Gipuzkoako ondare arkeologikoa jasotzeko biltokia zabaldu dute Donostian
Donostiako Intxaurrondo auzoan, ondare arkeologikoa biltzeko gune berria eraiki du Eusko Jaurlaritzako Kultura Sailak. Gipuzkoan azken ehun urteotako indusketetan jasotako materiala bildu, zaindu eta katalogatuko da zentro horretan, ikertzaileek eskura izan dezaten. Horretarako, mila metro koadroko espazioa atondu dute eta ikertzaileek gela berezi batean aztertu ahal izango dute material arkeologikoa. Hala ere, arduradunek argitu dute biltokia ez dela publikoari zabalik egongo. Orain arte San Telmo museoan eta Zorroagan gorde izan dituzte halako materialak, eta asmoa da hemendik urte pare batera Gipuzkoako Foru Aldundia Irunen eraikitzen ari den zentro handiago batera eramatea altxor arkeologiko hori. Dena den, Irungo zentro berriak ez du, oraingoz, museo izaerarik izango, Bizkaian edo Araban gertatzen den bezala. Donostiako biltegian aztarna arkeologiko eta paleontologikoez beteriko 7.600 kaxa inguru gorde dira, tartean, Lezetxikin aurkitutako duela 300.000 urteko emakume baten besahezurra edo Burdin Aroko herrixketan azaldutako zeramika zatiak eta nekazal tresnak.
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Irulegiko Burdin Aroko herri gotortuan azaldutako brontzezko piezari buruzko ikerketa “osoena” azaltzen duen artikulua argitaratu du aditu talde batek nazioarteko aldizkari zientifikoan. Orain arte ez genekizkien hainbat berritasun dakartza.
Antzinako euskarazko hitzak dituen eskua agertu zen Nafarroako indusketagunean arkeologoek lanean jarraitu dute aurten eta Burdin Aroko herrixka baten aztarna gehiago aurkitu dituzte, tartean harrizko eskailerak dituen etxebizitza, mendebaldeko Pirinioetan ez da inoiz orain arte... [+]
Irulegiko eskuaren aurkezpen publikoak jendartean nabarmen piztu du duela bi mila urte baino gehiagoko Euskal Herria nolakoa zen jakiteko grina. Zorionez, Burdin Aroko arkeologiak tradizio luzea du gurean, eta garai hartako zenbait aztarnategi ezagutuz iraganera bidaia txiki bat... [+]
Hainbat urteko ibilbidea egin du Irulegiko proiektu arkeologikoak (Aranguren, Nafarroa), Aranzadi Zientzia Elkartearen eta erakunde publikoen elkarlanari esker. Berriki aurkeztu dute aztarnategiak eman duen azken sorpresa, Nafarroako Gobernuak egindako agerraldian: esku-itxurako... [+]
Hebrida uharteak (Eskozia), duela 5.600 urte. Loch Arnish, Loch Bhorgastail, Loch Langabhat eta beste hainbat aintziretan, gizakiek irlatxo artifizialak eraiki zituzten, ahalegin izugarria eginez. Loch Bhorgastaileko uharte artifizialera iristeko harbide bat ere egin zuten.
Turkiako Tayinat aztarnategian, Burdin Aroko Patina erresuma hititaren hiriburu Kunuluaren arrastoen artean, 3.000 urteko emakumezko estatua baten burua eta gorputz-enborra aurkitu dituzte.
Egokitze eta garbitze lanak egin ostean, jendaurrera ireki dute berriro ere Guardiako La Hoya aztarnategia; egindako lanen emaitza erakusteko ate irekien jardunaldia prestatu du Arabako Diputazioak larunbaterako.
Azken 30 urteetan Gipuzkoan egindako ikerketa arkeologikoak biltzen dituen Arkeologia bildumako zazpi liburuak aurkeztu zituen atzo Foru Aldundiak, egitasmoan parte hartu duten zenbait aditurekin batera. Historiaurretik hasi eta XX. mendeko arkeologia industrialera arteko... [+]