Iñaki Garmendia 'Laja' herriko trikitilari ezaguna hil zen herenegun, eta gaur arratsaldean emango diote azken agurra. Haren aldeko hileta elizkizuna izango da gaur, astelehena, Azkoitiko parrokian, 19:00etan. Trikitiaren baitan batzen diren hainbat lagunek trikiti doinuekin lagunduta agurtuko dute Laja maisua; beilatokitik elizara soinu eta panderoak eskuetan hartuta joango dira. Ondoren, eliza barruan fandangoa joko dute, eta irteeran kalejira batekin emango diote betirako agurra Lajari.
Iñaki Garmendia 'Laja' (Azkoitia, 1944-2019) trikitilaria larunbatean –12– hil zen. Aurreko igandean ondoezik sentitu zen Aristerrazun (Aia, Gipuzkoa), eta, astebete ospitalean eman ondoren, larunbatean eman zuen azken arnasa.
Laja baserrian jaio zen eta oso umetatik hasi zen soinua jotzen. Ramon Zubizarreta "Landakanda" pandero jotzaile herrikidearekin batera Laja eta Landakanda trikitilari bikote ospetsua osatu zuten urte askoan. Euskal Herriko trikitixaren munduan arrastoa utzi du.
2017ko ekainean 'Laja'-ri omenaldi beroa egin zioten Aristerrazun egin zen denboraldiko azken erromerian. Antolatzaileek hainbat urtetan zehar 'Laja'-k egindako ibilbideari aitortza egitea erabaki zuten. Horrez gain, erreferentziazko trikitilaria izan da Azkoitian, eta horren adibide Andramaixetako txupinazoa bota zuen 'Landakanda'-rekin batera 2016an. 'Laja'-k herritarrak dantzan jartzen gau eta egunak eman ditu.
Euskal Herriko Trikitixa Elkarteak 2016an kaleratu zuen 'Laja', trikitixaren zubia liburua. Liburua "Laja"-ren biografia da, eta Joxemari Iriondok idatzi zuen.
Albiste hau Maxixatzen-ek argitaratu du eta CC-by-sa lizentziari esker ekarri dugu ARGIAra.
Egon edo ez egon bakarkako bederatzigarren diskoa argitaratu du Joseba Tapiak (Lasarte-Oria, 1964). Horri buruz solas egitekoak ginela iritsi da berria: aurtengo Adarra Saria eman dio Donostia Kulturak, bere ibilbide oparoaren aitortza modura. Elkarrizketaren fokua zabaldu dugu,... [+]
Berotasunez agurtu dute astelehen arratsaldean Landakanda. Jende asko batu da pandero jotzailearen aldeko hileta elizkizunean, eta alboan izan ditu belaunaldi desberdinetako trikiti munduko eta euskal kulturgintzako aurpegi ezagun asko.
Ostiral honetan hasiko da Bartzelonan Tradicionàrius nazioarteko folk jaialdia. Aurtengo edizioak Kepa Junkera musikari bilbotarra omenduko du, beren beregi sortutako Kepa aurrera ikuskizunarekin.
Kepa Junkera musikaria Belgikako ospitale batean dago, joan den asteazkenean iktus bat jasan ondoren. Ebakuntza egin zioten eta ingresatuta dago, EITBk informatu duenez.
Eleuterio bera zen festa liburua aurkeztu dute Asteasun; trikitia, lagunak eta senideak elkartu dira, Eleuterio Tapiaren argitalpenaren aitzakian.
Elgeta handia hil zen urtean jaio zen Joseba Tapia handia, Eleuterio Tapia handiaren iloba. Denak handi, soinu txikia jotzen handi, soinu txikiaren poz handitasuna aldarrika han eta hemen eta munduan barrena, Besamotzak disko berrian nahiz Larreko eskolatik liburuan.
