Getxo eta Sestao arteko itsasadar azpiko tunela: Aldundiak proiektua esleitu, Getxoko EH Bilduk kritikatu
Bizkaiko Foru Aldundiak hiru ingeniaritza-enpresak osatutako Aldi Baterako Enpresa Elkarte (ABEE) bati esleitu dio Getxo eta Sestao artean itsasadarraren azpitik egingo den ibilgailuentzako tunelaren proiektuaren langintza; aurrekontua 8,9 milioi eurokoa izango da. Getxoko EH Bildu egitasmoaren aurka agertu da: "Aurre egingo diogu proiektu txikitzaile honi".
Idom, Sener eta Euskontrol enpresek osatutako ABEEak lortu du azpiegituraren esleipena, "aurreikusitakoa baino lizitazio-prezio merkeagoan" Foru Aldundiak azpimarratu duenez. Zehazki, 1,6 milioikoa da jaitsiera. Tunela eraikitzeko proiektua osatzea eta idaztea izango da enpresa horien lana, 33 hilabeteko epean burututa egin beharko litzatekeena Imanol Pradales Azpiegitura eta Lurralde Garapeneko Foru diputatuaren esanetan. Aldundiaren asmoa betez gero, 2028an zabalduko litzateke tunela.
Aldundiak jakinarazi duenez, "lan horretan xehetasunez definituko dira tunela eraikitzeko ezinbestekoak diren alderdi tekniko hauek: ezaugarriak, trazadura zehatza, multimodalitatea, eraikuntza-metodoa edo gaur egungo edukiera altuko sarearekin itsasadarraren alde bietan egongo diren loturak". Proiektua zehazteko, orain arte egindakoak baino zundaketa geologiko zehatzagoak egin beharko direla gaineratu dute.
"Argi geratu da zein den PNVren lehentasuna"
Aldundiak esleipenaren berri eman eta gutxira, azpiegitura-proiektuaren aurkako kritika plazaratu du Getxoko EH Bilduk. Esan dutenez, "argi geratu da, 'normaltasun' berri eta zaharrean, PNVren lehentasuna makro-proiektuak, errepide gehiago eraikitzea, autoaren erabilera bultzatzea... direla". Iragarpena, kasualitatez, Bizikletaren Nazioarteko Egunean etorri dela aipatu dute, eta itsasadar azpiko tunelaren lanak aurrera doazen bitartean Getxo eta Bilbo arteko bidegorriarenak "ahaztuta" egotea deitoratu dute.
"8'9 milioi euro proiektuan bakarrik, datorkigun krisiaren erdian", adierazi du koalizioak, "autonomo eta dendari txikientzat dirulaguntza urriak onartzen diren bitartean, kultur sortzaileentzat laguntzak zozkatzen diren bitartean, osasungintzan baliabideak ugaritu behar diren momentu honetan...". Proiektuari aurre egingo diotela gaineratu dute, azkenik.
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
Suhiltzaileek beste sute bat itzali behar izan zuten abenduaren 27an Zubietako erraustegian.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
Ribabellosan 300 megawatioko gaitasuna duen eskala handiko datu zentroa eraikitzen ari da Merlin Propertiers enpresa madrildarra. Milaka milioi euro ari da gastatzen Iberiar Penintsula osoan, ustez puntako teknologia “jasangarria” duten baina elektro-intentsiboak... [+]
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Esako urtegia handitzeko proiektua berraztertu dezala eskatu dio Chunta Aragonesista alderdiak Espainiako Gobernuari, tanta hotzak berriki utzitako hondamendia ikusita. Halako euriteak jasanez gero, Esak ur hori guztia askatzeko gaitasun nahikorik ez lukeela izango eta... [+]
Duela bi urte Urdaibai Guggenheim Stop! plataforma herritarra sortu zenetik, Urdaibai ez dago salgai! leloa nonahi ari gara entzuten. Joan den urriaren 19an Gernikan milaka lagun bildu ginen proiektu horri ezetza emateko eta, nire aburuz, hiru dira arrazoi nagusiak... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]