Abuztuaren 21ean israeldar droneek Gaza bonbardatu zuten, palestinarrek kohete bat bota ziela aitzakia hartuta. Duela bi urteko erasoetako babesleku berean igaro zuten gaua askok.
Avigdor Lieberman jo dute bonbardaketa masiboaren erantzule, Israelgo Defentsa ministroa martxotik, Israeli “deleial” direnei burua aizkoraz moztu behar zaiela esan zuen bera. Hamasi abisua emateko omen bonbardaketen gogortze hau; lehen aldiz duela bi urtetik egun argiz ere aritu dira hegazkinak palestinarren buru gainean.
2016ko abuztuaren 26an bi urte beteko dira Israelek Gaza etengabe bonbardatu zuenetik, Zerrenda erabat txikitu eta 2.219 palestinar hilez. Sarraski hura gogor kritikatu zuten nazioarteko elkarteek eta salatu zuten Mendebaldeko potentzien epelkeria, “gerra krimena” kontsidera litekeenaren aurrean.
Abuztuaren 21eko gauean, Gazako biztanle askok beldur bera sentitu zuten Israel haien kontra bonbak jaurtitzen hasi zenean. La Marea agerkarian gau horrek utzitakoaren kronika idatzi du Isabel Pérezek: “Beroa, kea eta sulfatoa. Israelgo azken operazio militarraren oroitzapenak berriz ere larruazalera”.
Benetako bonbardaketa gaueko 10:30etan hasi zen, haur eta helduak oraindik kalean zirela: “Entzun genuenean –dio Khaled herritarrak– nire emaztearen familiaren etxera joan ginen. 2014ko gerrako 50 egunak igaro genituen toki bera”. Hori baino lehen ordea, droneek hainbat azpiegitura suntsitu zituzten egun argiz, tartean ur-biltegi bat.
Israel eta Hamas elkarri keinuka
Hamasek koheteak Israelgo aldera ez botatzeko konpromisoa hartu zuen duela bi urte eta Israelek aitzakia gisa hartzen du hori, bere lurraldera iristen den proiektil bakoitzaren aurrean palestinarrak zigortzen segitzeko. Azkeneko erasoa ordea oso gogorra izan da; Liebermanek Hamasi bidalitako abisua dirudi, lurrazpiko tunelak egiten segi ez dezan, La Mareako kazetariaren ustez.
Pérezek dioenez, Gazan askok uste du Abu Ali Mustafaren brigadetako miliziek bota zutela kohetea Isralego aldera, Palestinako Askatasunerako Fronte Popularreko indar armatua litzatekeena –hain justu Fronte Popularreko preso bat gose greban jarri da Israelek ez duelako aske utzi hala zegokionean–.
“Zuen presoak tratatuko ditugu gureak tratatzen dituzuen moduan”, aldarrikatu zuen al-Qassam brigada armatuetako kide batek bonbardaketak gertatzen ari zirenean. Diotenez, 2014ko gatazkan harrapatutako lau soldadu dituzte gatibu. Egoerak ez du itxura onik beraz.
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.
NJAk dio Israelek Palestinako lurralde okupatuetan duen presentzia “lurrak anexionatzea” dela, eta “ahalik eta azkarren” amaitu behar dela. Erabakia ez da loteslea.
Hodeidahko portuan gutxienez sei pertsona hil dituzte sionistek larunbatean. Ostiralean, Huthiek Tel Avivi eraso egitea lortu zuten lehen aldiz.