Palestinar herriaren egoera oso larria da arrazoi askorengatik, akaso britainiarrek 1917an Balfourreko Deklarazioa ezagutzera eman ondoren bizi duen konplexuena. Arrazoi askorengatik da hala. Bazen oso larria 2023ko urriaren 7aren aurretik, eta ondorengo Israelen eraso basatiak are gehiago okertu du, bereziki Gazan, baina baita Zisjordanian ere. Hil ala bizikoa lehen, hil ala bizikoa orain ere. Batetik, Balfourreko garai hartatik eta 1948an Israelgo Estatua sortu arte Erresuma Batuko, bereziki, eta Frantziaren sostengua izan zuen. Israel jaio zen Sobietar Batasunaren eta AEBen laguntzarekin, eta azken 75 urteotan azken horren itzalean bilakatu da erraldoi.
Honakoa da Balfourreko adierazpena, Wikipediaren itzulpenean: “Bere Maiestatearen Gobernuak ontzat ematen du Palestinan herri juduarentzako jaioterri nazional bat ezartzea, eta ahaleginik onenak egingo ditu helburu hori betetzen laguntzeko, argi eta garbi adieraziz ez dela Palestinan dauden komunitate ez-juduen eskubide zibil eta erlijiosoei edo beste edozein herrialdetako juduen eskubideei eta estatus politikoari kalte egingo liekeen ezer egingo”.
Sinesgaitza da irudikatzea nola sei lerroko adierazpen batek eragin dezakeen halako txikizioa. Lerro horietan bi klabe giltzarri zegoen: batetik, juduei –“herri judu” izendatzen ditu– Palestinan “jaioterri nazional bat” izateko eskubidea aitortzen die. Eta, bestetik, zehazten du horrek ezin ditzakeela kaltetu lurralde horretan bizi diren komunitate ez juduak. Hala esanda, badirudi gehiengo handia judua zela Palestinan, eta palestinarrak komunitate txiki batzuk besterik ez zirela, baina justu alderantziz zen: palestinarrak %94 ziren eta juduak komunitate txiki horiek. Eta larriena da deklarazioak palestinarrak ez zituela izendatu ere egiten.
Balfourrek estatua sortzea ahalbidetu zion sionismoari, eta Israelek lehen existitzen ez zen herri bat eraiki zuen Palestinan, “juduen herria”, 2018ko Israelgo Konstituzioak onartzen duen herri bakarra, ez baitie eskubide nazionalik onartzen palestinarrei. 2012an NBEk Palestinako Estatua onartu zuen, baina Israelek ez, beraz ez dago estatu palestinarrik. Horra Israelen indarraren neurria. Baina nola egiten da estatu bat lurrik gabe? Hori da oraindik orain bolo-bolo dabilen bi estatuen teoriak gauzatu beharko duen miraria.
Mende bat geroago palestinarrek ez dute lortu Balfourreko Deklarazioari buelta ematea, baina larritasun horren baitan bada oraindik esperantzarako izpirik: mende bateko kolonizazio eta zapalkuntzaren ondoren, palestinarren erresistentziarako gaitasuna bizirik dago. Eta bada garaia idazteko Balfourrekoaren guztiz alderantzizko deklarazioa, esaterako Gazako Deklarazioa: "Erresistentziarako eta beren burua defendatzeko eskubideez gain, palestinarrek eta Israelgo juduek badute elkarrekin eta bakean bizitzeko eskubiderik". Orain ez da posible, baina orain hasita akaso hiru hamarkada barru bai; Israelgo Estatua ere Balfourretik hiru hamarkadara sortu zen.
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.