Getariko EH Bilduk eta EAJk Espainiako armadaren Elcano ontziaren aurkako adierazpena sinatu dute
Juan Sebastian Elcano Espainiako armadaren ontzia larunbatean iritsiko da Gipuzkoako Getarira, eta gerra ontzi honen presentziaren aurka, herriko EH Bilduk eta EAJk ohar bateratua sinatu dute. Hainbat protesta eta ekimen daude deituta larunbat eta igandean.
Getariko EH Bilduk eta EAJk naziotzat Euskal Herria dutela adierazi dute oharrean, gehiengo subiranista duen herri batean espainiar armadaren gerra-ontzi baten presentzia herritar gehienen artean "arrotza" dela salatu dute. Honen harira, lau gauza argitu nahi izan ditu udal-taldeak, zabaldu duten oharrean hitzez hitz irakur daitekeen bezala:
1. Getariko Udalak Espainiako Itsas Armadaren Juan Sebastian Elcano ontziak eragiten duen balore sinbolikoaren aurkakotasuna adierazten du.
2. Getariko Udalak Euskal Herriaren nazio izaera errebindikatzen du eta estatu subirano independiente bat lortzeko lanean jarraituko duela adierazten du.
3. Getariko Udalarentzat Espainiako Armadaren agerraldi eta erakustaldiak ez datoz bat herriaren ezaugarriekin.
4. Getariko Udalak herritarrei probokazioetan ez erortzeko deia egiten die, izan dezaketen ezinegona modu baketsuan erakutsiz.
Igandean Ongi Etorri Errefuxiatuak plataformak goizeko 9:30etan Getariko moilan ekimena deitua du, eta horren ondoren, 11:00tan, elkarte berak performance bat egingo du Malkorbe hondartzan. Ekitaldiekin amaitzeko, 12:00tan elkarretaratze antimilitarista egingo dute Getariko Plazan.
Asteazkenean mobilizazioa egingo dute bigarren urtez jarraian, "ipar global eta zuriaren menderatze historikoa" salatzeko.
Irailaren 6an Victoria ontzia Sanlucar de Barramedara iritsi zeneko V. mendeurrena ospatu zuten, bost mende lehenago portu hartatik abiatu eta hiru urte geroago lehen mundu bira osatu izana gogoan. Horrelako oroipen ospakizunetan ohikoa denez, urteotan zeharkaldia gogoratzeko... [+]
Eusko Jaurlaritzak irailaren 6a jai-eguntzat izendatu du Euskal Autonomia Erkidegoan, Juan Sebastian Elkanok munduari emandako bira ospatzeko. Gasteizko herri ekimenak elkarretaratzea egin du General Loma enparantzan. Adierazi duenez, "aurrera eraman nahi dugun mobilizazio... [+]
Asteartean Elkanoren Lehorreratzea herri antzerki berezia egingo dute Getarian. Eusko Jaurlaritzak ezarritako jai egunarekin bat eta Elkano Cadizko Sanlúcar de Barramedara heldu zela 500 urte bete direla eta. Halere, ez da mundu bira horrek eragindako lehorreratze... [+]
Euskal Herriko kaleetan kolonialismoarekin eta esklabotzarekin lotura duten pertsonaien presentzia aztertu du ARGIAko kazetari Axier Lopezek Gure heroiak liburuan, nazioartean sinbolo horien inguruan dagoen eztabaida Euskal Herriratzearen garrantziak mugituta. Liburua ARGIAren... [+]
Eguneroko ariketa inkontzientea gai bilakatu da Euskal Herriko egonaldian. Ez daramazkit egun asko eta jada arnasa estutu zait behin baino gehiagotan... Begirale moduan nabil ene herria bilatu eta berrezagutu nahian. Lehen ez ote nituen gauzak ikusi nahi edo atzerapauso galanta... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.
Gure heroiak liburua idatzi du Lopezek Elkanoren mundu biraren bosgarren mendeurrenaren aitzakian, eta ARGIAk argitaratuko du, irailean. Euskal Herriko kaleetan kolonialismoarekin eta esklabotzarekin lotura duten pertsonaiek duten presentzia aztertu du, nazioartean sinbolo... [+]