GHK-ri erantzuna: herritarrek Zubietako erraustegiaren egiak ezagutu behar dituzte
Errausketaren Aurkako Mugimendua –EAM– hasi denetik zabaltzen Zubietako erraustegiaren kutsaduraz ToxicoWatch fundazioak egindako ikerketaren emaitzak, GHK Gipuzkoako Hondakinen Kontsortzioak hedabideen bidez erantzun du guk zabaldutako informazioak direla “alarma soziala sortzea besterik bilatzen ez duten akusazio faltsuak” eta gehitu du: “ToxicoWatch-ek zehaztasun tekniko eta zientifikorik gabeko txostenak egiten ditu, errealitatea gezurrekin desitxuratuz, herritarrak izutzeko” . Ondoren dio GHK-k erraustegiaren emisioak egunero neurtzen dituela eta Biodonostiak egiten duela horien jarraipena: “Biodonostiak emandako datuek erabateko babes zientifikoa dute eta guztiz argiak dira. Oso larritzat jotzen dugu batzuek berriro ere Gipuzkoako gizartea hondakinen gaiarekin zatitzen saiatzea”.
Errausketaren Aurkako Mugimendutik gogor salatzen dugu GHK-k gai honetan darabilen jokabide maltzurra. Hasteko, Herbehereetako ToxicoWatch fundazioa erreferente internazional bat da toxikologiako komunitate zientifikoan. Bera arduratu da Zubietako erraustegiak sortutako isurien neurketa eta azterketaz: kontrol zorrotzekin bildutako laginak Herbehereetako laborategi akreditatuetan analizatzen ditu eta emaitzak eta horien analisia publiko jarrita dauzka bere webgunean (www.toxicowatch.org) denen eskura. Elkarlanean, Geyser, Eusko Jaurlaritzak akreditatutako enpresa, neurketa batzuez ere arduratu izan da.
ToxicoWatch-ek bere ikerketak garden eta publiko egiten dituen bitartean, GHK-k aipatzen dituen txostenak ordea EZ DIRA PUBLIKOAK. Zergatik ezkutatzen dituzue 2019az geroztik Biodonostiak egindako ikerketa horiek eta ez dituzue publiko egiten? Diozuen bezala, dioxinak egunero neurtzen badituzue, zergatik ez dituzue emaitzak publiko egiten xehetasun guztiekin?
GHK-k berak egindako kutsaduren neurketen inguruan, bi txosten publiko bakarrik daude, eta biek ere kutsadura maila onartezinak jasotzen dituzte. Adibidez, SGS-ren 905-286137-02 instalazioaren jarraipen txostenak, zehazki baieztatzen du giza osasunarentzat edo ekosistementzat arrisku onartezinak diren dioxina baloreak, sei aldiz gainditzen direla bertako lurpeko uretan. Arkaitzerrekan uztailetik izaten ari diren isurketak, GHK-k sistematiko ukatu egiten ditu, eta oraindik publikoki onartu gabe, jakin da, GHK-k arazo larriak dituela bertako fosetan eta Eusko Jaurlaritzako Ingurumen sailak kutsadura ekiditeko neurriak hartzera behartu duela. Hau al da GHK-ren gardentasun, zehaztasun tekniko eta zientifikoa? Ez GHK-k eta ez Gipuzkoako eta EAEko agintariek bermatzen ez dutenez herritarren borondatearen kontra Zubietan hondakinak erretzen dituen errausketaren isurien kontrolik eta horien inguruko informazio gardenik, EAMek ToxicoWatch-i eskatu zion isuri horien analisi jarraitua egitea, eta horretan dihardu urtez urte 2019az geroztik. Hemen ez dago, beraz, ez gezurrik, ez manipulaziorik, ez herritarrak zatitzeko eta ez jendartean beldurrik zabaltzeko asmorik, GHK-k eta aginte publikoek egin nahi ez dutena osatzeko asmoa baizik.
Jose Ignacio Asensio Ingurumen diputatua buru duela GHK-k herritarrei benetan lasaitasun mezuak bidali nahi badizkie, oso ondo dakite zein duten bidea: ezagutarazi ezazue publikoki Zubietako erraustegiko labeek tximiniatik zer eta zenbat isurtzen duten, erakuts ezazue nola egiten duzuen isuriak momentu oro neurtzea –baldin eta egiten baduzue– eta zein diren emaitzak. Egin itzazue publiko herritarren aurrean dituzuen txosten guztiak.
2022ko abenduaren 18an.
Errausketaren Aurkako Mugimendua, Eguzki, Ipar Haizea
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]