“Gidoia aldatu dugu, demokrazia indartuta atera da gaur”
Yolanda Díaz Sumar-eko sortzaile eta buruak azpimarratu du “esperantzak beldurrari irabazi” diola, eta ziurtatu du astelehenetik aurrera elkarrizketak hasiko dituela “alderdi aurrerakoi eta demokratekin”, gobernua ahalbidetzeko.
Egungo Espainiako Gobernuko bigarren presidenteorde Yolanda Díaz ahots urratuarekin mintzatu da Sumar-en emaitzen balorazioan. Eskerrak eman dizkie koalizioan “konfiantza” jarri dutenei, baita “ilusioz, beldurtuta, zalantzekin edota esperantzarekin” bozka ematera joan direnei ere. “Kanpainan esan dizuegu Espainian jendea oso arduratuta zegoela; lasaiago egingo dute lo gaur”, nabarmendu du. Espainian ez ezik, gehitu du Europan ere “arnasa hobeto hartzen” dutela hauteskundeen emaitzengatik.
Demokraziak irabazi duela eta indartuta atera dela adierazi du. Eskuinari erreferentzia eginez, “irabaziko zutela ziotenen” gidoia aldatu dutela berretsi du. “Ez gara distraituko, bihartik aurrera hobeto gobernatuko dugu, lasaitasuna emango diogu Espainiari”, konprometitu da Díaz. Zerbitzu publikoen aldeko mezua zabaldu du, eta ziurtatu du emakumeen, LGTB kolektiboko pertsonen eta langileen eskubideak zabaltzen jarraitu nahi dutela.
Sumar koalizioak oso denbora laburreko ibilbidea duela gogorarazi du, eta “ezinezkoa” zena lortu dutela azaldu du, "milaka boluntariori esker". Baina, hor egotearekin ez direla konformatzen esanez, orainaz gain etorkizuna direla azpimarratu du. “Presidente” oihuen artean agurtu dute Sumar-eko burua.
Espainiako Gobernurako presidentegaia aukeratzeko elkarrizketak egin ditu Espainiako errege Felipe Borboikoak. Francina Armengolek, Espainiako Kongresuko Mahaiko presidenteak, jakinarazi du erregeak Feijóo aukeratu duela.
Mapa honetan ikus daitezke emaitzak udalerriz udalerri.
Eskuin muturreko ordezkariak adierazpen hauek egin ditu:
“EAJk balantze ona egiten du gaurko Hauteskunde Orokorretan lortutako emaitzen inguruan”, hasi du hitzartzea EAJko lehendakari Andoni Ortuzarrek. Adierazi du helburu nagusia lortu duela EAJk.
"Garaipena azkenekoz lortu genuenetik zazpi urtera, berriro irabazi ditugu hauteskunde orokorrak", adierazi du PPko presidentegai Alberto Núnez Feijóok. "Harro nago horregatik. Eskerrik asko!".
Egun osoa igaro ostean parte hartzea jaitsi egin zela esanez, posta bidezko botoak zenbatu direnean, ondorioztatu da, igo egin dela. Espainiako estatu mailan bi puntu igo da parte-hartzea. PSOE izan da irabazlea bototan Hegoaldean 375.963 botorekin, 64.604 irabazita. Bigarrena... [+]
“Duela lau urte baino boto, eserleku eta portzentaje gehiago atera dugu”, azpimarratu du Pedro Sánchez Espainiako Gobernuko egungo presidenteak.
Arnaldo Otegik adierazpenak egin ditu EH Bilduren Donostiako egoitzan, 23:30 aldera. Oso pozik agertu da emaitzekin eta PP eta Voxek ez dezaten gobernatu, EH Bilduren babesa adierazi dio Sanchezen gobernuari.
Nagia ematen du, bai. Duela lau urte hauteskundeak errepikatu ziren tronurako bidea nola egin adosteko gai izan ez zirelako politikari profesionalak, eta medioen zein jendearen titular nagusia horixe izan zen orduan: nagia. Oraingoan ere beste hauteskunde batzuetatik zetozen... [+]
SigmaDos etxearen arabera, PPk 145 eta 150 eserlekuren artean eskuratuko lituzke, eta Vox-ek 24 eta 27ren artean. Alegia, bien artean gehiengoa osatzeko (176) inkesta horren emaitzarik onenak beharko lituzkete. Aldiz, historikoki PPren aldera egin ohi duen GAD3 etxearen arabera,... [+]
2019ko hauteskundeekin alderatuta, parte-hartzeak behera egin du Araban, Bizkaian, Gipuzkoan eta Nafarroan. Aurten marka guztiak hautsi dituen posta bidezko botoa ez dago kontatuta. 14:00etako datuek zioten zuten parte-hartzeak gora egin zuela. Grafikoan, parte-hartzeak behera... [+]