Gazte Asteburua antolatu dute Uliako parkean, “beste Donostia bat eraikitzeko”
Hiriko gazteen arazoak landuko dituzte, Euskal Herrian “Eraikuntza lanetan ari gara” ekimenak egindako bideari jarraipena emanda.
“Turismoa eta espekulazioaren neurrira moldatutako hirian” gazteek lekurik ez dutela iritzita, hiria eurena ere badela aldarrikatu nahi dute Uliako Parkeko Gazteek eta “Eraikuntza lanetan ari gara” ekimenekoek. Horretarako, Gazte Asteburua antolatu dute irailaren 23 eta 24rako. Bakoitzaren kezkak plazaratuko dituzte Ulian, horiei erantzunez martxan jar ditzaketen proiektuez hitz egiteko.
Donostiako hiritarrei eragiten dieten sei gai jorratuko dituzte: feminismoa, euskara, enplegua, turismoa, elikadura burujabetza eta etxebizita. Donostiako auzo, herri mugimendu eta hiritarren borondatezko lana oinarri hartuta euren kabuz antolatzeko beharra azpimarratu dute, “gune autogestionatuak desalojatzen, obra faraonikoak eta multinazionalen eraikinak egiten eta etxegabetzeak baimentzen dituen hiri ereduaren aurrean”.
Jai giroko aldarrikapena
“Giro onean, ongi pasatzeko tarteekin” igaroko dute asteburua, eta horretarako, egitarau zabala iragarri dute: baratzegintza tailerrak, dokumentalen emanaldiak, otorduak eta kontzertuak antolatuko dituzte. Ekitaldien artean, aurrez aipatutako gaien inguruko mahai inguruak egingo dituzte.
Antolatzaileek “Uliako Mintegien toki eder eta sinbolikora” kanping dendak eramateko deia egin dute, udalak bertan etxebizitzak eraikitzeko asmoa duela salatzeko: “Donostiako Udalak eremua suntsitu nahi du, 70 etxebizitza eraikitzeko. Etxebizitza gehiago nahi ez ditugula aldarrikatuko dugu, milatik gora etxe huts baitaude hirian”.
.jpg)
.jpg)
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
Ekimenak bakea eta justizia soziala sustatzeko proiektuak finantzatzea du helburu. Sustatzaile diren gizarte mugimenduek mezu argi bat bidali diete gobernuei eta armagintza industriari: "Ez dugu gerraren konplize izan nahi".
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Indartsua, irribarretsua eta oso langilea. Helburu pila bat ditu esku artean, eta ideia bat okurritzen zaionean buru-belarri aritzen da horretan. Horiek dira Ainhoa Jungitu (Urduña, Bizkaia, 1998) deskribatzen duten zenbait ezaugarri. 2023an esklerosi anizkoitza... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
“Ba al zenekiten testuliburu gehienetan ia ez dela aipatzen armen industriak egungo gatazketan duen rola? Edo oso gutxitan jartzen dela zalantzan gerra ezinbestean gertatu behar dela esaten duen narratiba?”, dio Gerrarik Ez Araba elkarteak. Bestelako narratibak,... [+]
Apirilaren 4an, ostiralarekin, Ipar Euskal Herriak Lurralde Kolektibitate baterantz bilakaera instituzional bat behar duela egiaztatuz, Batera plataformak herritarren mobilizazio dinamika baten abiatzea aurkeztu du. Hitzordua emana da maiatzaren 10ean, larunbatez, Ezpeletan,... [+]
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".