Geroa Baik eta EH Bilduk aurreakordioa aurkeztu diote Ahal Duguri batera aurkezteko

  • Nafarroako akordio programatikoa Madrilen defendatzea da mahai gainean jarritako irizpideetako bat. Laura Perezek (Ahal Dugu) ez du akordioren kontra egin, baina lehen biek haren alderdikoak izan beharko luketela iradoki du.

Artikulu hau CC BY-SA 3.0 lizentziari esker ekarri dugu.

2016ko maiatzaren 03an - 09:59
Adolfo Araiz eta Uxue Barkos Parlamentuan solasean (Arg.: Nafarroako Parlamentua).

Senaturako eta Kongresurako hiru ordezkari lotzea. Hori litzateke asmoa, abenduko datuak aintzat hartuta. Hori litzateke asmoa, noski, lauko Geroa Bai, EH Bildu eta Ahal Dugu batera aurkeztuta, bestela, zenbakiei begira, ezinezkoa lukete formazio abertzaleek. Baina Ahal Duguk du azken hitza. Eskaintza eginda, Laura Perezen alderdiak zer dioen jakitea baino ez da falta. Nolanahi ere, iragarpenak ez dira baikorrenak, zerrendako lehen bi postuak Ahal Dugukoak izatea eskatu baitu.

Ez da kasualitatea eskaera hori egin izana: abertzaleek ez zuten eserlekurik bete abenduko bozketaren ostean; Ahal Duguk, aitzitik, bi erdietsi zituen. Eta jakin badaki horrek abantaila ematen diola.

Bi urrats egin beharko lituzke EH Bildurekin eta Geroa Bairekin joateko: bat, oinarriei galdetzea; bi, Espainiako zuzendaritzarekin adostea.

Ezkerrari dagokionez, Espainiari begira dago. Senatura batera joatea aurreikusi badu ere, argi du Kongresura Ahal Dugurekin joateko asmoa duela. Nolanahi ere, gainontzekoak batera joanez gero, ikusteko dago uko eginen liokeen zerrenda bateratuari.

Maiatzaren 13a egutegian gorriz markatutako data da, ordurako erabaki behar dutelako zein zerrendarekin joanen diren.

"Beste alderdiek ez dute azaldu zergatik abenduan ez eta orain bai"

 

Bestalde, Eduardo Santos Podemos Ahal Duguko diputatu nafarra ezkor azaldu da aldaketaren aldeko lau indarren arteko koalizioari begira: "Blokea pentsatu da, ez ordea programa". Bera hautagai izanen den ere zalantzan jari du: "Ikusi behar dut proiektu honen barruan non kokatzen naizen".

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Espainiako hauteskunde orokorrak 2016
Atutxak ukatu egin du Rajoyren inbestiduraren truke PPk Urkullu babestuko duenik

EAJren Bizkai Buru Batzarreko presidenteak uste du Urkulluk “babes ezberdinekin gobernua osatzeko behar den lidergoa” lortuko duela irailaren 25eko hauteskundeetan.


PPren mehatxua: Rajoy presidente ala hirugarrenez hauteskundeak Eguberrietan

Ciudadanosek Espainiako Estatuko Kongresuan dituen 32 diputatuen babesa jasoko du Rajoyk inbestidura saioan eta aurreikusten da Coalición Canariako diputatu bakarrarena ere izango duela. Lehenengo itzulian presidente izendatzeko gehiengo osoa behar du, eta hortaz, beste... [+]


Urkulluren iritziz hirugarrenez hauteskundeak izango dira Espainiako Estatuan

EAJk Rajoyri ezetz esango diola errepikatu du lehendakariak Radio Euskadin eginiko elkarrizketan.


Alde

Alde. Orain inoiz baino gehiago. Eta alboan Mariano Rajoyren aurpegia lehen planoan.

Barre egin genuen, hanka sartze mundiala inondik ere, itzulpen traketsen antologiaren parte da jada. Apropos eginda ere zaila da kontrako mezua hain doi adieraztea. Barre egin genuen, bai,... [+]


Diskoa
Bi kantu zirraragarri

Bi kantu entzun daitezke Joseba Irazoki eta Lagunak taldeak Madrilgo Acuarela diskoetxearekin kaleratu duen binilozko singlean. Biak oso onak, zirraragarriak.

