Genozidioaren egunkariak
Urtebete igaro da, diotenez. Ez dut sekula ulertu mendebaldarrok daukagun ohitura harroputz hau: nahiz eta gatazkak ia mende bateko iraunaldia izan, datak nahierara moldatzen ditugu, garrantzia nolanahi oparituz. Azkeneko sasoia ezberdina izan al da beren lurraldean preso daudenen palestinarrentzat? Sinestea kostatzen zait.
Heriotzek gora egiten jarraitzen dute, Ukrainaren kasuan soinekoak urratu zituztenen geldotasuna bitarte. Arabiarren bizitzek ez dute hainbeste balio; milaka pertsona etxerik gabe geratuko dira, eta beste hainbatek nora itzultzeko lekurik ez du izango. Inozoek Nazioarteko Komunitatea genozidioaren baretzailetzat dute oraindik, hitzetatik ekintzetara igaro ez den hura, hain zuzen ere. Gerra amaitzen denean Gazak, munduko presondegirik handienak, infernua izaten jarraituko du. Horren gordina da eurak bizitzen ari diren abernua.
Zenbateraino izan behar du asimetrikoa gudu batek gerratzat hartua izaten jarraitzeko? Albistegian egunero ikusten duguna sarraski hutsa da eta, tamalez, komunikabideek hitza maiz ekiditen dute; gupidagabeak Putinen Errusiarekin, baina lotsorrak Israelekin. Benjamin Netanyahuren gobernuak eskolak eta ospitaleak kontzienteki bonbardatzen zituen aldi berean, distantziakidetasunaren mamuak gizartea erabat blaitu zuen.
Galeriarentzat su-etena eskatu zuten arma-negozioek bidea segitzen dutela ezkutatuta. Gerra esportazioen etena iragarri arren, Espainiako Defentsa Ministerioak ia milioi bat euro munizio saldu zion Israeli azken gatazka hasi zenetik
Bestalde, Espainiako historian egondako “gobernurik aurrerakoiena” deritzonak Palestinako Estatuaren subiranotasuna onartu du Israelekin tratuak isil-gordeka ixten zituela. Hau da, galeriarentzat su-etena eskatu zuten arma-negozioek bidea segitzen dutela ezkutatuta. Duela hilabete batzuk argitaraturiko albisteak zioenez, gerra esportazioen etena iragarri arren, Defentsa Ministerioak ia milioi bat euro munizio saldu zion Israeli azken gatazka hasi zenetik.
Geroz eta bistakoagoa da heriotzen prezioa herritartasunak ezartzen duela. Morala edukirik gabeko teatraltasuna baino ez denez, politikariek keinu hutsen pantomima eskaintzen digute, gertakariak errealitatetik bereizita. Noiz arte eutsiko diegu AEB eta Europar Batasuna gaizkide dituen Israel bezalako estatu baten gehiegikeriei?
42.000 hildako baino gehiago (16.900 haur eta horietako 700 inguru urtebete azpikoak). Ia 100.000 zauritu, beste horrenbeste desagertutako, 1,9 miloi desplazatu… Gazako biztanleriaren %90ak ihes egin du bizitza salbatu ahal izateko. Erbesteak salbamenarekin zerikusirik baldin badu, bederen.
Genozidioaren egunkariak aurrera darrai.
Jon Otermin Benito
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Lan aste laburragoak ezartzeko politika orokorra ekarriko du 2025 urteak, enpresentzako kontratazio berrietarako kostu txikiak eta lan harremanetarako aldaketa norabide eraginkorra ekarriz.
Espainiako gobernu akordioa betetzeko helburuarekin, lanaldia astean 37,5 ordutara... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Duela aste pare bat Norvegiako zenbait datu plazaratu ziren. Ipar Europako herrialde hartan auto elektrikoak nagusitu dira, eta Tesla marka dute salduena; energia birziklagarriaz sortutakoa omen da han kontsumitzen denaren %90. Aldiz, Norvegiako enpresa publikoek ez dute inolako... [+]
.jpg)
Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.
Jada hilabete, neguaren atarian, gaurik luzeenak diren... [+]
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Asteartean eman zuten jakitera bost gazte lapurtarren kontrako sententzia. Hamabost hilabeteko espetxe zigorra gibelapenaz bi gazteri, 500 euroko isun banarekin; 140 orduko lan behartua eta 500 euroko isun bana beste bi gazteri; eta, azkenik, 1.700 euroko isuna beste... [+]
Lehengo batean, The Wire telesail sonatua berrikusten ari nintzela, etsipena gogora ekarri zidan eszena bat heldu zen. Bertan, The Baltimore Sun egunkariaren zuzendaritzak langileak bildu eta datozen aldaketei buruz ohartarazten die; hau da, kaleratzeez eta distira gutxiagoko... [+]
Bizi dugun kultura kontsumistak, erabiltzaile oro agintzen du gozamen neurrigabera. Slavoj Zizek dioen eran, Goza ezazu zure fetitxea, hiper-modernitatearen agindu ozena bihurtu da. Fetitxearen lekua betetzeko dauden gailu teknologikoen bidez gauzatzen baita egungo gozamena... [+]