Tafalla eta inguruetan ibaiak gainezka egin ostean hildako gaztea atarrabiarra da
Igande eta asteleheneko euriteak direla eta, Zidakos eta Sansoain ibaiek gainezka egin dute, eta kalte material eta humano larriak eragin dituzte Tafalla eta inguruko herrietan. Berriak jakinarazi duenez, Ezporogi inguruan aurkitu den gorpua 25 urteko atarrabiatar batena da.
Euri-jasa itzela izan da igande eta astelehenean Nafarroan, baina astelehen arratsaldean ordu gutxian metro koadroko 100 litro bota ditu. Zidakos eta Sansoain emari gutxiko ibaiak dira, baina euria gogotik bota ostean gainezka egin dute. Tafalla eta inguruko herrietako kaleak berehala bete ziren urez, eta autoak arrastaka ikus zitezkeen.
Ibaiak beren emari naturalera bueltatu dira, eta orain kalteak neurtzeko ordua da. Larriena, noski, Atarrabiako gaztearen heriotza. Gaztea autoan harrapatuta geratu zen. Larrialdietara deitu zuen, baina laguntza iristerako hilik zen.
Bestalde, ura kaleetatik joan ostean, eraikinetan eragin handia izan duela nabari da. Besteak beste, Tafallan Martin Espronceda kaleko eraikin bat hustutzeko agindua eman du udaletxeko arkitektoak, erortzeko arriskua dela eta. Oraindik iraulitako autoak daude kaleetan, eta urak eramandako etxeetako hainbat gauza ikus daitezke, etxetresnak batez ere.
Ibaiaren emari handia dela eta, Puiuko errepideko zubi bat suntsitu da. Mañoko errepidea ere guztiz hartu zuen urak.
Puiuko errepidea 😱😱 #Nafarroa #Tafalla (@AritzIntxusta bidez) @AhotsaInfo pic.twitter.com/UgMWma8MuT
— Mikel Arreseigor (@MikelArreseigor) 2019(e)ko uztailaren 8(a)
#Tafalla La carretera del maño.. Imagenes aterradoras 😭😭 Todo mi apoyo a Tafalla!! pic.twitter.com/LYKSe6B9Ua
— ❤ łαdy kiłłєr ❤ (@izaslarubia) 2019(e)ko uztailaren 8(a)
Tafallako udalaren mezua
Tafallako udalak prentsa ohar baten bidez adierazi duenez, astearteko 07:30etan koordinazio bilera bat egin dute hiritar-babeserako erakunde ezberdinen artean. Udalak Tafalla herri solidarioa dela azpimarratu du, eta arazoak auzolanez konpontzen saiatuko direla esan. Halaber, kaltetuak hartatzeko Udaletxeko bulego nagusia irekita egongo da egun osoan zehar, eta haur eskola itxita egongo da. Uholdeak eragindako kalteen munta kontuan hartuta, inguruak "hondamendi eremu" izendatzea ere eskatu du Udalak.
Tafallako Udaletxean izan da Uxue Barkos Nafarroako jarduneko presidentea ere, kaltetutako udalerrietako alkateekin. Jakitera eman duenez, Nafarroako Gobernuak diru laguntzak lortzeko tramiteekin laguntza eskainiko die kalteak jasan dituzten udalerriei.
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urnietako eta Hernaniko alkateek eta Ereñotzuko ordezkariak Gipuzkoako Foru Aldundiarekin bilera bat egiteko eskatu dute. Bestalde, Bera, Lesaka eta Arano ere hondamendi eremu izendatzeko eskaria onartuko du asteazkenean Nafarroako Gobernuak.
Eurite handien ondorioz Pakistango 110 udalerri urak hartu ditu, eta lehen ministro Shehbaz Sharif-ek ohartarazi duenez, herrialdeko biztanleen %15ak pairatu ditu uholdeen kalteak: 33 milioi pertsonak.
Departamentua alerta laranjan jarri du Pirinio Atlantikoetako prefeturak euriagatik uholdeak sor daitezkeelako. Alerta gutxienez gaueko 21:00ak arte dago ezarria.
Uretako babes indibidual eta kolektiborako material “egokia” eskatu dute, bestela gaueko esku-hartzeetan segurtasuna “arriskuan” baitago. ELA sindikatuak ohartarazi du 2017an ere zuzendaritzan salatu zutela egoera bera, baina ez dela irtenbiderik eman.
Eurite iraunkorrengatik alerta laranjan daude Gipuzkoa, Bizkaia eta Araban, baita Nafarroa iparraldean ere. Hainbat tokitan ibaiek gainezka egin dute Euskal Herri osoan eta luiziek trabak eragin dituzte garraiobideetan.
Bi herritar hil dira azken egunotako euriteek eragin uholdeen ondorioz. Bata Sunbillako emakume bat luizi batek harrapatuta, eta bestea, Elizondokoa, Lesakara bidean zela desagertu eta Bidasoa ibaian aurkitu zuten hilotz. Kalte materialak leku ugaritan eragin ditu, izan Lapurdin... [+]