Rock, folk, blues eta psikodelia aireak suma daitezke kantuetan, doinu iradokitzaileak. Moldaketak eta apainketak oso... [+]


2016-07-06 | Igor Estankona
Liburua
Barrutik

Askatasunak leku bat hartzen dizunean egunerokoan, haren alde egin behar duzunean halabeharrez, beharrizan bihurtu dizutenean flotatzea, orduan berdin zaizu ze kartzelatan zauden, kartzela propioetan ez erortzea da garrantzitsuena: “Ez galdetu non nagoen, berriz ere./ Hemen... [+]


Euskal Herria Kantabria berdin da, hauteskundeei buruz

Ezin uka igandeko emaitzek aho bete hortz utzi gintuela edozein hobekuntza humano desiratzen genuen oro. Eskuin kontserbadorea sendo, estatutik etor zitekeen edozein aldaketa itxaropen bertan behera utzi du igandeko emaitzak.


Beste lau urte korapilatsu datoz

Espainiako estatuko  urdin zabal horrek beltz utzi du etorkizuna, hori da hauteskunde orokor hauetatik atera daitekeen ondorio nagusia. Beltzak izan dira PPren azken lau urteak ikuspegi sozial eta aurrerakoi batetik begiratuta, eta joera bera nabarmenduko da datozen lau... [+]


2016-06-29 | Juan Mari Arregi
Irtenbide politiko, ekonomiko eta sozialak

Hainbeste hilabetez Espainiako Estatuan hauteskunde kanpainan egon ondoren, ordua da agintzen duten politikariek euren promesak bete ditzaten. Eta oposizioan geratzen direnek ere eskatu dezatela promesa horiek betetzea. Seguruenik ez da izan Espainian beste kanpainarik arazo... [+]


Notre-Dame-des-Landes, burujabetzaren lurraldea

Frantziar gobernuaren lan kode aldaketak hautsak harrotu ditu. Manifestaldi, kanpaldi, greba, zentsura mozio, okupazio, ekonomiaren blokatze, sabotaje eta istiluak errepikatzen ari dira azken hilabete hauetan, ezkerreko elkarte, alderdi, sindikatu eta beste norbanako anitzen... [+]


Aniztasuna askatasun, izan gaitezen zernahi

1969. urtea. New York. Ekainak 28. Herri matxinada. Milaka gay, lesbiana, bisexual eta transexual kalean. Aurrean polizia. Goizalde hartan Stonewallen herri altxamendua gauzatu zen. Historiak “Stonewalleko istiluak” izendatu baditu ere, egun hartan ezbairik gabe,... [+]


Mozal legeak, urteurren isildua

Datorren uztailaren 1ean, urteurren tristea beteko da. Urtebete izango da Espainiako Gobernuak, “aholkulari ezezagunen eskutik, zigor legedi penagarria sortu zuenetik”. Gainera,“XX. mendeko iturri txarrenetatik edaten duten proposamenekin eta korronte... [+]


2016-06-27 | Axier Lopez
1 + 1 ez da beti bi

Bigarren parteak ez dira oso maitatuak izaten ez zineman, ezta politikan ere. Marmotaren Egunean bezala, sarri bizi izandako egoera eskasak sortzen duen gogaitasun giroan, amaiera dramatikoa errepikatu da Espainiako Estatuan: ozenak ei ziren aldaketa ahotsak oihartzun baino ez... [+]


Elkarrekin Ahal Dugu garaile nabarmena Hego Euskal Herrian

428.285 botorekin eta EAJ bigarren alderdiari 142.000 botoko aldea aterata, Elkarrekin Ahal Dugu izan da garaile Hego Euskal Herrian. Espainiako hauteskunde orokorrak alderdi abertzaleentzat plaza zaila izan arren, nabarmentzekoa da lehen aldia dela norbaitek EAJ Bizkaian... [+]


EAJri egin dio sorpassoa Unidos Podemosek

Azken hauteskunde kanpaina hitz batek markatu du: “sorpasso”. Inkestek esaten zuten Unidos Podemos gai izango zela PSOEren aurretik geratzeko eta behin Espainiako ezkerreko alderdi nagusi bihurturik, zerbait diferentea egiten hasteko.


Eguneraketa berriak daude