Durangoko gaztetxea desalojatu dute eta Ertzaintzak foam jaurtigailuekin tiro egin du bertan zeudenen aurka
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko. Gaztetxea beharrezkoa dutela aldarrikatu dute mobilizazioan, “Gaztetxea aurrera, Udala errudun” lelopean.
Larunbatean Kaletik Gaztetxera asanbladako kideek Durangoko gaztetxearen irekiera ekitaldia antolatu zuten. Poliziak ordea ekimen hori egitea galarazi, eta gaztetxera sartzea debekatu zuen. Asanbladako kideek salatu dute hori legez kontrakoa izan zela.
Bideoetan jasota geratu denez, beranduago, modu oldarkorrean erantzun zuen Ertzaintzak bertan zeuden kideen aurka. Gaztetxeari babesa ematera eta Ertzaintza egiten ari zen sarbide kontrola ilegala zela salatzera joandako ehunka durangarren aurka kargatu zuen Poliziak. Jipoiak, mehatxuak salaketak, isunak eta foam pilotak erabili izana salatu dute asanbladako kideek.
Guzti hau salatzeko eta gaztetxearen beharrezkotasuna aldarrikatzeko, GAUR 19ETAN UDALETXE PLAZAN.
— Kaletik Gaztetxera (@KaletikGTX) December 15, 2024
GAZTETXEA AURRERA
UDALA ERRUDUN pic.twitter.com/snILGbtbm0
Asteburuko gertakariei dagokionean, “tinko” agertu dira Kaletik Gaztetxera asanbladako gazteak, “konpromiso osoz heldu diogu gaztetxearen aldeko borrokari, hainbat eta hainbat gazte durangarren eskutik”.
Negoziazio eza
Durangoko Azoka betean, abenduaren 6 ostiralarekin sartu ziren asanbladako kideak eraikinera, gaztetxe baten behar zutela aldarrikatuta. “Durangok dituen hutsuneak betetzeko xedearekin abiatu genuen proiektua”, adierazi dute.
Astelehenean bertaratu zen udaltzaingoa sarbide kontrola ezartzera, eta Udalak haiekin harreman eta komunikazio bide oro eten zuela helaraztera. 2023tik EAJko Mireia Elkoroiribe da alkatea. Udalaren negoziaziorako borodate eza azpimarratu du asanbladak. Izan ere, udalak jakinarazi zion ordenantzaz kanpo dagoela eraikina, eta urte batzuen ostean eraisteko asmoa dutela.
Hori jakinda, asanbladak azaldu zuen prest zegoela eraikina bota bitartean erabiltzeko, eta ondoren joateko. Baina, udalak negoziazioari uko egin eta desalojo prozesua bide legaletik abiatzeko asmoa azaldu izana salatu dute.
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.