EH Bildu nagusitu da Gipuzkoako Batzar Nagusietan
EH Bilduk eskuratu ditu Gipuzkoako Batzar Nagusietarako bozik gehien: 120.578 bozekin, 22 batzarkide lortu ditu, 2019ko hauteskundeetan baino 5 gehiago. EAJk, PSE-EEk eta Podemosek behera egin dute: EAJk 17 batzarkide lortu ditu, aurrekoan baino 3 gutxiago. PSE-EEk 7 batzarkide eskuratu ditu, aurrekoan baino 2 gutxiago, eta Podemosek 2 batzarkide, aurrekoan baino 2 gutxiago. PPk egin du gora 2 batzarkidetan, eta 3 izango ditu. Gehiengoa eskuratzeko 26 batzarkide behar direnez, datorren asteetan alderdiek egingo dituzten itunen baitan egongo da gobernatzeko ahala.
EH Bilduk 120.578 boz lortu ditu, hau da, boza eman dutenen %36,19ko babesa lortu du eta hau babes handiagoa da 2011n gobernatu zuenean lortu zuena baino: ordukoan boza eman zutenen %35,43k bozkatu zuen EH Bildu. 22 batzarkide eskuratu ditu.
EAJk 105.437 boz eskuratu ditu eta bozen %31,65 lortuta 17 batzarkide izango ditu. Lau urteotan ia 25.000 boz galdu ditu (2019koan 130.767 boz lortu zituen) eta 3 batzarkide gutxiago izango ditu.
PSE-EEk ere beherakada izan du: 2019koetan baino 2 batzarkide gutxiago lortu ditu, eta 7 izango ditu. Guztira 51.591 boz eskuratu ditu, aurrekoetan baino 11.000 gutxiago (62.788 eskuratu zituen orduan).
PP bihurtu da laugarren indarra, Podemosi aurre hartuta: 3 batzarkide eskuratu ditu, aurrekoetan baino 2 gehiago. Guztira 20.574 boz, aurrekoetan baino 3.000 gehiago (17.303 eskuratu zituen orduan).
Podemosek bi batzarkide galdu ditu eta 2 batzarkide izango ditu Gipuzkoan. 21.283 boz eskuratu ditu, aurrekoetan baino 10.500 gutxiago (32.831 eskuratu zituen orduan).
Abstentzioak gora 6,69 puntu
Abstentzioa, boto zuria eta boto baliogabeak ere igo egin dira hauteskunde hauetan: abstentzioa %40,07koa izan da, 2019ko hauteskundeetan baino 6,69 puntu handiagoa. Boto zuriak %1,78 izan dira, aurrekoen bikoitza (%0,87 izan baitzen) eta boto baliogabeak %1,23 izan dira, aurrekoetan %0,84 izan zirenean.
2023ko Gipuzkoako Batzar Nagusietako datu guztiak
2019ko Gipuzkoako Batzar Nagusietako datu guztiak
Ekialdeko Barrutiko batzarraren eraketan antzeman du irregulartasuna, lau hautesmahai kontaketatik kanpo utzi baitira.
EH Bildu lehen indarra izan den herrietan, eta PPk edo PSNk alkatetza kentzeko aukerarik zuten kasuetan, alderdi espainolistek haien bitartekoak jarri dituzte hori egiteko. PSNk erraztu egin du UPNren alkatetza, esaterako Iruñean, boto zuria emanda. PPk, berriz, EAJ... [+]
Sopela, Bermeo, Mundaka, Lekeitio, Pasaia edo Hondarribia bezalako kostako herrietan EAJ alkatetzatik kanpo geratu da, turismo masifikatuaren aurkako programekin aurkeztu diren ezkerreko alderdi eta herri plataformen emaitzei esker.
Ostiral honetan eratu da Nafarroako Legebiltzarra eta Geroa Baiko Unai Hualde izendatu dute Legebiltzarreko Mahaiko presidente PSN, EH Bildu eta Zurekin-eko botoekin. Aurreko legealdian ere bera izan da legebiltzarreko lehendakaria.
Eduardo Barinagak uko egin dio zinegotzi akta jasotzeari, ABBk emandako aginduarekin bat ez datorrelako. EAJk hautagaitza aurkeztu ezean, PPk lortuko du alkatetza Arabar Errioxako herrian. Hori da PPk jarritako baldintzetako bat Gasteizen EH Bildu alboratu eta PSE-EAJ gobernu... [+]
Larunbat honetan Hego Euskal Herriko udalak osatuko dira, maiatzaren 28ko hauteskundeen ondoren. Udalerri batzuetan ez dago zalantzarik zeinek hartuko duen aginte makila, baina beste batzuetan indar orekak ez daude garbi eta alderdiek mugimenduak hasi dituzte hautagaiak... [+]
EH Bilduk irabazi ditu Kuartangoko Udalerako hauteskundeak, baina EAJrentzat izango da alkatetza, PPrekin hitzartua baitu. PPtik hautatu zuten zinegotziak, baina, postuari uko egin dio arrazoi pertsonalengatik, eta bere ordezkoa –PPko zerrendan bigarrena– Juan Pablo... [+]
Udal hauteskundeak pasa eta astebetera, badirudi prest gaudela aztertzeko hauteskunde berri hauek utzi dituzten emaitzak, datozen lau urteetan udalerrien politika instituzionala markatuko dutenak. Azterketa posible guztietatik kezkagarriena, zalantzarik gabe, Herrialde... [+]
Hauteskundeetara deituak izan dira azken egunotan espainiar hiritarrak, juntetxe, parlamentu edota udaletxeetako partaideak hautatzera, erakunde horiek berriztatzera, eta hor ari dira orain guztiak, analisietan, kalkuluetan, noren esku eroriko boterea, norekin lortuko aliantzak,... [+]
EAJ eta PSE-EE alderdiek gobernagarritasun ituna berretsi dute. Horrela, akordioari esker EH Bildu lehen indar geratu den leku ugaritan elkarrekin gobernatzeko aukera izango dute. Gasteizko Udalean, Gipuzkoako Batzar Nagusietan eta beste hainbat udaletan, beraz, egoera argitzen... [+]
Gobernagarritasunerako hainbat aukera utzi dute iragan igandeko hauteskundeek Nafarroan, baina haien osaketarako bidea korapilatsua da, eta Espainiako hauteskunde orokorrak uztailaren 23ra aurreratzeak are eta gehiago korapilatu du prozesua.
Hautesleen % 27 ordezkatzen dute eta “hiriko lehen indar aurrerakoia” izanik ordezkaritza printzipio demokratikoari helduko diotela adierazi du Iruñeko EH Bilduko alkategai Joseba Asironek.
Sua eta mina piztu dizkigu PSNren hauteskunde kartel eleaniztunak. "Barrenak behar dira Nafarroan 2023. urtean botoa zortzi hizkuntzatan eskatzeko, euskara baztertuta. Putakumeak. Urdeak. Ezta itxura egiteko ere".
Halako purrustadak irakurri dira egun hauetan Euskal... [+]