Asteburuan Lekornen EHZ festibala
Ostiralean hasi da aurten Lekornen egingo den Euskal Herria Zuzenean (EHZ) festibala. Igandean amaituko den jaialdian 30 kontzertu baino gehiago eskainiko dira.
Jaialdia Garro gazteluaren aurrealdeko zelaidian egingo da. Besteak beste Fermin Muguruza eta Kontrakantxa, Archive, Keny Arkana, Les Ogres de Barback, Iheskide, Belako eta Anestesia taldeek beteko dituzte Lekarneko eszenatokiak. Kontzertuez gain, dantza eta antzerki emanaldiak, tailerrak, haurrentzako jolasak eta bertso saioak egingo dira. Egitarau osoa eta bertara iristeko jarraibideak bildu dituzte festibalaren webgunean.
Urte hauetan guztietan boluntarioen laguntzari esker egin du aurrera jaialdiak, eta antolatzaileek leku berezia eman nahi izan diote auzolanari. Hala, Xerrenda gunean gaiari buruzko hitzaldi eta mahai-inguruak egingo dira. Euskal Herri osoko kolektiboek euren esperientzien berri emango dute Lekornen.
Willis Drummond taldeak eta Fermin Muguruzak egin dute –Herri sorta– EHZren 18. edizioko kanta. Kanaldude herri telebistak eta Topatu.info egitasmoak festibalaren jarraipen berezia egingo dute.
Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.
ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Hitzaldi eta mahai inguruen aurrerapena ere egin dute: Palestinaren egoera, Europako paktua eta immigrazio legea, laborarien mobilizazioa edota festibal eta musikagintza ereduaren eztabaida, besteren artean. Ekainaren 28an, 29an eta 30ean izanen da festibala, lehen aldiz... [+]
Auhen, Janus Lester eta Old School Funky Family taldeak ere izango dira festibalean. Ekainaren 28an, 29an eta 30ean egingo dute jaialdia, Arberatzen. Hiru egunetarako bonu berriak jarri dituzte salgai.
Lehen aldiz festibala Amikuzeko Arberatze herrian ospatuko da. Ekainaren 28, 29 eta 30an izango da.
12.000 pertsona bildu ditu festibalak Irisarriko plazan eta belardian. Publikoaz gain, 500 laguntzaileen lana azpimarratu dute antolatzaileek.
27. edizioa ostiraletik igandera iraganen da Irisarrin. 2019az geroztik ziren bertan, baina garaia etorri zaie mugitzeko: "Ez dakigu oraino zein izanen den gure hurrengo geltokia. Baina segur gira EHZak segituko duela".