Gaza helburu duen Askatasunaren Ontzidiaren irteera berriz ere atzeratu da
Astelehen gauean iragarri zuen antolakuntzak ontzidia apirilaren 24an, asteazkenez, itsasoratuko zela, baina gutxienez ostiralera arte atzeratu dute irteera.
Antolakuntzaren asteleheneko oharrean salatu zuten "hainbat herrialde" –Alemania, Erresuma Batua, AEB eta Israel aipatu dituzte beste bide batzuetatik– "presio" egiten ari zirela Turkiak ez dezan baimendu ontzidiaren irteera. Horrez gain, Pablo Elorduy kazetariak El Salto-n "portu-izapideak" ere aipatu ditu atzerapenaren balizko kausa gisa. Ibai Azparrenek Naiz-en jaso du astearte gauean antolakuntzak salatu duela portuko zuzendaritza "traba administratiboak" jartzen ari dela, eta beste portu batetik irteteko aukera mahai gainean dagoela, gehituz hala ere, "positiboki" baloraturiko aurrera pausu batzuk ere eman direla.
Momentuz, Istanbuleko portutik irteteko ideiak jarraitzen du aurrera. Elorduyk azaldu du laguntza humanitarioko 5.500 tona materialak garraituko dituen Anadolu merkataritza-ontzia Iskenduru portuan dagoela, Turkia Hegoaldean, baina asteazkenerako dutela aurreikusita Istanbulera heltzea. Askatasunaren Ontzidiko beste bi itsasontziak, Akdeniz eta Conscience –aktibistak, politikariak, edo kazetariak eramango dituztenak– Istanbuleko portuan daude.
Frustrazio arriskua
"Denak gaude frustratuta, prest gaude, baina badakigu gobernuei desafioa egiten ari garela", jaso ditu antolakuntzako ordezkari baten astearteko adierazpenak Elorduyk. "Guk ahalik eta lasterren itsasoratu nahi dugu. Aste honetan irtetea zen asmoa, baina gehiago atzeratzeko aukera ere badago, eta horrek arriskuan jarri dezake taldea bera. Adore kolektiboa kaltetu dezake, irteera galarazteraino", adierazi dute Istanbuletik ARGIAra bidali duten azken kronikan ontzidiko euskal aktibistek. Asteazkenean bertan bilera gehiago izaten ari dira, eta horietan irteerari buruzko informazio zehatzagoa jasotzeko esperantza dutela adierazi dute.
Hiru militante euskaldun ari dira parte hartzen Askatasunaren Ontzidian, Turkiatik Gazara laguntza humanitarioko 5.500 tona material eraman nahi dituen nazioarteko ekimena: Pili Revilla, Agus Gorbea eta Mikel Zuloaga ‘Mikelon’. Apirilaren 18an hartu dute Bilbotik... [+]
Gazara doan Adkeniz itsasontziaren irteera eragozteko Israelen ahaleginek beste traba bat jarri dute. Gazako itsas-blokeoa hautsi nahi duen misioaren paturako behin betikoa izan liteke.
Istanbul. Apirilak 25, osteguna.
Zazpigarren eguna Istanbulen. Arazoak bata bestearen atzetik jaso ditugu egun hauetan, eta esan behar dugu ostiralean ezingo dela abiatu Askatasunaren Ontzidia. Irtengo gara, baina ez orain. Presio izugarriak jasaten ari gara. AEBetatik,... [+]
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
