ARGIAk astelehenean aurreratu zuen moduan, GHK partzuergoak isuna ezarri dio Ekondakin enpresari, Arkaitzerrekako isuriari erantzuteko Eusko Jaurlaritzak agindutakoa ez betetzeagatik. Bestela esanda, Zubietako erraustegiaren jabeak, GHK-k, isunez zigortu du erraustegiaren kudeaketa daraman konpainia. Asteartean, Santa Luzia egunez, GHK-k egin duen batzarrera eraman du proposamen hori José Ignacio Asensio Gipuzkoako Ingurumen diputatu eta GHKren lehendakari denak.
Gipuzkoako hiri hondakin guztien ardura duen eta Zubietako erraustegiaren jabea den GHK partzuergoak 160.000 euroko isuna ezarri dio Ekondakin enpresa elkarteari, Arkaitzerrekan detektatutako isuria bideratzeko administrazioak emandako aginduak ez betetzeagatik. GHKren batzarrak asteartean, abenduak 13, erabaki hori hartu du José Ignacio Asensio lehendakariak proposatuta. ARGIAk ikusi ahal izan duen proposamenean, Asensiok dio Ekondakinek huts egite larria egin duela GHKrekin daukan kontratuan. Ekondakin enpresa elkartearen bazkideak dira: Meridiam Investsment funtsa, Urbaser multinazionala eta Euskal Herriko Altuna y Uria, Murias, Moyua eta LKS kooperatiba.
Agi denean, joan den irailaren 2an –herritarrek Arkaitzerrekan isuri kutsagarria gertatzen ari zela salatu eta hilabetetara– Eusko Jaurlaritzako Ingurumen sailak GHKri eskatu zion konpondu zezala erraustegi azpiko urak biltzen dituen drainatzeko hodian agertutako kutsatzea, eta honek Ekondakini jakinarazi zion agindua. Alabaina, egunak eta asteak pasa eta neurri zuzentzaileok hartu gabe jarraitzen zuten, eta, gainera, gauza bitxia dirudiena, Ekondakinek erantzun zion ez zeukala neurriok zertan ezarririk.
Administrazioaren eta kontratatzaileen aginduak ez betetze hori huts egite larritzat jo du orain GHK-ko zuzendaritzak, eta Ekondakini ezarri dio agindua betetzeke eduki zuen egun bakoitzeko 20.000 euroko isuna. Proposamenean ez da garbi azaltzen zertan oinarritzen den GHK ez obeditzea zortzi egunetara mugatzeko; zortzi eguneko epe horri esker isuna azkenean 160.000 eurokoa da eta ez handiagoa. Bestalde, deigarri egiten da GHK-k, Ekondakinen jokabide oztopatzailea huts egite larritzat salatu ostean –larritzat jo behar dira “administrazioaren ikuskapenari aurre egitea eta berori oztopatzea” eta administrazioak “idatziz emandako aginduak ez betetzea” –, hala ere kontratuan ezarritako zigorren artean arinena ezartzen diola egun bakoitzeko, hots, 20.000 eta 30.000 euro artean baxuena.
Asensiok sinatutako proposamenak frogatutzat ematen du Arkaitzerrekako ur zikinen iturburua datzala erraustegiak hondakinak pilatzen dituen bi biltegitan gertatutako suteetan; jakintzat ematen den bezala bi biltegiok ondo inpermeabilizatuta ez egoteaz gain ur zikinak ateratzeko punparik ez zeukatela erabilgarri agintariek ikuskatutako garaian. Era berean, jakintzat ematen du –horrekin zigorrik arinena ezartzea justifikatuz– isuri horiekin ez zaiola kalterik eragin Arkaitzerrekako uraren kalitateari.
GHK-k bere batzarkideei egindako proposamenean puntuok egia frogatutzat jotzen ditu, baina oraindik informazio publikorik ez die eman Arkaitzerrekaren kutsatzearekin asaldatutako herritarrei.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]
Ingurumenaren aurkako ustezko delitu bat egin ote duen eta dokumentuak faltsutu dituen ala ez ikertzeko eskatu du Gipuzkoako Fiskaltzak, GuraSOS elkarteak jakinarazi duenez.
Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.
Ia bi hamarkada luzez egin duten moduan, "errausketarik ez!" aldarrikatu eta oihukatu dute, Kontxako Banderaren bigarren eta azken jardunaldi egun honetan, Donostiako hondartza inguratu duen giza katean.
“Behin-behinean” egin dutela adierazi dute, “mantentze-lanen" ondorioz. “Ingurumen eskaera guztiak” bete dituztela ere esan dute, eta araurik ez dutela apurtu.