Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle mugimenduak mundu mailako altxamendura deitu ditu hezkuntza komunitate guztiak.
Ikasle Abertzaleak antolakundeak jakinarazi du unibertsitateko ikasleek maiatzaren 6an abiatu dituztela kanpaldiak Hego Euskal Herriko hiriburuetako campusetan. Beste antolakunde batzuek bat egin dute kanpaldiekin, hala nola Ernaik edo Astinduk. Beraz, mundu mailako unibertsitateetako mobilizazioetara batuko da Euskal Herria ere, Israel Gazan egiten ari den genozidioa salatzeko eta Palestinako herriarekin elkartasunez. Astelehen arratsaldean hasi dituzte kanpaldiak Ibaetan Donostian, Gasteizen, Leioan eta Nafarroako Unibertsitate Publikoko campusean. Bi eguneko egitaraua egin dute publiko oraingoz. Palestinako hezkuntza komunitateak publikoki eskertu du mundu mailan ikasle mugimenduek Gazari erakutsitako babesa, eta presio neurriekin bat egitera deitu du.
Hezkuntza komunitateak Palestinako haur eta nerabeen alde ere deitu du protesta. Dozenaka ikastetxeetako ordezkariek, ELA, LAB eta Steilas sindikatuen babesarekin, maiatzaren 10ean Gasteizen egingo duten manifestaziora batzeko deia egin dute.
"Palestinako hezkuntza komunitateak publikoki eskertu du mundu mailan ikasle mugimenduek Gazari erakutsitako babesa, eta presio neurriekin bat egitera deitu du"
AEBak abiapuntu
New Yorken izan du abiapuntua bost kontinenteetara zabaldu den ikasleen protesta olatuak. Columbia unibertsitateko campusean, Gazako genozidioaren aurkako kanpaldia hasi zuten ehun ikasle inguruk apirilaren 18an, unibertsitateari eskatzeko harreman oro hautsi zezala Israelgo estatu sionistarekin. Hurrengo egunetan AEBetako 60 campus baino gehiagotan abiatu zituzten antzeko kanpaldiak, eta indar izugarria hartu dute protestek. Askotariko aldarriak ikusi badira ere, gehien zabaldu direnak izan dira Gazan su etena lortzea eta unibertsitateek Israelekin dituzten loturak haustea. Palestinarekiko Erantzukizuna taldeak ohar batean txalotu du ikasleen ekimena, "giza eskubideak nola defendatu behar diren erakusten ari dira", eta Euskal Herrian ere kanpaldiak egitea babestu du.
AEBetako agintarien erantzuna bortitza izan da. Bi aste eta erdian 2.300 pertsonatik gora atxilotu ditu Poliziak kanpaldiekin lotuta, gutxienez 43 unibertsitatetan oldartu da Palestinaren aldeko manifestarien aurka. Kazetariei campusetik irteteko agindu diete unibertsitate askotan eta zauritu ugari utzi dituzte Poliziaren erasoek, ikasle zein irakasleen artean. Gose grebak ere abiatu dituzte kanpaldietan, Princeton unibertsitatean, esaterako. Lorpen txikiren bat ere ezagutu da egunotan. Brown unibertsitate entzutetsua akordio batera heldu zen ikasleekin, Israelekin dituen loturak etetea “eztabaidatuko zutela” adostuta.
Biden eta Israel
Joe Biden AEBetako presidenteak kanpaldietan ikasleek erabilitako “indarkeria” salatu eta protesta “baketsuen” zilegitasuna defendatu du, nahiz eta protesta baketsu ugarik ere Poliziaren oldarraldi bortitzak jasan dituzten. Jarrera antisemiten mantra atera zuen Bidenek prentsaurrekoan, eta campusetan ikasle juduek ustez duten segurtasun eza salatu zuen. Adierazi zuen ikasleen mobilizazioek ez dituztela bere politikak baldintzatuko.
Israelek Nazio Batuen Erakundean duen enbaxadoreak Hamasekin lotu zituen unibertsitateetako protestak, eta Israelen suntsipena bilatzen dutela salatu zuen. “Bagenekien Hamas eskoletan ezkutatzen zela, orain konturatzen gara ez dela soilik Gazako eskoletan gertatzen. Baita Harvarden, Columbian eta eliteko unibertsitateetan ere”. Sionistek gogor jo dute Palestinaren alde mobilizatutako ikasleen aurka. Minnesotan, Californian, Illinoisen eta beste hainbat estatutako unibertsitateetan istiluak eragin dituzte Israelen aldeko manifestariek, kanpaldien aurka oldartuta. Askotan, poliziaren babesarekin.
