Geroa Baik ingelesezko PAI hezkuntza eredua “indargabetzeko lan egingo duela” adierazi du Foru Legebiltzarrean
Maiatzeko hauteskundeei begira, PSNk atzerriko hizkuntza euskararen aurretik jartzen duen sistema publikoa defendatzen jarraituko du, Navarra Sumarekin batera. EH Bilduk “ingelesaren inposaketak” ekarri duen “lardaskeria” kritikatu du. Izquierda-Ezkerrak "legez" hizkuntza ofizialek izan beharko luketen lehentasuna gogorarazi du eta Podemosek euskara "ez kaltetzea" eskatu du.
Jorge Aguirre PSNko politikariaren optikatik, “legea eta errealitate soziolinguistikoa kontutan izanda”, Foru Gobernuak “gazteleraz, euskaraz, ingelesez edo alemanez” ikasteko aukera bermatzen du. Hala mintzatu zen atzo Legebiltzarreko osoko bilkuran. Aipatutako lau hizkuntza horietatik, ordea, Carlos Gimenoren Hezkuntza kontseilaritzak euskarari soilik aplikatzen dio hiztun kopuruaren araberako eskaintza, gazteleraz ikastea erabat bermatuta baitago eta ingelesa eta alemaniera ez baitira ofizialak.
Euskarazko hezkuntza eskeini ezean, jakina, errealitate soziolinguistikoa definitzen omen duen hiztun kopuruak ez du inolako bilakaerarik izango. Zonifikazioaren legearen arabera ezta tokian-tokiko bizilagun eta udalek aho batez D eredua ezartzeko eskatzen badute ere, berriki eremu ez-euskalduneko Mañerun eta Lerineko udalerrietan gertatu den moduan.
Azken kasu hauek Nafarroako Gobernuaren haustura eragin dute hezkuntzari dagokionez. Maria Solana Geroa Baiko bozeramailea argi mintzatu zen osoko bilkuran datorren legealdirako bere alderdiak hartu duen erabakiaz: “Foru dekretu berri baten alde lan egingo dugu, PAI eredua indargabetuko duena”. Zentzu honetan, “bertako hizkuntzen presentzia bermatu” eta atzerriko beste bi barne hartzen dituen “eredu eleanitza” bultzatu nahi duela argitu zuen.
EH Bilduko Bakartxo Ruizek "kulturen eta hizkuntzen baturaren" aldeko apustua egin zuen. "Zentzu komuna nagusi izatea eta politika sektarioak alde batera uztea espero dugu hizkuntza mailan dugun aberastasuna aprobetxatzeko eta ikasleei aukerarik ez kentzeko". Atzerriko hizkuntzen ikasketari dagokionez, PAI eredua “lardaskerien” bitartez “inposatu” dela salatu zuen.
Argudiaketa horrekin bat dator Izquierda Ezkerra. Marisa de Simonek Nafarroa "nahi ez dugun egoeran" dagoela deitoratu zuen. “Berezko hizkuntzek ez lukete atzerrikoek duten garrantzi berdina izan beharko curriculumean". Ildo beretik, Nafarroako ikasle guztiek gutxienez euskara ezagutu beharko luketela aipatu zuen.
Pedro González Navarra Sumako ordezkariarentzat, berriz, “euskararen murgiltze eredua ez da hezkuntza sistema bat, EH Bilduren kanpaina politikoa baizik”. Ideia hori oinarritzat hartuta, “PAI eredua Nafarroako euskalduntzea arriskuan jartzen duen mehatxu gisa” ikusten dela argudiatu zuen.
Podemoseko Ainhoa Aznarezek Navarra Sumari haren diskurtsoa beti bezain “alarmista” izan dela leporatu zion eta “atzerriko hizkuntzen ikasketa bertakoak kaltetzen ez dituen bitartean” beharrezkoa dela esan zuen.
Contigo-Zurekinek proposatutako idatzian azaltzen da Europako eta Hego Amerikako merkatari erakunde nagusien arteko hitzarmen berriak muga-zergen deuseztatzea ekarriko lukeela, bertako ekoizleak, txikiak bereziki, kaltetuz. UPNk, EH Bilduk, PPk eta Voxek mozioaren alde bozkatu... [+]
PSNk, EH Bilduk, Geroa Baik eta Zurekin Nafarroak bat egin dute Borboiak Nafarroako kultura sari nagusitik at gera daitezen. Espainiako erregeak 2015etik, Uxue Barkos lehendakari zenetik, ez daude ekitaldi handi honetara gonbidaturik.
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]
Arazo mentalak dituztenen kopurua haziz doa, oraindik ere estigma sozial handia dute atzean eta, horri aurre egiteko, buruko nahasmenduren bat dutenak lan mundura bideratzen saiatzen da Elkarkide, Nafarroako Parlamentuan azaldu duenez. Lan horretan jarraitzeko laguntza eskatu du.
Nafarroako Legebiltzarrean datorren urteko aurrekontuak ixteko negoziazioetan ari dira egunotan alderdiak, eta horietan adostutakoaren arabera, euskararen Euskararen Nafar Institutuak iaz baino 1,3 milioi gehiago izango ditu.
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
EH Bilduk seigarren urtez jarraian Chivite lehendakariaren aurrekontuak ahalbidetuko ditu, abstentzioaren bidez. Egungo akordioa mantenduz gero, abenduaren 19ko Osoko Bilkuran gauzatuko da proposamena.
Langileek %23ko erosteko ahalmena galdu zuten 2019ko akordioa sinatu zuten arte. Patronalak orain soldatak izoztea eta hainbat baldintza murriztea proposatu du. PSNk KPIaren eguneratzea eta %2ko soldaten igoera bultzatuko duela esan du orain, gizarte eragileen presioaren... [+]
, Nafarroako parlamentuan..jpeg)
Bizikidetasunaren eta Nazioarteko Elkartasunaren batzordeak Munduko Medikuak erakundearen eskaera onetsi du, PSNk aurka bozkatu duen arren. Irailean zehar 40 bat lagunek Mendebaldeko Saharatik Madrilera bidaiatu zuten nazioarteko babes eske eta dagoeneko haietatik hamasei... [+]
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Nafarroako Gobernuak asteazken honetan onartu du 2024ko Nafarroako Aurrekontu Orokorren aurreproiektua: 6.355 milioi euro. Horietatik 520 milioi finantza gastuetara bideratuko dira (%8,18). Orain arteko aurrekontu handienak dira.
Eskuin muturraren “diskurtso guztiz arrazisten”arriskuaz ohartarazi du Unai Hualde presidenteak. Bere aburuz, erakundeak giza eskubideak urratzen dituzten jokaerak ekidin behar ditu.
Eskuineko hiru alderdiek aurka bozkatu dute eta Chiviterena abstenitu egin da; aldiz, EH Bilduk eta Geroa Baik Contigo-Zurekinen proposamena babestu dute. Gonzálezek 20 hilabete daramatza Poloniako espetxe batean, akusazioaren frogarik jakinarazi ez bada ere.