Gipuzkoako landa eremuko emakumeen saretzea bultzatzeko ekimena
Gipuzkoako sei Landa Garapen Elkarteak biltzen dituten entitatea da Landaola. Herri txikietan eta baserri-auzoetan bizi diren emakumeen arteko elkar ezagutza eta saretzea sustatzeko asmoz, Landa Emakumeak Gara egitasmoa abiatu berri du orain elkarteak, emakumeen ekarpenari aitortza egin eta haien lana ikusgarri egiteko asmoz. Sormen-lehiaketa da proiektutik antolatu duten lehen ekimena; urriaren 15era arte aurkez daitezke lanak.
Sormen-lehiaketa, hausnarketa bultzatzeko
Landa emakumeak eta bizikidetza izanen da lehiaketako gaia, eta Gipuzkoan erroldatuta dauden emakumeei zuzendu diete ekimena. “Begirada ezberdinetatik landa eremuaren, bertako emakumeen eta bizikidetzaren inguruko hausnarketak jaso nahi ditugu”, diote antolatzaileek. Euskarri grafiko bat (argazkia, irudia, marrazkia, collagea…) aurkeztu beharko da, hausnarketa-testu txiki batez lagunduta, eta biak baloratuko dira maila berean. Landaola.eus/lehiaketa web-orrian aurkeztu beharko dira lanak, urriaren 15a baino lehen.
Jasotako sormen-lanak adinaren araberako hiru kategoriatan banatuko dituzte, eta horietako bakoitzean hiruna sari egonen dira: 600 euro lehen postuan gelditzen direnentzat, 450 bigarrenentzat, eta 300 hirugarrenentzat. Epaimahaiaren sariez gain, publikoarena ere izanen da: bi lagunentzako gaua eta gosaria Gipuzkoako landetxe batean. Behin lehiaketa bukatutakoan, lanak ikusgai jarriko dituzte Landaolaren webgunean, eta erakusketa ere antolatuko dute abenduan. “Sormen-lehiaketatik sortutako hausnarketak, irudiak eta bideoak landa-emakumeekin sustatu nahi den saretze lan horren baitan aurrerago burutu daitezkeen dinamiketan erabiltzeko lan tresna bezala ere erabiliko dira”, diote.
Elkar-ezagutza eta kolektiboaren indartzea
“Landa Emakumeak Gara egitasmoarekin emakumeen bizitzetan eragina duten gaiez elkarrekin hausnartzeko espazioak bultzatu nahi ditugu”, diote elkartetik. Herrietako emakume taldeen nahiz bananakoen arteko elkar ezagutza sustatu nahi dute, harreman horretatik gune eta ekimen kolektiboak sortzeko. Emakumeen ikusgarritasuna lantzeko bide horretan ekimen gehiago ere egin izan dituzte Landaolan. Aipatzekoa da, esaterako, Landaola sarietan Gipuzkoako emakumeek lehen sektorean edo landa eremuan abiatutako lanak saritzen dituen atala.
“Emakume horien lana bertako bizitzan giltzarri bada ere, zoritxarrez, ezezaguna da gizarteko gainontzeko biztanleentzat”, azaltzen dute elkartetik. Dena den, azken urteetan aldaketa sumatzen ari direla diote: “Emakumeek, betetzen duten funtsezko papera gizarteratzeko eta aldarrikatzeko bidea hartu dute, eta ahalduntze indibidual eta kolektiboan pausoak ematen ari dira”. Bada, aldaketa hori bultzatzea eta ahalduntze horretan sakontzen laguntzea da egitasmo berri honen helburua ere.
Mahaño Lanathoua 2017an hasi zen aitaren lurretan arbolak landatzen, oihan baratzea lantzeko ideiarekin. “Hasieran asmoa ez zen horretatik ekonomia bat sortzea, gure buruaskitasunerako bidean pausoak ematea baizik”, gogoratu du laborariak. Baina, landaketekin... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Joxe Blanco Gomez laudioarra Lamuzanaturgunea blog-aren bultzatzaile eta Laudiokolore ekimeneko kidea da. Urteak daramatzate Laudion basa landareen inguruko sentsibilizazioa eta formazioa egiten, eta maiatzean, Arraño mendiko baso orkideen inguruko jardunaldiak egin... [+]
Urteak daramatza Cederna Garalur landa garapenerako elkarteak elikaduraren eta lehen sektorearen inguruko lanketa egiten Nafarroako Mendialdean. Elikadura osasuntsurako eta kontsumo jasangarriago baterako bidea egitea da asmoa, eta bide luze horretan, egitasmo berria gauzatu du:... [+]
Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Arabako Bionekazaritza elkartearen eta Euskadiko Hazien Sarearen arteko lankidetzatik sortu zen duela urte pare bat Agroekoop kolektiboa. “Arabako agroekologiaren bueltako elkarteak lotzeko eta indartzeko, eta sinergiak sustatzeko asmoz sortu genuen”, adierazi du... [+]
Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]
Urteak daramatzate Atxondoko Biezko baserrian bizitzen eta lanean Aner Garitaonandiak eta Oihane Lekunberrik. “Kaletarrak ginen gu, nik enpresa eta turismo ikasketak egin nituen, baina mundu hori ez zitzaidan gustatzen…”, azaldu du ekoizleak. Lekunberrik,... [+]
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]
Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]
Elkea proiektuan produktu asko eta desberdinak ekoizten ditu David Ruiz de Galarreta Azpilikueta ekoizle amezkoarrak. Olibondoekin hasi zen, baina fruta arbolek, lekaleek eta zekaleek ere beren tokia egin dute proiektuan urteotan. Eta, orain, jarduera berri bat gehitu die... [+]
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Zergatik doa mundu guztia Iruñera erosketak egitera, gure eskualdean elikagai asko ekoizten bada? Zergatik da hain zaila bailara hauetako produktuak bailara hauetako dendetan topatzea?”, galdera horiei eta beste zenbaiti tiraka hasi ziren lanean Zangoza aldean duela... [+]