Guardia Zibilak Altsasuko gaztetxea ixteko asmoa duela salatu du Gazte Asanbladak
Altsasuko Gazte Asanbladak jakinarazi duenez, guardia zibilek bere hiru kideri gaztetxea ixteko asmoa zutela jakinarazi zieten abenduaren 31n. Horretarako, Altsasuko Udalarekin harremanetan jarriko zirela jakinarazi zieten. Udalari exijitu diote “Guardia Zibilak hasitako prozesuan ez parte hartzeko”.
Altsasuko Gazte Asanbladak (AGA) agerraldi jendetsua egin du itxiera mehatxuaren berri emateko. Eta agerraldia baliatu dute “gazteak kriminalizatzea bukatzea” eskatzeko. Horrekin batera, AGAko kideak askatasun politikoen defentsan eta gaztetxeen defentsan ariko direla berretsi dute. Eta, azkenik, Altsasuko Udalari exijitu diote “Guardia Zibilak hasitako prozesuan parte ez hartzeko”.
AGAtik adierazi dutenez, “COVID-19ak sortutako egoera Gaztetxeak ixteko aitzakia gisa erabili nahi dutela argi daukagu. Ulergaitza da kultur etxeak, kiroldegiak, tabernak edo udaletxea zein parlamentuak berak irekiak egon daitezkela esaten duten garai berean Gaztetxeak itxita egon behar direla esatea. Noski, ez gara gu izango hauek itxita edo irekita egon behar diren esango dutenak, baina nahikoa gai gara Gaztetxearen erabilera seguru bat ziurtatzeko”.
AGAko kideen iritziz, “Gaztetxea ixteko saiakerak arrazoi politikoei erantzuten die, eta ez osasun arrazoiei. Pandemiaren aitzakiapean, edozein espresio antolatu eta konfrontatiboen aurka jazartzeko aukerari, askatasun politikoen aurkako erasoaldiari erantzuten dio”. Gaineratu dutenez, “krisi garaiotan antolakuntza politikorako beharra inoiz baino garrantzitsuagoa bilakatzen den une berean, Estatuarendako antolakuntza politiko hori jazartzea inoiz baino garrantzitsuagoa bihurtzen da”.
“Errepresio oldarraldia”
Gazteek gaztigatu dutenez, “pandemia kudeatzeko neurriak soilik osasun arlokoak izatetik urrun, langileria politikoki eta sozialki kontrolatzeko errepresio neurriak direla argi dugu”. Eta horren adibide gisa jarri dituzte “16.000 euroko isun politikoak, polizia presentzia itogarria, identifikazioak astero, mobilizazioen debekua, Ruben arbizuarra espetxeratzeko arriskua eta salatzen ari garen erasoa bera”.
Altsasun gertatutakoa “Gaztetxeen kontra Euskal Herrian izaten ari diren erasoen” artean kokatu dute. Donostia, Bilbo, Tolosa edota Gasteizko kasuak aipatu dituzte. “Sakanan bertan foralak Etxarriko Gaztetxean sartu ziren itxi behar zutela esanez. Arbizuko gazte elkartean ere sartu ziren, argazkiak atera eta barruan zeudenak identifikatu zituzten”.
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Errekaldeko Gaztetxearen aurkako huste-agindua heldu da jadanik. Espazioa defendatzera deitu dute bertako kideek.
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.