Getariako ostalarien elkarteak onartu du adostutako prezioen igoera baztertzea
Lehiaren Euskal Agentziarekin akordioa lortu du, eta espedientea itxi diete. 2021eko abenduan guztiek batera igo zituzten prezioak, eta herritarren haserrea piztu zuten. Orain, ostalariek hitzeman dute lehiaren arauak errespetatuko dituztela eta norberak bere prezioak finkatuko dituela, merkatuko baldintzen arabera.
Lehiaren Euskal Agentziak (LEA) 2021eko abenduan bertan izan zuen Getabat Getariako ostalarien elkartearen adostutako prezioen igoeraren berri, eta zenbait hilabetetako ikerketa eta ikuskapenak egin dituzte. Lehiaren arauen aurkako jokabideak atzeman dituzte, baina Getabatek jakinarazi du akatsak zuzenduko dituztela. Zenbait konpromiso proposatu dituzte elkarteko ostalariek, eta horrexegatik itxi dio espedientea LEAk.
Honela jaso dituzte konpromisoak itunaren txostenean: "Getabatek egindako gomendio kolektiboaren ondorioz argitaratu ziren ostalaritza-establezimenduetako prezioen zerrendak berehala kentzea eta, aldi berean, merkatuko baldintzekin bat etorriz, ostalaritza-establezimendu bakoitzak prezio berriak argitaratzea; merkatu-baldintzak berrezartzeko betebeharrari buruzko informazio zehatza emateko ezohiko batzarrean biltzea". Halaber, ziurtatu dute Getabaten ez direla "lehiaren aurkakoak izan daitezkeen erabakiak" berriro hartuko, eta hori bermatuko dutela.
Getariarrak kexu
Pandemiaren hilabete mugatzailenen ostean, 2021eko hondarrean, Getabat elkarteko taberna eta jatetxe gehienek batera igo zituzten prezioak, elkarrekin adostu baitzuten igoera, eta "prezioen gomendio zerrenda" bat zabaldu zuten, LEAk baieztatu duenez. Sos herritarrak ekimenean bildu ziren hainbat gazte hori salatzeko, eta kritikatu zuten igoera "neurrigabea" zela. Tabernei boikota egin zieten, eta hainbat ekimen antolatu zituzten.
Halaxe dio LEAren eta Getabaten itunaren txostenak: "Hazkunde horrek ezinegona sortu zuen udalerrian, eta hori LEAren webguneko lankidetza-postontzian jasotako salaketaren eta partikular batek Kontsumobiden egindako kontsultaren bidez gorpuztu zen".
Sos herritarrak taldea sortu zuten prezioen igoeraz kexatzeko ez ezik, turismoaren eragina salatzeko ere bai. Hasieratik ohartarazi dute Getaria "turistei bideratutako herri" bilakatu dela, eta getariarrentzat gero eta zailagoa dela bertan bizitzea. Hortik abiatuta, taldeko kideek jakinarazi digute kritika egitetik ekimenak antolatzera pasa direla: "Herriak herritarrei eskaintzen ez diena ematen diogu guk, herritarrentzako ekintzak eta bazkari herrikoiak antolatuz, besteak beste". Azpimarratu dute euren nahia ez dela "tabernei kalte egitea", baizik eta "denok parte hartzeko moduko herria sustatzea".
EAEko hiru hiriburuetan udako jaiak ospatzearekin batera, etorri dira, berriz ere, ostalaritzako patronalaren kexuak jai herrikoien aurka. Gipuzkoako Ostalaritzaren elkarteak Gipuzkoako Foru Aldundiari eskatu dio Arabakoaren bidea jarraitzeko, eta txosnei eta kale saltzaileei... [+]
Jarrera sexistak, klasistak, arrazistak eta homofoboak salatu dituzte, besteak beste. Eskualdeko ostalariei dei egin diete ekimenarekin bat egiteko. Kanpainarekin atxikimendua adierazteko epea urtarrilaren 31n amaituko da.
