Gaubeako tomate hidroponikoen plantako lan baldintzak: “Ezin da erlojua sartu lanera, denbora ez kontrolatzeko”
Gaubean ireki berri duten makro-negutegian lan baldintza "basatiak" salatu dituzte, eta kontratazio politikan hitzemandakoa ez betetzea. Arabako Alea-k tomate hidroponikoen plantan lan egin duten hainbat langilerekin hitz egin du.
Gaubeako Tuesta industrialdean ireki berri duen tomate hidroponikoen planta erraldoiarekin, eskualdeko herritarren artean 50 lanpostu sortuko dituela hitz eman zuen Cultivos Araba enpresak; horretarako Herbehereetatik harturiko teknika "berritzailea" erabiliko duela ziurtatu zuen, ur eta agrotoxiko gutxiago erabilita.
Baina Arabako Aleak bestelako errealitatea aurkitu du hango langileei galdezka hasi denean, "eskualdean azken hilabeteetan ahoz aho dabilen informazioa egiaztatzeko". Izena eman nahi izan ez duten hainbat langilerekin hitz egin du Aleak eta lan baldintza "basatiak" salatzeaz gain, kontratazio politikarekin ere kexu dira, bere esanetan.
Formakuntza ikastaroetarako diru publikoa
Lanpostuak lortu ahal izateko Añanako Kuadrillako 60 bat gaztek formakuntza ikastaro luzeak jaso dituzte 2022tik, prestakuntza hori beharrezkoa zela esan zietelako, eta Arabako Foru Aldundiak diru publikoz lagundu ditu ikastaro horiek, hedabide arabarrak azaldu duenez.
"Gaur, hamabost langile daude plantan lanean, eta gehienak ez dira ikastaroan ibilitakoak. Magrebtarrak kontratatu dituzte", azpimarratu diote hedabideari langile ohiek.
Hispalus enpresak Barrenetxe nekazal kooperatibarekin Cultivos Araba sortzeko ere, Eusko Jaurlaritzak diru-laguntza eman zuen. Cultivos Arabak guztira 4,7 milioi euro jaso ditu, bost futbol zelaiko eremua hartzen duen makro-negutegia martxan jarri eta astean 50.000 kilo tomate ekoizteko.
"Jendea entzuten dutenean hitz egiten isiltzeko oihukatzen digute; ezin da erlojua sartu lanera, denbora ez kontrolatzeko"
Agroekologia eta bionekazaritza elkarteek eta talde ekologistek ohartarazi dute eredu hori ez dela batere jasangarria.
Lan baldintza "basatiak"
Langile ohiek lan baldintza "basatiak" ere salatu dituzte, eta kexatzen dena kalera botatzen dutela diote, beti ere Aleak argitaratutako informazioaren arabera: "Ez da enpresa serio bat. Dena berdin zaie, eta oihukatzea da egiten dakiten gauza bakarra da. Jendea entzuten dutenean hitz egiten isiltzeko oihukatzen digute; ezin da erlojua sartu lanera, denbora ez kontrolatzeko", azaldu diote Alea-ri. Diotenez, "Almeria estiloko" lan baldintzak ezarri dituzte.
Hedabide honen esanetan, ekainaren 13an sartu zituzten lehen tomateak, eta oraingoz negutegi erdia dago martxan; hurrengo txanda irailean izango da eta orduan espero du enpresak 50 langile horiek kontratatzea.
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Astelehen honetan zendu da langilea Muskizeko enpresan, mantentze lanak egiten zituen bitartean. Zerbitzu medikuek berehala esku hartu bazuten ere, ez zuten lortu suspertzea. UGT sindikatuak lan istripu honen arrazoiak ikertzea exijitu du.
56 urteko garraiolari lesakarra hil zen lanean Irunen, kamioia kargatzen ari zela. Transportes Etxetrans enpresako langilea zen. Aurten 11 garraiolari hil dira lanean, horietariko asko, azken hau bezala, bihotzekoak jota LAB sindikatuak ohar batean jakinarazi duen bezala... [+]
Geltokiko kafetegi bateko kristalak garbitzen ari zela, hiru metroko altueratik erorita zendu da 55 urteko gizona. Aurten Euskal Herrian lan istrupuengatik hil den 54. langilea izan da.
Langilea eskualdekoa zen eta Zamalloa enpresa azpi-kontratatuarentzat egiten zuen lan.
Ezbeharretatik egun gutxitara zendu dira langile biak. LAB, ESK, STEILAS, EHNE-etxalde eta HIRU sindikatuek osatutako intersindikalak kontzentrazioa egingo du urriaren 31an Bilbon Confebask patronalaren egoitzaren aurrean heriotza biak salatzearren. Aurten 50 dira jada... [+]
56 urteko langile bat hil da Lizarran, Agralco (Agrupacion Alcoholera de Bodegas Cooperativas) biltegian lanean ari zela. 10:00ak aldera gertatu da ezbeharra, Lizarran la alcoholera moduan ezagutzen den nekazaritza hondakinen biltegian.
LAB, CGT, Steilas, ESK, EHNE eta Hiru sindikatuek salatu dituzte Nafarroan altueratik erorita hil diren hamar langileen kasuak.
Loiun (Bizkaia) eta Olletan (Nafarroa) hil dira langileak, astearte goizean, biak erorikoen ondorioz. Aurten Euskal Herrian 47 behargin hil dira laneko istripuetan. Nafarroan hamabi lan istripu izan dira aurtengo lehen seihilekoan, eta lan istripuen intzidentzia tasan datu... [+]
Lan-istripu larria izan zen igandean Funesen (Nafarroa), Elaborados Naturales de la Ribera del Ebro elikagai-enpresan. 29 urteko gizona gauean bertan erietxean hil zela jakinarazi zuen Foruzaingoak.
LAB, ESK, STEILAS, EHNE-Etxealde eta Hiru sindikatuek Gipuzkoako Foru Aldundiaren aurrean elkarretaratzea egin dute Lodosan lan-istripu hilgarria izan zuen garraiolariaren heriotza salatzeko. Sektorean lan-baldintza duinak galdegin dituzte patronalak eta instituzioek gaixotu eta... [+]
Egun alokairuak hipotekak baino 60 euro garestiagoak dira, eta gazte askok euren diru sarreren %40 baino gehiago bideratzen dute errenta ordaintzeko, Jaurlaritzaren azken txostenaren arabera. Honen aurrean, etxebizitza-premia duten gazteen gehiengoek Gobernuak babesturiko... [+]
Nafarroan hezkuntza publikoko milaka irakasle greba egitera daude deituta ostegun honetan eta mobilizazio ugari iragarri dituzte sindikatuek. Ratioen jaitsiera, plantillak egonkortu eta gainzama arintzea eskatzen dute, besteak beste: "Gobernuari dagokio hezkuntza publikoa... [+]