Israelgo enbaxadorea NBEn: "“Bagenekien Hamas eskoletan ezkutatzen zela, orain konturatzen gara ez dela soilik Gazako eskoletan gertatzen. Baita Harvarden, Columbian eta eliteko unibertsitateetan ere”
Mundu mailako oihartzuna
Apirilaren 18an Columbiako campuseko kanpaldia abiatu zenetik, AEBetatik kanpo ere zabaldu dira protestak eta mundu mailako mugimendu bilakatu da denbora gutxian. Indian, Libanon, Australian, Venezuelan, Japonian, Mexikon, Iraken, Kanadan, Kuban, Turkian, Txilen eta beste hainbat herrialdetan altxa dira ikasleak Gazako sarraskiaren aurka.
Europan ere izan du oihartzuna mugimenduak. Kanpaldi eta protesta ugari egin dira herrialde askotan, baita errepresio gogorra jasan ere. Alemanian, Berlingo Humboldt unibertsitatean, esaterako, Poliziak ikasle ugari kolpatu eta atxilotu ditu. Frantziako Estatuan ere unibertsitate askotan hasi dira kanpaldiak, eta haien kontrako jarrera erakutsi du gobernuak. Parisko eskualdeko agintari Valérie Pécressek, adibidez, finantzazioa eten dio Sciences Po unibertsitate ospetsuari, bertan mobilizazioak abiatzean. Aurore Bergék, Frantziako Genero Berdintasun eta Diskriminazioaren Aurkako Borrokaren ministroak, esan du Gazaren aldeko manifestariak “ezjakinak edo antisemitak” direla. Espainiako Estatuan ere kanpaldiak abiatu dituzte ikasleek, Valentzian eta Madrilen, adibidez.
Gazteen presioa Alderdi Demokratari
Unibertstitateetako protestak munduan zehar hedatu badira ere, garrantzi berezia dute AEBetan izandakoek, Israelentzako ezinbestekoa baita Bidenen babesa genozidioarekin aurrera egiteko. Nir Barkat Israelgo Ekonomia eta Industria ministroak ohartarazi du ikasle estatubatuarren mobilizazioak “mehatxu existentziala” direla estatu sionistarentzat, eta AEBetako iritzi publikoak haien biziraupenean duen garrantzia nabarmendu zuen.
Unibertsitateetako altxamenduak gora behera, AEBetako Gobernuak Israel sutsuki babesten jarraitu du azken asteetan ere. Babes militar eta politikoaz gain, Nazioarteko Zigor Auzitegiari (NAZ) presio egiten aritu da, ez dezan Netanyahu eta bere gobernuko kideak atxilotzeko agindurik eman. Karim Khan NZAko fiskalak berak salatu ditu auzitegiko langileek jasandako mehatxuak.
Baina, hedabide ugariren arabera, ez zaio dohainik ateratzen ari Joe Bideni Gazako sarraskian hartutako jarrera. Askok aipatu dute hautesle demokraten zati esanguratsu batek ez dituela begi onez ikusten Bidenen politikak, hautesle gazteenek batez ere. Harvard unibertsitateko inkesta baten arabera, soilik gazte demokraten %18 dago ados demokraten Israelekiko politikekin, eta CNN kateak ere antzeko datuak eman ditu. Alderdi Demokratako ahots ezberdinek kezka agertu dute 2024ko hauteskunde presidentzialetan gazteen bozka asko galdu ditzakelako alderdiak, sionistei emandako babesaren ondorioz.
Gutxienez 23 palestinar hil dituzte Nuseirat errefuxiatu kanpalekuko eskola batean. Genozidioa hasi zenetik “aste odoltsuenetakoa” izan da azken hau, UNRWAren arabera.
Bonbardaketarik tragikoena larunbatean burutu zuen Israelgo Armadak, desplazatuen ehunka dendaren aurka, Al Mawasin, Gazako hegoaldean. Israelgo Armadak "eremu humanitario seguru" izendatu zuen eremu hori. Gutxienez 90 pertsona hil eta 300 zauritu zituen bost misil eta... [+]
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.