Gipuzkoako metalgintzan ELAk eta UGTk akordioa lortu dute Adegirekin
Negoziazio mahaiaren zortzigarren bileran etorri da akordioa ostegun honetan eta 30.000 bat langileri erangingo die. ELAk (ordezkaritzaren %47,8) eta UGTk (%4,3) sinatu dute, eta LABek (%35,8) eta CCOOk (%12.2) ez. Akordioak lau urteko iraupena izango du.
Aurreakordioaren arabera, soldatak %5 igoko dira 2023an; KPIa gehi %0,7 2024an; eta 2025ean eta 2026an KPIa igoko da. KPIaren igoera %5,7koa izan da Hego Euskal Herrian 2022an. ELAk adierazi duenez, Hego Euskal Herriko metaleko soldata onenak bermatzen jarraitzen du hitzarmenak. "Ondorioz, adibide gisa: Eibarren edo Ermuan lehen mailako ofizial gisa lanean diharduen langileen arteko aldea 6.000 euro baino handiagoa izango da, eta lizentziadunen edota ingeniarien artean are handiagoa: Gipuzkoan 44.000 euro kobratuko dituzte, Araban eta Nafarroan baino 15.000 euro gehiago, eta Bizkaian baino 8.000 euro gehiago”.
LAB ez dago konforme balorazio horrekin, oinarrizko soldata baino gehiago irabazten dutenen soldata KPIaren %85 bakarrik igoko delako, eta ondorioz, langile gehienei igoera hori ezarriko zaielako. Sindikatuak adierazi duenez, alor hori hobetzeko, sei greba egun proposatu zituen maiatza eta ekainerako.
ELAk dio martxoan helarazi ziela gainerako sindikatuei akordioa lortzeko borondatea, eta elkarrekin negoziatzeko aukera ere bai; areago, Adegik negoziazioa etenez gero sei eguneko greba proposatzen zuela maiatza eta ekainerako, eta sindikatuek ez zutela nahi izan. ELAk gogorarazi du Gipuzkoako greben %88,17 egiten dituela.
Akordioaren beste atal batzuk
Subrogazioa: Azpikontratatutako langile guztientzako subrogazioa jasotzen du hitzarmenak. ELAren arabera,"horrek egonkortasuna emango die sektoreko pertsona prekarioenei".
Urteko lan orduak: 2024an 1.695 ordu izango dira, orain arte baino bi ordu gutxiago. ELAren esanetan, horrekin lortu dute Gipuzkoa eta Nafarroako metalgintzak estatu osoko lan ordu txikienak izatea.
Bajak: Lanari lotutako gaixotasunen edo istripuetan, soldata osoa jasoko dute langileek.
Euskara: 50 langiletik gorako enpresa bateko langileen ordezkaritzak hala eskatzen badu, enpresako zuzendaritzak hizkuntzaren normalizazioari heldu beharko dio.
LGTBIQ+ eskubideak: Genero trantsizioa egiten ari den edozein langileren nortasun berria onartu beharko du enpresak.
Guraso bakarreko familiak: Zortzi ordu gehiago izango dute seme-alabei laguntzeko mediku kontsultetan.
Adegik azpimarratu du gatazkarik gabeko bost hilabeteren ondoren lortu dutela akordioa, hori ona dela eta “akordioak lansari txikienak dituzten langileak babesten dituela, haiek izango dituztelako soldata igoera handienak”.
Hitzarmena berritzeko negoziazioetan zegoen blokeoagatik deitu zuten grebara, eta istiluak izan ziren Ertzaintzaren eta manifestarien artean. 22 grebalariren aurkako prozesu judizialak abiatu dituzte, desordena publikoak eta agintarien aurkako erasoak leporatuta.
