Gerraren desarrazoia, bertatik bertara
Egitateak ezagun samarrak ditugu, Ukrainako gerran ohikoa izaten ari denerako behintzat. Gogoeta sakon samarra egiteak, ordea, beldurra, edo higuina, ematen duela dirudi. Alde guztietan, antza.
Egitatea da Urtezahar gauerdian (ia puntu-puntuan, kronikek diotenez; baina ez dute argitzen MSK, EET edo GMT ote zen gauerdi hori; badu bere interesa datutxo horrek ere) ukrainar indar armatuen Himars bateria baten misilek Donetseko Makiivkan garai batean lanbide-eskola zenean gerizatuta zeuden soldadu errusiar mobilizatu berriak akabatu zituela. 89 erail omen zituen erasoak, eta beste asko zauritu, behingoz sinesgarri samarra dirudien errusiar bertsioaren arabera (ukrainarren kontaketa puztua baino sinesgarriagoa da, behintzat).
Ia une berberean, oso antzeko erasoa gertatu bide zen Makiivkatik ia 500 kilometrora, Khersongo oblastean, dagoen Chulakivkan. Baina kasu horretan, datu garbirik ez badago ere, biktimak askoz bakanagoak izan zirela ematen du. Izan ere, Makiivkako kasuan, erasotzaileen misilek baina dezente biktima baino gehiago eragin izango zituzten, tropekin batera, eraikin berberean, metatuta zeuden munizio eta abarren leherketak.
Erasoen inguruabar guzti-guztiek (unea, itua, baliabideak) aditzera ematen dute abaro zeuden soldadu errusiarrak ehizatzea zela ukrainar ekintzen helburu bakarra. Eta horrek berak egingo luke sinesgarri, halaber, Moskuk plazaratu duen zuribidea: soldaduek, aginduei entzungor eginda, erabiltzen arituko ziren sakeleko telefonoen seinaleek gidatuta helduko zitzaizkien misil ukrainarrak. Jakinaren gainean hitz egin dezake horretaz Kremlinak: mende laurdena baino gehiago da errusiar FSBak sistema horixe bera erabili zuela Dzhokar Dudaiev, Txetxeniako presidentea hiltzeko, konplexutasun gehixeago zuen operazioan.
Esan gabe doa biktimak beren patuaren errudun bihurtzen dituela horrek eta, hein batean, ahoa itxiarazten diela haien hurbilekoei, munizioak eta tropak batera edukitzearen erantzukizunagatik ez bada. Bidenabar, bake-nahia baino askoz gehiago ereiten du mendeku-gosea gertaerak Errusian, Putin eta haren ingurukoen erosotasunerako. Datozen egunetan ikusiko dugula iruditzen zait.
Ez dakit Kieven edo operazioa planifikatu zutenen helburua hori izan ote zitekeen. Ez dirudi oso zuhurra. Baina D. Dugina hiltzeko, Baltikoko gasbideak suntsitzeko edo Kertxeko zubia erauzteko erabakiak ere hartu eta eginbidean jarri zituen norbaitek.
Izan ere, batzuentzat, ahalik eta etsai gehien akabatzea da gerra. Etxera deika ari diren Saratoveko kintoak direnean ere.
Gazpromekin zuen kontratua ez du berritu Volodymyr Zelenskyren gobernuak eta, asteazken goizean, Europa ekialdea hornitzeko gasaren fluxua eten du errusiar konpainiak.
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.
Moskuk erakutsi du bere disuasio ahalmena areagotu dezakeela arma nuklearrik erabili gabe eta modu horretan bere arerioen gorakadari erantzun diezaiokeela. Bide batez, errusiar erruletan jokatzen ari diren europar erakundeetan arrakalak zabaltzen ditu.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.