Donostiako sexu erasoak salatzeko kalejira feministak talka egin du Gaztelubide elkartearekin
Ama Birjin bezperako afaria kontrako eztarritik bidali diete mugimendu feministak eta Donostiako Piratek Gaztelubide elkarteko zenbait kideri, asteartean izandako hamaika sexu erasoek –bi bortxaketa barne– eragindako haserrearen ondorioz. Urtero abuztuaren 14ko gauerdian egiten duten Festara ekitaldia ezin izan dute normaltasunez abestu, beren harridurarako inguruan ehunka oihuka eta zalapartaka izan baitituzte. "Erasorik ez erantzunik gabe" leloa ozen entzun da hiriko Alde Zaharreko kalerik jendetsuenetan gauerditik aurrera.
Gauerdian Donostiako Alde Zaharrean gertatu dena ez da egunero ikusten. Mugimendu feministak eta Donostiako Piratek talka zuzena egin dute Gaztelubide elkarte gastronomikoarekin. Emakumeek ez dituzte gizonezkoen eskubide berak bertan. El Diario Vascoko artikulu honen arabera, debekatuta dute sukaldean sartzea, eta ez diete elkarteko bazkide izaten uzten. Horrez gain, emakumeak sar daitezke eguerdietan, larunbatetan egun osoz eta festa bezperetan afaltzera. Bestela, urte osoan zehar, gizonezko batek lagunduta egon behar dute barruan eta aurrez iragarri behar dute joango direla.
Gipuzkoako hiriburuan instituzio bat da elkarte gastronomiko hau, eta urtero adibidez, beraiek hartzen dute protagonismo nagusia Sansebastian eguneko danborradaren hasieran. Hala ere, 2019ko abuztuaren 14an salatu diren sexu erasoen ostean, kalejira feministaren jomugan amaitu du, noiz eta Aste Nagusiko beren gaurik garrantzitsuenean: Festara ekitaldia hastear zela.
Su artifizialak amaitu direnean, ehunka pirata feministak giza-katea egin dute Flamenka txozna gunetik Trinitate enparantzan afariak emateko antolatzen duten gunera. Aurreko egunean hamaika sexu eraso salatu ziren eta "ezin badugu partaideen erdiaren segurtasuna bermatu, ez dugu halako jairik nahi" adieraziz, egun osoko egitaraua bertan behera uztea erabaki dute. Gauerdian Alde Zaharrean kazolak hartuta eta protesta zaratatsua egitea zuten aurreikusia. Trinitate enparantzatik minutu batera dago Gaztelubide elkartea, ordea, eta Eneko Goia alkatea bertan egon zitekeela zurrumurrua zabaldu ostean, bertara bideratu dira protestariak.
Donostiako Piratek beren egitarau osoa utzi dute bertan behera, Udalak ez du halako neurririk hartu. Kontzentrazioa egin dute udaletxearen aurrean. Alkatearekin haserre, Gaztelubidera abiatu da kalejira, Festara ekitaldia hastear zela, bertan zai zirenen ezusterako. Gaztelubideko kideak abesten hasi baino minutu gutxi lehenago, ehunka lagunek, zartagi eta txilibituz hornituta, festa lehertu diete.
Iskanbila ikusita, abesbatzak aurrera egin du eta ordu erdiz bere abestiak abestu ditu, kaleko iskanbilaren erdian. Mugimendu feministako kideak eskaileretan gora igo direnean, tentsio uneak bizi izan dira.
"Beste urteetan Piratekin tregoa izaten dugu, guk abesten dugun bitartean isil daitezen; badirudi aurten ez dagoela halakorik", adierazi du zuzendariak azken kantua hasi aurretik, deseroso.
Ekitaldia amaitu denean, kalejirako ehunka lagunak Gaztelubide parera igo dira eta hortik Alde Zaharrean barrena jarraitu dute erasotzaileei "aurrean izango dituztela" adieraziz. Arratsaldean, azken hilabeteetako manifestaziorik jendetsuenak Donostia erdiguneko kaleak zeharkatu ditu "erasotzaileak, zuen jaia amaitu da, emakume* piratok autodefentsa feminista" lelopean.
