Gaztelubide elkarteko Danbor Nagusiak argazkilari bati eraso egin zion Donostiako danborradan
San Sebastian eguneko bandera igoeran, ez zen dena festa izan. EITBk emandako irudietan ikusi zen moduan, tentsio une bat izan zen, Jose Ramon Mendizabal Mendi Gaztelubide elkarteko Danbor Nagusiak, argazkilari bati eraso egin zionean. IRUTXULOKO HITZAko kolaboratzaile den Jon Xabier Zabalak bertatik bertara jarraitu zuen gertakaria.
Kontatu duenez, 23:55etan hasi zen tentsioa, “bandera igoera hasi baino minutu gutxi batzuk lehenago”. Hamabi bat argazkilari zeuden, baita hiru bideo kamerari ere. Zuzendarien eta publikoaren artean kokatu ziren argazkilariak, eta danborrak eta upelak sartu arte egon ziren bertan.
Kresalako dantzariak sartu zirenean, argazkilarientzat ez zen tokirik, eta bidaltzen hasi ziren, oihuka. Txarangaren eta zuzendarien artean jarri zituzten argazkilariak, eta, hor zeudenean, berriro oihuka hasi zitzaien Danbor Nagusia: “Kendu hemendik”, “beti da berdina”, “nahikoa da”, “ostia”, eta abar esaten. Tentsioa handitu zen, irudiz, Mendi, eskuetan zuen makilarekin, argazkilariak “mehatxatzen” hasi zenean, “fuera hemendik!” oihukatzen.
Une horretan, argazkilarietako batek erantzun egin zion, lan egiten uzteko eskatuz, eta hor jazo zen erasoa. Mendi oholtza txikitik jaitsi zen, zuzenean argazkilariarengana abiatu zen, eta ukondoarekin jotzen saiatu zen. Argazkilariak atzera egin zuen eta ez zuen kolpea jaso, baina tirabira egon zen. Segituan, inguruko jendea Mendi baretzera joan zen, upelen zuzendaria eta ingurukoak, eta argazkilariengandik banatzea lortu zuten.
Jende eta tentsio multzo horren erdian, atzera egiten hasi zen Mendi; oholtza txikiko ertza ikusi ez, eta bizkarrez erori egin zen. Kresalako dantzariek eta bertan zeuden gainerakoek jaikitzen lagundu zioten, eta tentsioa nola edo hala baretuta, banderaren igoera normal egitea lortu zuten. Oso azkar gertatu zen dena, “30 segundoko tentsio momentu bat izan zen”, Zabalaren hitzetan.
Bertan egon zirenek onartzen dutenez, urtero egoten dira antzeko tirabirak argazkilari eta danborradaren artean, baina aurtengoa ez da sekula gertatu. Dirudienez, aurten ohikoa baino jende gehiago egon da oholtza gainean, eta horrek areagotu du tentsioa.
Gaiaren inguruan ez du inork adierazpenik egin, baina sare sozialetan bolo-bolo ibili da. Izan ere, EITBk egin zuen zuzeneko konexioan gatazkaren unea ikusten da, baina segundo gutxira seinalea moztu zuten. San Sebastian eguneko pertsonaia garrantzitsua da Mendizabal, bera baita Gaztelubide elkarteko Danbor Nagusia 2010. urtetik.
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Urtea baino gehiago da Olatz Simonek –EITBko berriemailea Parisen, garaian–, orrialde hauetan bertan ohartarazi zigunetik Bruselak kazetariari lanbideaz erakusten dionaz. Eta halaxe joan gatzaizkio galdezka Amaia Portugali. Bruselan gure irrati publikoak duen... [+]
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Donostiako alkate ohiak webgune bat sortu du, eta plataformarekin bat egiteko eskatu die herritarrei.
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Satorralaia plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]
Martxoaren 8an kalera ateratzera deitu ditu herritarrak mugimendu feministak, "desberdinkeriek bere horretan" dirautelako. Zapalkuntza mekanismo berriak agertu direla salatu dute, eta feminismoa "ezkerreko borroken erdigunera" eramateko beharra aldarrikatu.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Euskorpora elkartearen aurkezpen ekitaldi jendetsua izan da asteazkenean Donostian, eta Euskorpus izeneko egitasmoaren berri eman dute bertan. Euskorpus euskarazko hizkuntza baliabide digitalen banku bat izango da, eta 5 milioi pasa inbertituko ditu Eusko Jaurlaritzak bertan.
Urtarrila amaieran ezarri zieten 5.000 euroko isuna ordaintzen laguntzeko txartelak jarri dituzte Herria, Marruma eta Platero tabernetan.
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Donostiako San Telmo museoko aretoa jendez bete da Irutxuloko Hitzaren hogeigarren urteurreneko ekitaldian.
Torturak jasan dituzten 900 lagun bildu dira Donostian Euskal Herriko Torturatuen Sarea aurkezteko, otsailaren 15ean. Ekimenak torturatuen bozgorailu izan nahi du, eta oraindik torturen berri eman ez duten herritarrak sarera batzera animatu dituzte. Eusko Jaurlaritzari eta... [+]
Kulturatik elkarteak antolatuta, Musika eta dantza Palestinarekin ekitaldia egin dute Alderdi Ederren gaur eguerdian. Palestinako herriari elkartasuna adieraztea eta jasaten ari diren genozidioaren bukaera eskatzea izan da helburua. Donostiako Udalaren Musika eta Dantza... [+]