“Eguneroko gauzak kantatu nahi ditut, modu gordinean”
"Bizitzari ez diot eskatzen askoz gehiago", halaxe agurtu zuen Onintza Enbeitak Elizondo, Bertsolari Txapelketa Nagusiko lehen finalerdian eskainitakoa gutxi bailitzan. Saioaren biharamunean jarri dugu zita bertsolariarekin.
Nola bizi izan zenuen Elizondoko saioa? Publikoarekin zer nolako harremana izan duzu?
Kanturako sekulako plaza zegoen, publikoa gurekin zegoen, nabari zen hasierako agurren aurretik eta saioan zehar ikusi zen gutxirekin erraz pizteko modukoa zegoela. Plaza ederra zegoen, beraz, Elizondon.
Hortik aurrerakoak norbere sentsaioak dira eta parean tokatu ez izanaren sentsazioa dut.
Pertsona aski publikoa zara, horrek zer eragin du?
Batzuetan deserosoa da jendeak nire berri izatea. Esaterako, jartzen badidate gai bat politikari buruzkoa jendea barrez lehertzen da, edo nire bizitzan defenditu dudan zerbaiten kontra kantatzea egokitu zaidanetan publikoari grazia egiten dio, gai serioa bada ere. Tarteka nire alde baliatu dezaket hori, beste batzuetan kantukideak atera dezakeen gaia da eta beste batzuetan oztopo ere egin izan dit.
Hala ere, oro har, jendeak maitasuna eta esker ona transmititu izan dizkit eta hori oso ederra da.
Geroz eta barneratuagoa dugu gorputzetik ere kantatzen dela. Zu oholtzan malgu ikusten zaitugu, ez zara batere zurruna eta, gainera, gorputzari loturiko gaiak landu dituzu bai lehen fasean, bai lehen finalerdian. Zer da bilatzen duzuna?
Batzuetan ezer ez. Hori da nik egiten dakidana, besterik gabe. Bizitzan gauza asko gertatu zaizkit dudan gorputza izateagatik eta horri ezin diot eta ez diot ihes egin nahi. Asko baldintzatu nau, gorputz batekin agertzen gara plazara eta bizipen horiek nire parte dira.
Funtsean, esango nuke, eguneroko gauzak kontatzen ditudala modu gordinean. Ez naiz metafora artean askorik ibiltzen, zuzenagoa naizelakoan nago eta horrela kantatu nahi dut. Gorputza hor jarri eta errealitate horretatik kantatzea da egin nahi dudana, jakinik, niretik kantatzea ez dela nire bizitzaz kantzatzea.
Esango nuke, nire asmoa dela publikoarekin konektatzea eta denon bizitzetan dauden errealitateak plazara ekartzea, zeren, agian zu umetan ez zeunden lodi, baina, denok ezagutu dugu eskolako bulling-a edo denok dugu inguruan sexu arrazoiengatik harremana utzi duenik.
Hasierako agurrean kantatu zenuen: "begi kliska batean/ ia semifinala/ uste dut azkarregi/ iritsi zaidala". Ze unetan harrapatu zaitu txapelketak?
Despistatuta harrapatu nau. Bi saioak 15 eguneko epean izan ditut, finalerdiei begira jartzeko asti handirik ez dut izan. Hala ere, horrek abantailak ere baditu eta ez dut uste nire puntuazioan eraginik izan duenik.
Nire bizitzaren zentroa beste nonbait dago eta txapelketa iritsi den zerbait besterik ez da.
Ze ahozapore utzi dizu BTN-k biharamunean?
Ahozapore ona eta Elizondon kantatu izanaren poza uzten dizkit. Era berean, distira faltaren pena daramat. Biharamunean, berriz, tenple onarekin nago, lasai geratu naiz.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]