Gazteek soldataren ia erdia bideratzen dute etxebizitza ordaintzera, baina itxaropentsu agertu dira
Helburua eta nahia emantzipatzea da. Inkesta zabal batean parte hartu duten Hego Euskal Herriko gazteen %95ak emantzipaturik ikusten du bere burua bost urteko epean. Gaur egun emantzipatu diren gehienak Araban bizi dira; gutxiengoa Gipuzkoan.
18 urtetik 35 urte bitarteko Hego Euskal Herriko sei mila gaztek bete dute Gurea Geroa plataformaren inkesta, era birtualean, joan den udaberrian. Jasotako datuen arabera, %56a emantzipaturik bizi da eta gainontzeko %44a, aldiz, familiarekin. Emantzipatzeko batez besteko adina 25 urtekoa da –oro har emakumeak dira goiztiarrenak–; datu horrek ezbaian jarri du Eusko Jaurlaritzaren menpekoa den Gazteen Euskal Behatokiak emandako zifra, 29,7 urtekoa. Txostenaren egileen arabera, ezin izan dute identifikatu ezberdintasun horren jatorria.
Errepara diezaiogun emantzipaturik bizi direnen pertsonen profilari, zeina 18 eta 35 urte arteko lagina hartuta, aipatu bezala, erdia bizi den emantzipaturik: %40 pisukide batekin edo gehiagorekin bizi da, %35 bikotekidearekin eta %22 bakarrik. Gurasoen etxetik alde egin duten gazteen kasuan, nabaria da sortze-etxetik egungo etxera dagoen distantziaren afera. Laginaren hamarretik hiruk hogei minutura baino gutxiagora dute gurasoen etxea; adinari erreparatuta, urrunen bizi direnak 20 eta 25 urte artekoak dira.
Ez emantzipatzeko arrazoien artean, gaitasun ekonomiko eza da nagusia: emantzipatu ez diren gazteen %86k esan du hori –20 eta 25 urte bitartekoen artean, hamarretik bederatzik–. Iritzia eman duen bitik batek esan du bere egoera ekonomikoa “txarra” dela.
Emantzipatu bai, ahal bada etxea erosita
Inkesta bete duten gazteen artean, bost urteko epean ia-ia guztiek emantzipaturik ikusten dute euren burua. Areago joanda, alokairuaren aukera baztertu nahi dute hamarretik zortzik. Txostenean jaso dituzte hainbat gazteren hitzak, eta oro har salatzen dute bideraezina dela etxebizitza bat erostea, eta alokairura jota, unean ordaintzeko erosoagoa bada ere, gero eta erronka zailagoa bihurtzen ari dela.
Bitik batek dio bere egoera ekonomikoa "txarra" dela
Laguntzen aurrean, ezezagutza
Inkesta bete duten hamarretik zazpik ez dute ideiarik ere zer den Eusko Jaurlaritzaren Gaztelagun programa, eta erakunde beraren beste laguntza eredu bat, etxebizitza librea erabileran ematen dituena, soilik %7k ezagutzen du.
Zubi lana Eusko Legebiltzarrarekin
Gurea Geroa programako kideek aipaturiko emaitzak eta gehiago azaldu dizkiete Eusko Legebiltzarreko alderdi politikoei astearte eguerdian eginiko agerraldian. Emantzipazio nahia “hain agerikoa” delakoan, plataformak uste du abian jarri behar direla politika zuzenak.
Etxebizitzaren eta emantzipazioaren auziari aurre egiteko, horregatik, 100 proposamen jaso ditu txostenak. Besteak beste, honako eskaera hauek egin dituzte: alokairuen prezioa eremuka arautzea, pisu turistikoak neguan gazteei alokatzea, prezioak gelaka antolatzea eta etxebizitzen tasa jaistea.
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Iaz egin nuen topo lehen aldiz Ander Zangiturekin, Azpeitiko Dinamoa sormen gunean antolatzen duten Hitzaren Eskolan. Isiltasunaren inguruan aritu ginen, batez ere, hausnarrean. Harrezkeroztik tentu handiagoz erreparatu die haren formei bere ogibidearen mundutik, arkitekturatik... [+]
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]
Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Abenduaren 14an etxebizitzaren negozioaren aurkako manifestazioa egingo dute Bilbon, etxebizitza sindikatu nagusiek deituta. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzera dei egin dute. Ane Salvador... [+]
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]