Gaurtik abendura luzatuko da 40 gazte independentistaren aurkako epaiketa
Gaur hasi da Segiko kide izatea leporatuta 2009ko azaroko sarekadaren harira atxilotutako 40 gazteen kontrako epaiketa, Espainiako Auzitegi Nazionalean. Seina urteko kartzela zigorra eskatu du fiskalak.
Euskal Herriko Gazte Mugimenduaren kontra orain arte egindako epaiketa handienari ekin diote Audientzia Nazionalean gaur. Segiko kide izatearen akusaziopean 40 gazte epaituko dituzte.
Hiru epetan banatu dute: gaur, bihar eta etzi pasako dira epailearen aurretik; ondoren, azaroaren 25ean, 26an eta 27an; gero, abenduaren 9an, 10ean eta 11n. Horiez gain, epai saio gehiago ere egon daitezke. Horren denbora tarte zabalean epaitzea gizartearen babesa indargabetzeko estrategia izan daitekeela salatu dute gazteek.
Orain dela bost urte hasitako auzia da hau. 2009ko azaroaren 24an, Espainiako Poliziak eta Guardia Zibilak atxilo hartu zituzten 24 gazte Hego Euskal Herrian. Zazpi pertsonak alde egitea lortu zuten, eta haien burua entregatu zuten gero, Izpuran egindako itxialdian eta Erroman.
Epailearen aurretik pasako diren 40 gaztetako bakoitzak urtebete baino gehiago eman du jada bataz beste espetxean. Inkomunikazio aldian torturatu zituztela salatu zuten 40tik 32k, eta auzia presiopean egindako deklarazioetan oinarritzen dela kritikatu dute.
“Epaiketa iruzur bat da”, salatu du Aitziber Arrieta auzipetuak Berria egunkariak egindako elkarrizketan. Ildo beretik jo du Garazi Rodriguez auzipetuak: “Gatazka politiko bat dago hemen, eta aurrera daramazun jardun politikoaren arabera atxilotua izateko mehatxua duzu”. Epaiketa politikoa dela argi eta garbi dute.
Haien kontrako prozedurari erantzun asmoz, herri harresia eraikitzera dei egin dute:“Denon artean herri harresia eraiki behar dugu, Madrilen eta Parisen eraso guztien aurka”.
#libre hastagaren bidez epaiketaren berri ematen ari dira bertaratutakoak, Twitter bidez.
Gazteen adierazpenak, epaiketa hasi aurretik:
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
"Espainolismoa goratzen duen sinbolorik" ez dutela nahi adierazi dute antolakundeko kideek. Euskal Herri antifaxista aldarrikatzeko ekintza izan da Nafarroan gelditzen zen azkenengo zezena botatzea, ekintza zuzenaren bideoa zabaltzearekin batera.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]