Fermin Calbeton kalea gurutzatu ostean, Ikatz kalean amaitu dute protesta "Isil isilik dago" abestiarekin. Bideoa, Irutxuloko Hitzako kazetari Iñaki Agirreren eskutik.
Onena, ordea, amaierarako utzi dute: emozioz beteriko egun gogorraren ostean, manifestariak kantuan eta dantzan hasi dira bapatean Gizarte matxistari hortzak erakutsi eta, era berean, umorea ez galtzeko gai izan dira gaur @izanpirata eta @DFeministak. Bejondeiela! pic.twitter.com/t6EdjDBdTO
— Iñaki Agirre (@ikiagirre) August 15, 2019
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Indartsua, irribarretsua eta oso langilea. Helburu pila bat ditu esku artean, eta ideia bat okurritzen zaionean buru-belarri aritzen da horretan. Horiek dira Ainhoa Jungitu (Urduña, Bizkaia, 1998) deskribatzen duten zenbait ezaugarri. 2023an esklerosi anizkoitza... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Orain arte desgaituak ez diren pertsonekin lehiatu da Uharteko Ipar Eski Taldeko Eneko Leyun eskiatzailea (Iruñea, 1998). 2024-2025 denboraldian, lehenengo aldiz parte hartu du Adimen Urritasuna duten Pertsonentzako Iraupeneko Eskiko Espainiako Txapelketan. Urrezko... [+]
Joan den urte hondarrean atera da L'affaire Ange Soleil, le dépeceur d'Aubervilliers (Ange Soleil afera, Aubervilliers-ko puskatzailea) eleberria, Christelle Lozère-k idatzia. Lozère da artearen historiako irakasle bakarra Antilletako... [+]
Endometriosiaren Nazioarteko Eguna izan zen, martxoak 14a. AINTZANE CUADRA MARIGORTAri (Amurrio, 1995) gaixotasun hori diagnostikatu zioten urtarrilean, lehen sintomak duela lau urte nabaritzen hasi zen arren. Gaitz horri ikusgarritasuna ematearen beharraz mintzatu da.
Duela aste batzuk, gurean egon ziren El Salvadorko eta Kanarietako emakumeen eskubideen aldeko hainbat aktibista. Sexu- eta ugalketa-eskubideez eta eskubide horiek urratzeak emakumeengan dituen ondorioez aritu gara; hala nola El Salvadorren berezko abortuak izanda homizidio... [+]
Zuberoako ohiturei buruzko bi liburu ditut gogoan. Batek XX. mendean aritu izan diren 180 dantzari eta soinulari aipatzen ditu. Haien artean, emakumezkorik ez da agertzen. Besteak, pastoralei egiten die errepasoa eta hor emakumeak aipatu aipatzen dira, baina omisio esanguratsuak... [+]
1984an ‘Bizitza Nola Badoan’ lehen poema liburua (Maiatz) argitaratu zuenetik hainbat poema-liburu, narrazio eta eleberri argitaratu ditu Itxaro Borda idazleak. 2024an argitaratu zuen azken lana, ‘Itzalen tektonika’ (SUSA), eta egunero zutabea idazten du... [+]
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
Antifaxismoari buruz idatzi nahiko nuke, hori baita aurten mugimendu feministaren gaia. Alabaina, eskratxea egin diote Martxoaren 8ko bezperan euskal kazetari antifaxista eta profeminista bati.
Gizonak bere lehenengo liburua aurkeztu du Madrilen bi kazetari ospetsuk... [+]
Pertsona lodiek lodiak izateagatik bizi izan duten eta bizi duten indarkeriaren inguruan teorizatzeko espazio bat sortzea du helburu ‘Nadie hablará de nosotras’ podcastak. Cristina de Tena (Madril, 1990) eta Lara Gil (Fuenlabrada, Espainia, 1988) aktibista... [+]