Gipuzkoa azaro honetan hasiko da Zubietako erraustegiaren 2055a arteko zorra ordaintzen
Jose Ignacio Asensio foru diputatuak adierazi duenez, GHK Gipuzkoako Hondakinen Partzuergoak hilabete honetan sinatuko du Ekondakin enpresa talde pribatuarekin Zubietako erraustegiaren abiatze ofizialaren mugarria izango den agiria eta sinatze horretatik abiatuko da 35 urte iraungo duen ordainketa: 2055a arte gipuzkoarrek urtean 23 eta 31 milioi euro arteko faktura ordainduko dute, 1.085 milioi osatu arte.
Gipuzkoako Foru Aldundiaren Ingurumen Sailak azaroaren 21etik 29ra antolatutako Hondakinen Prebentzioaren Europar Astea aurkezteko, azaroaren 19an egin duen agerraldian Zubietako azpiegituren funtzionamendua hartu du ahotan Jose Ignacio Asensio arlo honetako foru diputatuak, Usurbilgo Noaua kazetak jaso duenez. "Ingurumen baimen bateratua eskuratu zenetik, azpiegiturak normaltasun osoz funtzionatzen ari dira, ehuneko ehunean", zehaztu du Asensiok. Azken tramite administratibo bat gauzatzea baino ez omen zaie falta; funtzionamendu hasierako akta onartu eta sinatzea eta hori hilabete honetan, azaroan, egitea espero du diputatuak.
Kontratuaren berme eta baldintza guztiak betetzen direla egiaztatu behar ditu Gipuzkoako Hondakinen Kontsortzioren teknikari eta zuzendaritzak txosten baten bidez. Hau egiteko Asensioren esanetan, ingurumen baimen bateratua eskuratu eta planta ehuneko ehunean martxan izan arte itxaron beharra zegoen. Akta hau sinatuta, Zubietako erraustegia ustiapen fase betean sartuko da, Asensiok iragarri duenez, eta "horren ondoren, gure asmoa inaugurazio edo aurkezpen bat egitea da".
Albistea erraustegiaren operazio osoaren testuinguruan kokatuz, Naiz hedabideak dio GHK Gipuzkoako Hondakinen Partzuergoak azaro amaierarako Ekondakin enpresa talde pribatuarekin sinatuko duen agiria izango dela Zubietako erraustegiaren abiatze ofizialaren mugarria: sinatze horretatik abiatuko da 35 urte iraungo duen ordainketa: 2055a arte gipuzkoarrek urtean 23 eta 31 milioi euro arteko faktura ordainduko dute, 1.085 milioi osatu arte lehen estimazioen arabera. Ekondakin Energia y Medioambiente elkartea honako enpresok osatzen dute: Meridiam Investments (%50), Urbaser (%46), Construcciones Moyua (%1), Construcciones Murias (%1), Altuna y Uría (%1) eta LKS Mondragon (%1).
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.