Gazako sarraskia salatu du BDZ taldeak Gasteizen
Gasteizko BDZ taldeak deituta, elkarretaratzea egin dute Gasteizen, Palestinako herriari elkartasuna adierazteko, Israelen jarrera suntsitzailea salatzeko eta boikoterako deia egiteko.
Iragan martxoaren 30ean; Palestinako Lurraren Egunarekin batera; palestinarrek “Itzulerako Martxa Erraldoia” izeneko kanpainia jarri zuten abian. Protesta ibilaldi hori ekimen herrikoi asanbleario batek bultzatu zuen eta helburua jaioterrira bueltatzeko eskubidea aldarrikatzea zen, halaxe onartzen baitie NBEaren 194. ebazpenak. Gazan hamarnaka mila lagunek egin zuten bat protestaldiekin, eta lurralde okupatuekiko mugako marra berdera iritsitakoan, armada okupatzailearen frakotiratzaileen eraso indiskriminatua pairatu zuten.
Palestinarrei elkartasuna adierazteko, elkarretaratzea egin dute Gasteizen, BDZ taldeak deituta. Gainera, erasotzaileek ordura arte erabili gabeko munizio mota suntsitzaile berria baliatu izana salatu dute. Izan ere, emaitza zeharo lazgarria da: 20 hildako inguru eta 1000 zauritutik gora.
Handik astebetera, armada sionistak beste triskantza bat burutu zuen armarik gabeko manifestarien kontra, eta 32ra iritsi zen hildakoen kopurua eta 2.500ra zaurituena. Okupazio ejerzitoa, inpunitate osoz jokatzen duela dakienez, kazetarien aurka ere oldartu zen. Tiroketan Yaser Murtaja kazetari gazatarra erail zuten, prentsako identifikazioa agerian eraman arren. “Itzulerako Martxa Erraldoiaren” bultzatzaileek maiatzaren 15 arte luzatuko dituzte protestaldiak, orduan oroitzen baitute palestinarrek Al Nakba eguna, mugimendu sionistak Palestinako lurretan Israelgo estatua alde bakarrez aldarrikatu zueneko 70. urteurrena.
Zentzu honetan, konpromisoen beharra azpimarratu dute: “Historiak erakutsi digu, Hego Afrikako apartheid erregimenaren aurkako kanpainian bezala, boikot ekimen global batek bere xedea lortuko badu, eragile guztien konpromezua behar duela, nazioarteko erakundeena eta azken udalarena, baina baita gizarte zibil solidarioarena ere”.
“Israel eta haren ordezkarien aurkako boikota, beraz, ez da soilik legala eta zilegia; beharrezkoa ere bada; egunen batean armarik gabeko manifestariak eta kazetariak inongo kupidarik gabe tirokatu eta erailtzen dituen apartheid erregimen ankerra bertan behera erortzen ikus dezagun”, amaitu dute.
Albiste hau Hala Bedik argitaratu du eta CC-by-sa lizentziari esker ekarri dugu ARGIAra.
Gutxienez 23 palestinar hil dituzte Nuseirat errefuxiatu kanpalekuko eskola batean. Genozidioa hasi zenetik “aste odoltsuenetakoa” izan da azken hau, UNRWAren arabera.
Bonbardaketarik tragikoena larunbatean burutu zuen Israelgo Armadak, desplazatuen ehunka dendaren aurka, Al Mawasin, Gazako hegoaldean. Israelgo Armadak "eremu humanitario seguru" izendatu zuen eremu hori. Gutxienez 90 pertsona hil eta 300 zauritu zituen bost misil eta... [+]
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.