Gaurtik aurrera, argia.eus
ARGIAren webguneak helbide berria du urriaren 15etik aurrera. Argia.com-etik Argia.eus izatera pasa gara, euskararentzat eta euskal kulturarentzat sortutako domeinua gure eginez.
Domeinu propioa eduki ahal izatea urteetako aldarrikapena izan da Interneten gure hizkuntzak eta kulturak ikusgarritasun handiagoa izan dezan lan egiten dugunon artean. Horregatik, poz handiz ematen ari gara albiste hau.
Beste hizkuntza gutxitu batzuen esperientziari begiratuta, .eus domeinuak aukera berriak zabaltzen dizkigula argi daukagu.
Katalunian, berbarako, ikusi da domeinu propioaren pean esponentzialki hazi dela katalanezko jarduna sarean. Eta hemen euskararekin ere antzekoa gertatzea nahi genuke: izan dadila .eus domeinua Interneten euskarazko edukiak ugaritzeko akuilu.
Egokitzapen fasean gaude eta beraz posible da egunotan gure artxiboko eduki batzuetara sartzeko zailtasunen bat izatea. Ahalik eta azkarren konponduko ditugu.
Espainiako Liburutegi Nazionala eta Euskariana Euskadiko Liburutegi Digitala elkarlanean aritu dira, bigarren urtez jarraian, .eus domeinuko eduki multzo handi baten bilketan. 13.000 domeinutan, orrialde sorta handiak biltegiratu dituzte, informazioko 15 terabyte guztira. Baina... [+]
Puntueus domeinuak hamarkada bete du apirilaren 15ean, eta EITBren Bilboko egoitzan ospatu du Puntueus fundazioak. Gaur arte lortutakoa goraipatu dute, eta 2024 urterako kanpaina berria iragarri.
PuntuEus-ek duela hamar urte abiatu zuen ibilbidea, 92 domeinurekin. 13.000 baino gehiago ditu gaur egun, euskal kultura interneten sendotzen jarraitzeko asmoz.
Puntueus Fundazioak eta Guebs enpresak garatu dute Ni.eus euskarazko e-mail zerbitzua.
Maiatzaren 17an ospatuko den Informazio Gizartearen Nazioarteko Egunaren harira Euskarazko Interneten Eguna antolatu dute PuntuEUS Fundazioak eta Kulturaz Kultur Kooperatibak. Sarean euskararen erabilpena sustatzea izango du helburu.
2014an sareratu ziren eta martxan dauden 783 domeinu berrietatik 4. postuan dago. Argia.eus 12. da “konfiantza-fluxu” onena duten webguneen artean.
Korrikaren 19. edizioak irauten duen bitartean “.eus” domeinuak merkeago eskuratu ahalko dira.
Josu Waliño PuntuEus Fundazioaren zuzendariak ARGIAri egindako adierazpenetan esan du 2.000 ‘.eus’ domeinutara iristear daudela. 700 erakunde eta norbanakok jarri dute ‘.eus’ abizena 24 ordutan.
Abian da “.eus” domeinua. Larunbatean PuntuEus Fundazioak Bilboko Kafe Antzokian egindako agerraldiarekin batera aktibatu dira lehen webgunetako domeinuak. Falta direnak datozen egunetan abiatuko dira.
PuntuEus fundazioak jakitera eman duenez '.eus' domeinuak abian dira. Lehen gunea prest dago: www.domeinuak.eus.
Interneteko izen eta zenbakiak esleitzeaz arduratzen den ICANN korporazioak .gal domeinua sortzeko kontratua sinatu du. Puntogal elkartea 7 urtez egon da lanean galiziar kulturaren eta hizkuntzaren adierazgarria izango den tresna sortzeko.
Euskararen eta Euskal Kultur Komunitatearen .eus domeinua onartu du ICANN erakundeak, urtebeteko ebaluazio fasearen ostean. PuntuEus fundazioa arduratuko da domeinuaren kudeaketaz eta kontrolaz.