Gipuzkoako gaztetxe eta gazte asanbladen topaketak egingo dituzte Beasainen
Martxoaren 16, 17 eta 18an egingo dituzte Gipuzkoako gaztetxe eta gazte asanbladen arteko topaketak. "Osotasun kapitalistari organismo berri bat kontrajartzeko" asmoz elkartuko dira parte hartzaileak Beasainen.
Aurreko urtean Iruñean burutu ziren Euskal Herriko gaztetxe eta gazte asanbladen III.topaketak. Jarraipena emateko asmoz, abenduaz geroztik harreman espazio bat sortzeko beharra ikusi dute Gipuzkoako gaztetxe eta gazte asanbladetako kideek.
Hilabeteko lanaren ostean, Beasainen ezarri dute hitzordua. Hiru egunetako topaketak antolatu dituzte, gazte asanbladak zein gaztetxeak birpentsatzen dabiltzala aitortuz; besteak beste, gaztetxeen funtzionamenduaz eta antolakuntzaz arituko dira egun horietan. Horrez gain, Euskal Herriko zein atzerriko proiektuak ezagutuko dituzte bertan, baita "ahalmen eta botere propioen" inguruko tailerrak ere.
Aldarrikapenerako tartea ere izango da topaketetan; hain zuzen, “Gaztetxeetako kideak aske, ogi gogorrari hagin zorrotza” lelopean errepresioaren aurkako manifestazioa egingo dute jardunaldien barruan.
Elkar ezagutu eta anitzak diren errealitateak elkarbanatzeko aukera sortu nahi dute topaketetan; izan ere, "herriz herri eta auzoz auzo erritmo desberdin eta hamaika errealitate daudela jakinda, elkar elikatzeko aukera bikaina dela" adierazi dute.
Datozen asteetan aurkezpenak egingo dituzte eskualdeetako herri eta auzoetan, topaketen inguruko informazio zehatza emateko. Aurkezpenetarako bertaratzeko deia egin diete herritarrei, proposamenak jaso eta eztabaidatzeko aukera egongo dela esanez. Azkenik, lo egiteko lekua eta otorduak eskainiko direla gaineratu dute.
Albiste hau Topatuk argitaratu du eta CC-by-sa lizentziari esker ekarri dugu ARGIAra.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.