CCOO, LAB eta UGT sindikatuek beren afiliatuen artean egindako batzarretan langileek baiezkoa eman diote FVEM patronalarekin negoziaturiko lan hitzarmenari baiezkoa ematea. Hamaika eguneko greba eta hainbat mobilizazioren ostean dator akordioa. ELAk oraindik ez du erabakirik... [+]
Bizkaiko metalgintzako patronala lan hitzarmenaren negoziazioan egiten ari den kudeaketa ikusita, enpresa batzuek FVEM elkartetik irtetea erabaki dute, sindikatu abertzalearen arabera. Laugarren egunean Ertzaintza ez da grebalarien kontra oldartu, eta pikete eta protesta... [+]
Bizkaiko metalgintzako hirugarren greba egunak tentsio une ugari ekarri ditu, ertzaintzak langileen kontra egin ondoren. Gutxienez lau pertsona ospitalean artatu behar izan dituzte asteazkenean. Sindikatuek, lantegien eta FVEM patronalaren egoitzaren aurrean egin dituzte... [+]
Patronalak egindako azken proposamenari eskas iritzirik, Bizkaiko metalgintza sektorean aurtengo hirugarren greba deialdia egin dute sindikatuek; astelehenetik ostiralera iraungo dute lanuzteek. Lehen egunean grebak izandako babesa zabala izan dela adierazi dute.
Ikusgarriak dira berriz ere metalgintzako sektoreko grebak Bizkaian azken bi asteetan utzi dizkigun irudiak. Badago langile borrokaren amaieraz aritzen denik Euskaldunako garaiak nostalgiaz gogoratuz, baina errealitatea da lan gatazken kopuruak gora egin duela Euskal Herrian... [+]
Meltagintza sektoreko langileak azaroaren 28tik abenduaren 2ra arte greba egitera deitu dituzte LAB, CCOO, UGT, ESK, CGT eta CNT sindikatuek. Diotenez, patronalak azken bileran entzungor egin die euren eskaerei.
Hirugarren greba egunean tentsioak gora egin du Bizkaiko metalgintzako langileek daramaten borrokan. Ertzaintza Zamudioko Parke Teknologikoan langileen kontra oldartu da, hainbat lagun identifikatu eta bat atxilo eraman du. Aurreko bi greba egunetan jarraipena %85ekoa izan dela... [+]
52.000 langileri deitutako greba zikloa hasi dute sindikatuek Bizkaiko metalgintzako sektorean. Azken negoziazio prozesuan patronalarekin akordiorik ez zen izan eta ondorioz moblizaziora jo dute langileen ordezkariek. Ostegun honetan dute lehen greba eguna.
Irailaren 21, 22 eta 23rako zegoen deituta greba, baina SEO patronalarekin aurreakordioa lortu dute LAB, UGT, CCOO sindikatuek. ELAk ez du onartu proposamena, ez dituelako “gutxiengo helburuak” betetzen.
Negoziazio mahaia desblokeatzeko asmoz antolatu dituzte greba egunak ELAk, CCOOek, LABek, USOk, ESK-k eta CGTk. Ekainaren 30ean eta irailaren 21ean, 22an eta 23an egingo dituzte lanuzteak.
Ekainaren 23an, 30ean eta uztailaren 1ean egingo dute greba. Patronalaren "blokeoa" gainditu eta hitzarmen duina lortzea dute xede.
Patronalak hitzarmenaren negoziazioa blokeatuta duela salatu dute. Otsailaren 14ko bileran egoera aldatuko ez balitz, lanuzteak eta grebak iragarri dituzte Arabako metalean.
Bizkaiko Metalaren sektoreko grebak utzitako hiru langile auziperatuek asteartean izan dute epaiketa eta Aiaraldeko beharginen babesa izan dute Bilbon. Artiacheko grebalariek eta Tubacexeko langileek bat egin dute deialdiarekin.
Azken hilabetetan izandako lan gatazketan auzipetuak izan diren beharginek agerraldia egin dute Eusko Jaurlaritzaren aurrean, langile borrokaren kriminalizazioa salatzeko. Mobilizazioak iragarri dituzte.