Gipuzkoako enpresariek lobbya aurkeztu dute: Gipuzkoa Garaile
58 pertsonako taldeak Gipuzkoa Garaile ekimena abiatu du. “Gizarte zibiletik sortutako ekimena da, etorkizuneko erronkei hausnarketa kolektiboa egitetik sortu da”, adierazi dute.
Talde sustatzailean daude enpresa munduko, unibertsitateko eta zientzia alorreko ordezkariak, hala nola Adegi patronaleko presidente Pello Guibelalde, Espainiako ministro ohi Cristina Garmendia, Realeko presidente Jokin Aperribay eta Juanjo Alvarez Zuzenbideko irakaslea.
2008an antzeko ekimen bat abiatu zuten lurraldean, Gipuzkoa Aurrera izenpean. EAJ eta Hamaika Bat alderdiak buru zituen Aldundiak bultzatu zuen, eta bost botere gune nagusik osatzen zuten: ADEGI, Merkataritza Ganbera, Mondragon Korporazioa, Kutxa eta Aldundia bera. Gerora, Donostiako Udala ere sartu zen.
2011n, Bildu erakundera iritsi zenean, amaitutzat eman zuen lobby hura. Martxan egon zen bitartean aurrekontu foraletan lau milioi euroko gastua eragin zuen. Orain erakundeen parte hartzerik gabe abiatu dute bidea.
Gipuzkoa Aurreraren sorrera dokumentuan irakur daitekeenez, hainbat proposamen egin zituzten. Batzuk nabarmentzearren, Hondarribiko aireportua bultzatzea edo “Gipuzkoako hondakinen arazoa konpontzea”.
Gipuzkoa Garaileko aurkezpenean adierazi dutenez, beren lan ildoak teknologia, ezagutza, I+G+i, formazioa eta langileek enpresetan duten partehartzea izango dira. Lehen proposamenak ekainaren 25ean jakinaraziko dituzte, Hego Euskal Herriko hauteskundeen ostean.
Nork osatzen dute Gipuzkoa Garaile?
Lobbyaren webguneak ekimenari buruzko informazio ugari eskaintzen du, tartean sortzaileak zein diren. Beheko zerrendako pertsonek osatu dute:
Jose Mari Aizega, Ander Aizpurua, Juanjo Álvarez, Txomin Andonegi, Jokin Aperribay, Koldo Arandia, Jorge Arbaiza, Ana Arrieta, Marisa Arriola, José Arruti, José Miguel Ayerza, Andrés Barbadillo, Lander Beloki, Xabier Berasategui, José Luis De La Cuesta, Jesús De La Fuente, Xabier De La Maza, Tomás De La Presilla, Ricardo Díez, Iñaki Esparza, Julián Flórez, Mari Carmen Gallastegui, Cristina Garmendia, Juan Gastesi, Luis Goenaga, Juana Goizueta, Jesús Gómez, Pello Guibelalde, Jose María Guibert, María Luisa Guibert, Tomás Iriondo, Ion Irurzun, Cristina Iturrioz, Ana Belén Juaristi, Eduardo Junkera, Imanol Larrañaga, José Luis Larrea, Gustavo Lascurain, Ainhoa Lete, Gurutz Linazasoro, Javier Lopetegui, Antxon López Usoz, Carlos Luna, Carlos Martín, Joseba Martínez, Iñaki Mujika, Xabier Ortueta, José Javier Pardo, Txema Pitarke, Javier Roquero, Iñaki San Sebastián, Iñigo Ucín, Asier Vitoria, Iñigo Zaldua, Maite Zelaia, Eduardo Zubiaurre.
Aurkezpenaren bideoa:
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
2022an baino 12 milioi ordainketa gehiago egin ziren, eta inoizko datu hoberenak lortu ditu 2023an. Gipuzkoan bizi diren emakumeak izan ziren Mugi sistema gehien erabili zutenak, eta gehienbat hiri-autobusen erabilera gailendu zen. Pasaiako txalupako eta Loiuko aireporturako... [+]
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Gipuzkoan izan du babes gehien EH Bilduk, eta 2 eserleku gehiago lortu ditu; 135.000 boto baino gehiago eskuratu ditu, eta 5 puntu egin du gora. EAJk eserleku bat galdu du, eta 9rekin geratu da; 4 puntu egin du behera. Donostian boto gutxigatik irabazi du EAJk, eta udalerri... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
6.000 euro eta bi hilabeteko isunak ezarri dizkiete erretiratutako baserritarrei azoketan saltzeagatik. Hori dela eta irtenbide bat eskatzeko bilera eskatu dio Gipuzkoako Foru Aldundiak Gizarte Segurantzari. Ikuskapenek beldurra sortu dute Gipuzkoako azoketan; gutxienez dozena... [+]
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]
EAJk eta PSE-EEk, gehiengorik ez duten Arabako eta Gipuzkoako Aldundietan, ez dute lortu aurrekontu proiektu berriak onartzea.
Noiz eta Israel palestinarren aurkako genozidio betean dela, Gipuzkoako Aldundiak erabaki du erakunde sionistarekin harreman ekonomikorik handiena duen euskal enpresako presidenteari ohorezko ikurra ematea, "ongizateari eta gizarte-kohesioari" egindako ekarpenagatik.