Getxoko udaltzainek barazkiak errekisatu dizkiote baserritar bati plazan “baimenik gabe” saltzeagatik
Udan ortuko produktuak saltzen ditu baserritarrak 2011z geroztik. 2013an eta 2018an udaltzainek mehatxu egin zioten, baina aurtengoa da produktuak eramaten dizkioten lehendabiziko aldia. Hurrengo goizean margoketa agertu da Itzubaltzetako (Getxo) Kultur Etxean: “Bendeja aurrera”.
Astelehen arratsaldean, uda sasoian astero egiten duen legez, “bendeja egiten”, hau da ortuko produktuak saltzen ari zen baserritar bat Itzubaltzetako elizako arkupeetan. Udaltzainak agertu, eta baimenik ez duela argudiatuta, postua kentzeko agindu diote. Baserritarrak ezetz, zortzi urte daramatzala berdina egiten. Azkenerako, barazki kutxak banan-banan polizia autoetan sartu eta alde egin dute udaltzainek, baserritarraren haserrerako.
Ez da gatazka pizten den lehendabiziko aldia izan. 2013an elizaren arkupeetatik bota nahi izan zuten baserritarra udaltzainek. Hurrengo bost urteetan ez zen arazorik izan, baina iaz berriz ere sortu zen liskarra. Abuztuaren 27ko astelehenean udaltzainek postua kentzeko agindu zioten baserritarrari. Baserritarrak horrela egin zuen, ordurako produktu ia guztia saldua zeukan. Baina hurrengo astelehenean berriz ere postua jarriko zuela jakinarazi zuen. Baserritarra kide den Uribe Kostako Agroasanbladak herritarrei dei egin zien postura hurbilduz baserritarrari babesa emateko. Irailaren 3ko astelehen horretan herritar dezente agertu zen, eta poliziarik ez. Baina hurrengo astelehenean, irailaren 10a, egoera errepikatu egin zen. Udaltzainek orduan ortuariak eramateko saiakera egin zuten. Azkenean baserritarrak udaltzain buruarekin hitz egin zuen telefonoz, eta isunik eta errekisamendurik gabe amaitu zen dena. Udako azken bendeja eguna zen. Aurten, zaharrak berri.
Ohitura zaharra
Kalean baserriko uzta txikia saltzea ohikoa izan da herrietan urte luzez, eta gutxi batzuetan bada oraindik. Getxori dagokionez, 2007 arte emakume batzuk aritzen ziren salmentan. Urte batzuetako etenaren ostean, 2011an berrartu zuen ohitura zaharra Peio Fuente baserritarrak. Udalarekin eta udaltzainekin izandako lehenbiziko arazoen ostean, salmenta baimentzeko eskatuz sinadura bilketa abiatu zuten Itzubaltzetan. 400 herritarrek eta 60 merkatarik eman zuten sinadura.
Sinadurak udaletxera eraman zituzten: “Zinegotziakaz ere bilduta egon ginen. Kaleko salmenta zela erantzun ziguten, eta ez zegoela hori baimentzerik. Hala ere, horren gaineko proiektu bat prestatuz gero, aztertuko zutela esan zuten. Egin genuen, baina ez dugu oraindino erantzunik jaso”, adierazi zion Fuente baserritarrak Hirukari 2018ko irailaren erdialdean. Gatazkak zabalik jarraitzen du.
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
2020. urteko udaberrian lorategigintzak eta ortugintzak hartutako balioa gogoan, aisialdi aktibitate eta ingurune naturalarekin lotura gisa. Terraza eta etxeko loreontzietan hasitako ekintzak hiriko ortuen nekazaritzan jarraitu du, behin itxialdia bareturik. Historian zehar... [+]
Euskal Herri mailan txikitik handira agroekologia sustatzen duten zenbait elkarte eta kooperatiba ataka larrian daude, finantziazio iturriak bertan behera geratu ostean. Erakunde publikoetatik, berriz, elikadura negozio gisa ikusten duten proiektuen aldeko apustu irmoa nabari... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Ibon galdezka etorri zait Bizibaratzea.eus webguneko kontsultategira. Uda aurre horretan artoa (Zea mays) eta baba gorria (Phaseolus vulgaris) erein nahi ditu. “Arto” hitza grekotik dator eta oinarrizko jakia esan nahi du, artoa = ogia; arto edo panizo edo mileka... [+]
Horrela eman diogu amaiera deskolonizazioari buruzko lantaldeari, joan den azaroan Arraia-Maeztun (Araba) egin ziren “Euskal Herrian ekofeminismoak gorpuzten” topaketen baitan. Lurraldearen defentsaren hainbat espresioren babesleku izan zen, ideia emankorren hazitegi... [+]
Zestoako Iraeta auzoko Amilibia baserria eta lurra kolektibizatzeko 100.000 euro batzea falta du Amillubi proiektuak, lehen urte honetan 310.000 euro eskuratu baititu. Biolurrek abiatutako proiektu agroekologiko honek dagoeneko jarri du lurra martxan, sektorearen beharrei... [+]
EHNE Bizkaiak bultzatutako azterketaren emaitzek baieztatu dute eredu agroekologikoan ekoiztuak diren tomateek berotegi efektuko gasen isurketan, eta batez ere energia kontsumoan, inpaktu txikiagoa dutela eredu agroindustrialean ekoiztuak diren tomateekin alderatuta. Honetan,... [+]
Europar Batasunak abuztuan onartutako araudi baten arabera, 2030erako degradaturiko eremuen %20 lehengo egoerara itzularazi behar da. Hori dela-eta, hainbat eragilek Jaurlaritza, natura leheneratu orain dokumentua sortu dute, eta asteazken honetan aurkeztu dute publikoki... [+]
Emakume bat ikusi zuen Xabier Arriagak Gernikako kafetegi batean kafesnea esne gaingabetuarekin eta gurinezko opil batekin hartzen. Orduan konturatu zen nolako kontraesanetara ohitu nahi gaituen sistema kapitalistak.
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
Bigarren urtez segidan hartu du Habelarte baserritarren elkarteak Leitzako festetan, Gaztetxean, afariak emateko ardura. Nafarroako Mendialdeko ekoizle agroekologikoen produktuekin osatu dute eguneroko eskaintza, eta ehunka lagun pasatu dira abuztuaren 10etik 14ra haien... [+]