. Araban, ELA, LAB, UGT eta CCOO sindikatuek hiru eguneko greba deialdia egin dute adinekoen egoitza pribatuetan.
Pandemiak erantzukizunez jokatzea eskatzen ziela ondorioztaturik, martxoaren 13an bertan behera utzi zuten greba Gipuzkoako zahar-egoitzetako langileek. Ordutik beren egoerak okerrera egin duenez, berriz ere grebari ekitea erabaki dute, urriaren 6an.
Irailaren 19an atera dira Bilboko kaleetara Bizkaiko Pentsiodunen Mugimendua eta Bizkaia Babestu egoitzen erabiltzaileen senideen elkartea. Unai Rementeria ahaldun nagusiari sei hilabete eta gero egoitzetan kutsatzeak eta heriotzak zergatik ari diren gertatzen publikoki azaltzea... [+]
COVID-19ak 243 eguneko greba atzeratzera behartu zituen erresidentzietako langileak, “lehen eta orain lehentasuna erabiltzaileen osasuna bermatzea" izan behar dela argudiatuz. Hala ere, Gipuzkoako Foru Aldundiak “laguntza faltsua” eman diela salatu du... [+]
Koronabirusak Altzako Berra zaharren egoitzako langileen egoera txarra agerian utzi duela salatu du ELA sindikatuak, pertsonal eta material falta handia dagoelako. Bestalde, egoiliarren senideek adierazi dute egoitzako langileak "lanez gainezka" daudela.
Helburu bat dute Arabako, Gipuzkoako eta Bizkaiko hiru elkarteek: egoitzetan dituzten senideen eta lagunen zaintzan eta arretan kalitatea hobetzea. Horretarako gero eta interes gutxiago dagoela uste dute eta elkarrekin lanean hastea erabaki dute.
Goiza Aitziber Aranberri eta Ana Mertxanekin pasa dugu Donostian. Biak Gipuzkoako zaharren egoitzetako langileak dira. Bada egun berezia gaurkoa, milaka herritar atera direlako kalera pentsio, lan eta bizitza duina eskatzera. Egoitzetako langileek, ordea, gaur 199 egun egin... [+]
ELA sindikatuak bilera izan zuen urtarrilaren 10ean patronalaren zati batekin, Lan Harreman Kontseiluan. Sindikatuak greban segitzea erabaki du, eskatutako bi baldintzei buruzko erantzunik ez zuelako eraman patronalak. Langileek 180 egunetik gora egin dituzte greban.
Urtea hasterako, Gipuzkoako epaitegi eta ertzain etxeetako garbitzaileen grebek hartua zuten kalea, urte erdira luzatzeko; urte amaiera, berriz, Gipuzkoako zahar etxeetako langileen grebarekin doa. Tartean, papergintzako eta grafikagintzakoak ere izan dira protagonista. 2019ak... [+]
Greba deialdi berria iragarri dute sektoreko hitzarmen kolektiboaren negoziazioa desblokeatzeko bidean. Izan ere, beste behin salatu dutenez, Gipuzkoako Foru Aldundiak negoziazioa blokeatuta dauka.