Gerra Zibilean hainbat emakume bortxatu eta hil zituen erregimentua omendu nahi dute Iruñean
Espainiako armadaren America 66 erregimentua omentzeko erakusketa antolatu nahi du UPN buru duen Iruñeko Udalak. Alderdi erregionalista eta PP izan ezik, beste indar politiko guztiak kontra agertu dira.
Udalak Iruñeko gotorlekuaren areto bat utziko dio armadari America 66 erregimentuaren inguruan erakusketa bat egiteko datorren maiatzaren 23an.
Erregimentua Emilio Mola militar kolpistaren agindupean egon zen 1936ko Gerra Zibilean. 1937ko urtarrilean, Asturiaseko ospitale bateko hainbat emakume bortxatu eta hil zituzten, lau zaintzaile, sukaldaria eta 15 urteko neska batez gain.
Oposizioko alderdi guztiak erakusketa ez egitearen alde agertu dira bi mozioren bitartez.
"Faxismoaren apologiarik" ez Udalaren ustez
Udaleko kultura zinegotzi Fermin Alonsok Públicoren webgunean azaldu du erakusketarekin aurrera egingo dutela, Oroimen Historikoaren legea ez duelako urratzen beraien ustez: “Erakusketak armadako erregimentu baten 250 urteko historia jasotzen du eta faxismoaren apologia ez duela egiten uste dugu”.
Iruñeko Oroimen Historikoaren aldeko erakundeak ere omenaldiaren aurka agertu dira. Hedy Herrero, Txinparta erakundeko kideak, erakusketa erretiratzeko sinadurak biltzen dituen kanpaina jarri du abian. Omenaldia biktimentzako "errespetu faltatzat" jo du: “Emakume ugari bortxatu eta hil zituztela frogatuta dago”.
20.000 sinadura baino gehiago bildu dituzte orain arte.
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Espainiako Gobernuak dokumentu bat helarazi die Salvador Puig Antichen arrebei, Oroimen Demokratikorako ministro Ángel Víctor Torresen eskutik. Frankismoak anarkista katalanari jarritako heriotza kondenaren “baliogabetasun akta” dela diote. Harrigarria... [+]