German Kortabarria: “ERTak loretan”
Ur geldiko putzura jaurtitako harritzarrak eragindako astinduaren parekoa izan da birus malapartatuak gure bizimoduan eragin duen inarrosaldia. Lasaiago edo estuagoa generaman egunerokoa hankaz gora jarri digu, ohiko jardunera noiz eta nola itzuliko garen ez dakigula.
Gobernuak –Espainiakoak, noski, krisi honek agerian utzi baitu gure gobernutxoen izaera mendekoa– berandu eta, agian, laburregi bada ere, babes eta isolamendu neurriak hartu ditu gaitzaren hedapena eragozteko. Horren ondotik, martxoaren 18an argitaratutako Dekretu-legeak neurri sorta zabala jarri du indarrean, hein handian langileen kondizioei dagozkienak.
Neurrion artean azpimarratuko dut Aldi Baterako Erregulazio Espedienteak (ABEE deituko dugu gaztelaniaz ERTE deritzanari) errazteko ezartzen den araudi berezia. Esan behar da Gobernuak onartutako neurriak ez dietela inolako babesik eskaintzen prekarioetan prekarioenei: arauz kanpo lanean ari diren irregularrei –paperik gabeak, batez ere– eta etxeko langileei.
Bi ABEE mota jasotzen ditu Dekretu-Legeak: Covid-19ak zuzenean eragindako salbuespeneko edo ezinbesteko egoeragatik aurkezten direnak; eta, ekonomia, teknika, organizazio edo ekoizpenari lotutako arrazoiengatik aurkeztutakoak, betiere, Covid-19aren eragina baldin badago atzean.
Lehenengo ABEE mota, “espres” deitu dezakeguna, langile edo bere ordezkariekin inolako negoziaziorik gabe aurkeztu dezake ugazabak eta bost eguneko epean erabaki beharko du lan-agintaritzak.
Bigarren AEBE motan ugazaba behartuta dago zazpi eguneko kontsulta tartea irekitzera langileen ordezkaritzarekin, horrela espedientearen arrazoiak argitu eta kondizioak negoziatzeko.
Bi motatako ABEEtan sartuta dauden langileek langabezia saria jaso ahal izango dute –aurretik gutxieneko kotizazio epea beterik ez badute ere–; gainera salbuespeneko egoerako denbora horrek ez du murriztuko bestela irabazita duten langabezia sariaren denbora.
Lanaldiaren murrizketa edota ordutegiaren egokitzapenerako aukera ere aurreikusten du arauak, senideen zaintzarako eta baldintza jakin batzuekin.
Noski, Dekretu-Legea hemen jasotako zertzeladak baino askoz zabalagoa da eta bere egoerari dagozkion zehaztapenak bilatu nahi dituenak iturri osoagoetara jo beharko du. Ikusi amaierako estekak.
Bukatzeko enpresa bakoitzean langileen ordezkari ofizialek, edota, ordezkaritzarik ez balego, langile eurek jarraitu beharreko hainbat irizpide:
- ABEEan langileak izango dituzten kondizioak negoziatzen saiatu, baita, zailagoa bada ere, ezinbesteko egoeragatik aurkezten diren ABEE “espresetan” ere.
- ABEErako arrazoia benetan Covid-19ak eragindakoa dela ziurtatu.
- Epe mugaturako espedientea izan dadila; gaur gaurkoz, gehienez hilabeterako.
- Aurreko enplegu guztia, finko nahiz prekarioa, bermatu dadila salbuespen egoera gainditu osterako.
- ABEEak enpresak emandako arrazoien arabera zehaztu behar ditu espedientean sartzen diren langileak. Besterik gabe ezin da espedientea orokortu, behintzat osasun irizpideek hori agintzen ez badute.
- Langabezia sariaren osagarria negoziatu, tarte horretan soldata osora iritsi ahal izateko.
- Kontuz ABEEak sortutako zurrunbiloan gerora kalterako izan daitezkeen konpromisoak sinatzearekin.
Egoera larriak baliatu izan ditu kapitalak “shock”-aren estrategia ezarri eta posizioak irabazteko. Aitzitik, oraingoan kapitalismoaren arraildurak agerian utzi dituen “shock”-a balia dezagun izaera eta lan kolektiboa, klase elkartasuna, sindikalismoa, auzolana, gizarte antolatua… balioetsi eta indartzeko.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.