Datorren abenduaren 31n hamar urte beteko dira Iruñeko Katakrakek ateak ireki zituenetik: ostatua, liburutegia eta ikuskizunetarako areto nagusia biltzen zituen espazio berriak. 2016an laugarren hankak mahaia osatu zuen: argitaletxea. Iruñerrian bakarra da... [+]
Leiharen Euskal Agintaritza Getariako taberna eta jatetxeak ikertzen ari da, pandemiatik irtetean prezioak igotzea adostean konpetentziaren erregimena urratu zutelakoan. 18 hilabete ditu elkartea zigortu ala ez erabakitzeko. El Diarioko Belén Ferrerasek eman du isilpeko... [+]
Txikia bezain bizia da Getaria, Gipuzkoako kostako herria, baina abendutik hona aldaketa batzuk izan dira Parte Zaharrean: ostalariek prezioak igo dituzte, eta gazteek eratutako Sos herritarrak ekimenak boikota egin die. Ia lau hilabete daramatzate tabernetan zentimo bat gastatu... [+]
Zisjordania, Mendebaldeko Sahara, Krimea eta orain zure etxe pareko espaloia. Noiz demontre kendu behar dituzte covidaitzakian tabernek anexionatutako terraza horiek? Ba ez dago batere argi. Agindu kontraesankorrak. Behe lainoa. Etsaia identifikatzea ere kosta egiten da... [+]
Nafarroako Gobernuak auzitegietara jo du ostalaritzako ordutegia eta aforoak mugatzeko. EAEn ere Eusko Jaurlaritzak LABI batzordea bilduko du asteartean, eta Ipar Euskal Herrian Frantziako Gobernuko ministroen kontseiluak hartuko dituen erabakien zain daude.
"Dantza dezagun berriro" aldarri eginez dator Bilboko Kafe Antzokia. Iazko martxotik itxita egon ostean, ostegunean irekiko ditu ateak.
Iruñeko Alde Zaharreko istiluak ez dira oraingoak, baina azken asteetan ostegun gauetan biziki gogorrak izan dira, bereziki San Nicolas eta San Gregorio kaleetan eta Sarasate Pasealekuan. Horren harira, hainbat tabernek itxi egingo dute hilaren 9an, 18:30etatik aurrera.
Webgunea 2022tik aurrera jarriko dute martxan, eta garbitzaileen lan-baldintzak betetzen dituzten hotelak zeintzuk diren jakiteko balioko du. Prekarizazioa gelditzea eta esternalizazioa saihestea dira helburu nagusietako bi.
Lan Justu eta Kalitatezkoa Zigilua luketen hotelak bilduko lituzke plataformak, ostatu hartzen duen bezeroari langileen lan egoera duina bermatuz. Proiektua Kataluniako Kellyek bultzatu arren, Kataluniaz gaindikoa izatea nahi dute.
Kutsaduraren igoera dela-eta hartu du neurria Nafarroako Gobernuak. Asteazken gauerditik aurrera 01:00ak arte ireki ahal izango dute ostalariek, gehienez ere. Nafarroako Gobernuak “zuhurtzia” eskatu die herritarrei.
AEHN Nafarroako Ostalaritza eta Turismorako Elkarteak eta Anapeh Nafarroako Ostalaritza Enpresa Txikien Elkarteak jakinarazi dute Nafarroako Auzitegi Nagusian helegitea jarriko dutela, Chiviteren exekutiboak harturiko neurriak "funtsik gabeak" direla iritzita.
Ostalarien elkarteek helegitea aurkeztu zuten eta EAEko Auzitegiak erabaki du ostalarien eskaera behin-behinean onartzea. Denbora gehiago hartuko du auziaren muina aztertu eta ebazpena emateko. Baina Jaurlaritzak onartutako dekretua indarrean dago oraindik, eta horregatik beste... [+]
Senideek bere buruaz beste egin duen herritarraren izena publiko ez egitea eskatu duen arren, ‘Kasu, kasu ostalariak kexu!’ kolektiboak argitaratu duen agiri baten jakinarazi du gremioko kide batek bere buruaz beste egin duela. "Ostalaritzaren itxierak... [+]