Gipuzkoako natur talde eta ekologistak haserre Aldundiarekin
Gipuzkoako Foru Aldundiaren aurrean protesta egin dutela natur talde eta ekologistek 2013ko otsailean? Sinesgaitza, ikusirik hondakinen errausketaren edo Pasaiko kanpoko portua bezalako azpiegitura erraldoiei aurre egiteko zer buruhauste darabilzkien Diputazioak. Baina posible da, antza, arazorik zailena askatzea lortzen ari dena korapilorik errazenean katramilaturik gelditzea. Dena dela, oharrak aspaldi zeuden emanak.
Berdeak, Ekologistak Martxan, Eguzki, Erkaxo Azpeitiko Natur Taldea, Haritzalde, Itsas Enara Ornitologia Elkartea, Landarlan Natur Elkartea, Mutriku Natur Taldea, Okil Beltzak Natur Taldea, Ondarroa 12 milia, Arkamurka Natur Elkartea, Herrio Natur Taldea, Zumaia Natur Taldea, Katamarrua Zestoako Natur Taldea, Ugatza Ornitologia Elkartea eta Osina Natur Taldea. Ez bat eta bi, denetara hamasei talde kexatu dira Gipuzkoako Foru Aldundiaren jarreraz, Donostiako jauregiko atarian. Banderola mikatza erakutsi dute: Gipuzkoako armarriaren hiru haginetatik bi motozerrak ebakirik, Berria eta Diario Vascoko kroniketan (honetan bideo eta guzti) ikus daitekeenez.
Naturazale eta ekologistok iragarri dute bertan behera uzten dutela Aldundiarekin batera Gipuzkoako landa eremuan inguru naturala eta bioaniztasuna zaindu edota berreskuratzeko kudeaketa-planak mahaian parte hartzea, eta salatu dute Bildurekin Aldundiak nekazaritza eta landa eremuen kudeaketan aurretik EAJk eta Hamaikabatek eramandako politika bera darabilela. Departamendu hori Eusko Alkartasunak kudeatzen du.
Egun berean Berrian argitaratutako “Natur kontserbazioa Gipuzkoan” iritzi artikuluan Aitziber Sarobe Egiguren biologoak izen-abizenak jarri dizkio naturazaleen eta ekologisten ezinegonaren sustraian dagoenari: Bilduk hauteskundeak irabazitakoan Gipuzkoarako agindutako aldaketa pozik ikusi ondoan, dio Sarobek, “aldaketa hori ez zen ez sail eta ezta programa guztietan gertatu. Uda pasatu zain egon behar izan genuen Berrikuntza, Landa Garapena eta Turismoa Departamentuko Mendietako eta Natura Inguruneko Zuzendari nagusiaren izendapena ikusteko: azken izendapena izan zen Julian Unanue Bereciartuarena. Ordurako zantzu txarrak hartzen hasiak ginen, baina ezin uka izendapen hori sorpresaz hartu genuenik. Izan ere, Gipuzkoako natur kontserbazioaren ardura duen zuzendariak egurraren negozioari lotutako interes pribatuak ditu”.
Talde horiek aspalditik, pankartarekin plazan azaldu baino askoz lehenagotik, ari ziren kritikatzen publikoki Diputazioa landa eremuan daramatzan ekintzengatik. Nabarmena izan zen intsinis pinuaren Prozesionarioa (Thaumetopoea pityocampa) izeneko arra desagertarazteko Aldundiak egindako fumigazioak sortutako ezinegona. Aurrekari hori biharkoan kontatuko dugu.
[2008-02-28ko eguneraketa] Gipuzkoako Foru Aldundiko Berrikuntza, Landa Garapen eta Turismoko diputatu Jon Peli Uriguenek ekologista eta naturazaleen argudioei eta bereziki Aitziber Sabore biologoak egindako salaketei erantzun die Berrian publikatutako "Aldundia, bioaniztasunarekin" (http://paperekoa.berria.info/iritzia/2013-02-28/004/001/aldundia_bioaniztasunarekin.htm) iritzi artikuluarekin. Sarobek izen-deituraz aipatutako Julian Unanue mendi eta natur inguruneko zuzendaria defenditzeaz eta honek darabiltzan politikak diputatuak berak berresten dituela esateaz gain, Bildun adostutakoak direlakoan, gatazkan daudenen arteko desadostasunak Gipuzkoako landa eremuari dagozkion politiketan baino horiek abian jartzeko erritmoetan dagoela iradoki du Uriguenek, ahaztu gabe naturaren kontserbazioaz gain bertan bizi diren herritarren eta zehazki baserritarren beharrak ere uztartu behar direla.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Babesturiko natur eremuetan egoteagatik, ingurumenean izan dezakeen inpaktuagatik eta hiri planeamenduarekin bat ez egiteagatik jarri dute alegazioa hiru udalek, besteak beste. Multinazional norvegiarrak eraiki nahi duen zentral eolikoak bost haize-errota handi aurreikusten ditu... [+]
Joan den abenduan aurkeztu zuten Euskal Herriko Kontseilu Sozialista (EHKS), Euskal Herrian Mugimendu Sozialista egituratzea helburu duen alderdia. Europan Alderdi Komunista eratzea dute helburu eta iraultza sozialista gauzatzea. Peio Ormazabalek eta Beñat Aldalurrek EHKS... [+]
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]
Gizonezko bat atxilotu dute, ustez bi sexu erasoen egile delakoan. Igandean izan ziren gertakariak.
Azpeitian emakume bat bortxatzea egotzita, gizon bat atxilotu du Ertzaintzak. Udalak astelehen 18:30etarako gaitzespen kontzentraziorako deia egin du eta ihauterietako gaurko programazioa bertan behera utzi du.
Azpeitiko herriko plazan egin dute Gazako sarraskia salatzeko ekimena. Herritarrek bata bestearen atzetik ahots goran irakurri dituzte Israelek hil dituen dozenaka milaka palestinarren izen-abizenak.
Begi aurrean duzun hau eskuz dago idatzita, irakurle. Ordenagailuz idazten ditut normalean hemengoak, baina gaur gorputzak halaxe agindu dit, behar duela hemen bere arrastoa utzi, bere nekearen eta ezinen berri eman. Eta nor naiz ni gorputzari kontra egiteko, berak ere sufritzen... [+]
Abenduaren 22an Azpeitiko herriko plazan egingo dute Gazako sarraskia salatzeko ekimena. Herritarrek bata bestearen atzetik irakurriko dituzte ahoz goran Israelek hil dituen dozenaka milaka palestinarren izenak.
Abenduaren 1ean, ostiralarekin, Azpeitian aurkeztuko zaie herritarrei "Amillubi taupaka" proiektua. Laborantza ekologikoaren aldeko Biolur elkarteak bere asmoak iragarri ditu: "Amillubi baserria eta bere lur eta basoak modu kolektiboan erosteko urratsak egin nahi... [+]
Josebe Blancok Hausnarrean. Ardiek egin naute artzain liburua kaleratu du ARGIAko Bizi Baratzea sailean. Berau aurkezteko lehen hitzaldia azaroaren 7an Antzuolan emango du, artzaina artaldearekin bizi den Pikunieta baserria kokatuta dagoen udalerrian. Maria Eugenia Irazabalekin... [+]