Gipuzkoako Aldundiak haurdun ziren lau langile diskriminatu ditu
EAEko Justizia Auzitegi Nagusiak otsailaren 22an argitaratutako epaian ondorioztatu du Gipuzkoako Foru Aldundiak lau teknikari ertain diskriminatu zituela haurdun egoteagatik. Lau langile hauei 2019ko Errenta aitorpenaren kanpainarako lanpostua esleitu zitzaien baina Aldundiak baztertu zituen pandemia betean haurdun egonik arrisku egoeran zeudela argudiatuta. Epaileak Aldundiaren erabaki hori baliogabetu du, uste baitu haurdun egoteagatik diskriminazioa jasan zutela.
Haurdun zeuden lau emakumek Gipuzkoako Aldundiaren lan-poltsa bateko deialdi publikoan parte hartu zuten, 2019ko errenta kanpainan lan egiteko. Eta puntuazioaren eta zerrendetako ordenaren arabera lanpostua zegokienez, lanerako deitu zituzten. Haatik, haurdun zeudela eta, Aldundiak jakinarazi zien ez zituela izendatuko, erakundearen ustez Covid-19arengatik arriskuan egongo zirelako.
Baina Auzitegiak kontuan hartu du langileek egindako helegitea, adieraziz Auzitegi Konstituzionalaren doktrina honen kontrakoa dela Aldundiak erabili duen irizpidea: "Emakume langilearen izaera biologikoaren eta osasunaren babesa bateragarri izan behar da bere eskubide profesionalen iraupenarekin; haurdunaldiak edo ondorengo amatasunak eragindako gutxiespen edo kaltea sexuagatik izandako zuzeneko diskriminazioa da” (...).
Beraz, EAEko Auzitegiak ebatzi du sexu eta haurdunaldi diskriminazioa egon dela lau langileon kasuan, eta langileei aitortzen dizkie kanpainako ordainsariak jasotzeko eskubidea, eta izendapen horri dagozkion gainerako eskubide ekonomiko eta administratibo guztiak.
ELA sindikatuak epaia txalotu du: "Epai honek zuzenean interpelatzen ditu herri administrazioak, batik bat Gipuzkoako Aldundia, horiek sustatu behar baitute berdintasun formala ez ezik, baita benetako berdintasuna ere, hartara haurdunaldi bat ez dadin emakumeentzako desabantaila bilakatu".
Kondenatutako atzerritarren nazionalitateari buruzko datuak argitaratuko dituela adierazi du Erresuma Batuko Barne ministroak. Bide beretik, pasa den astean ezagutarazi zen Aste Nagusian atxilotutako 79 pertsonaren argazkiak filtratu zituela Ertzaintzak.
Militante eta ikerlari antiarrazistak abiapuntu argia adierazten du: arrazakeriaren aurka borrokatzea ez da zeregin psikologiko edo diskurtsibo bat, baizik eta egiturak desegiteko premia.
Irati Aizpurua Alquezar abokatuak zuhurtziaz erantzun ditu ARGIAren galderak, eta testuinguru juridikoa eman digu, Debako udal liburutegian gertatzen denaren inguruan. Elkarrizketa zabal batean berriki kontatu dugunez, 2 urtera arteko haurrek galarazita dute Debako haur... [+]
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Hirurehun bat pertsona hurbildu ziren jende katea osatzeko Marengo eta Pannecau zubien artean.
Hainbat kolektibo daude Gasteiz Anitzaren atzean. Egoera larrien aurrean "soilik poliziaren esku hartze gehiago" eskatzen duen eta "eskubideen urraketei entzungor" egiten dion ereduaren aurrean, beste praktika eredu bat egiteko saiakera dela adierazi dute... [+]
Trintxerpen hasi eta Donostian bukatu da hainbat kolektibok deitutako XXVIII. Arrazakeriaren Kontrako Martxa.
Hurrengo ariketa egin ezazu zure lantokian, euskaltegian edo gimnasioan:
Altxa eskua Minneapoliseko George Floyd nor den dakizuenok.
Altxa eskua Madrilgo Mame Mbaye nor den dakizuenok.
Altxa eskua Barakaldoko X nor den dakizuenok.
Mame Mbaye manteroa duela zazpi urte... [+]