Gasteizko zabortegian 15.000 tona zabor botatzeko baimena eskatu dute zortzi enpresa arabarrek
Zaldibarko zabortegiko istripuaz geroztik, beste zabortegi batzuetan banatu dituzte zenbait enpresetako isurketak. Gasteizko Gardelegi zabortegiak ia 2.000 tona jaso ditu orain arte, eta 15.000 tona zabor isurtzeko eskaria egin dute Arabako zortzi enpresak. Gasteizko udalak 23.000 tonatan jarri zuen aurtengo muga.
Zaldibarko krisiak EAEko zenbait zabortegitara bideratu zituen Eitzaga auzoan kontrol gutxirekin pilatzen ziren hondakinak. Gasteizko kasuan, 23.000 tona gehigarri onartu zituen otsailean udalak. Ordutik, ia 2.000 hartu ditu jada eta beste 15.000rako eskaria jaso du Naizek argitaratu duenez. Oposizioko zenbait talde ez dira ados agertu, PP adibidez: bi hilabetean nahiko kopuru jaso dutela diote eta 23.000ko muga hori bi urtean erraz pasako dutela.
EAJko Ingurumenaren Kudeaketa eta Planifikaziorako zinegotzi Cesar Fernandez de Landak adierazi du, enpresek eskaerak egiten jarraitzen badute zabortegira sartzen diren hondakinak kontrolatzen hasi beharko dutela.
Zaldibarko istripua gertatu eta egun gutxira onartu zuen Gasteizko Udalak Gardelegik onartuko zituen hondakin kopurua %23 igotzea, Eusko Jaurlaritzako Ingurumen sailak zabaldutako eskaerari jarraiki. Hamabi hilabeteko epea jarri zuen 23.000 tona gehigarri horiek jasotzeko, baina epe hori luzatzeko atea zabalik utzi zuen.
Dena den, oraindik zabor asko dago zabortegi guztietan sakabanatzeko. Izan ere, Zaldibar eta Mutiloaren artean urtean 850.000 tona biltzen ziren Eusko Jaurlaritzaren arabera, EAEn sortzen diren hondakin industrial guztien herena; horietatik 500.000 Zaldibarren bakarrik biltzen ziren.
Beste zabortegietara banatuta, oraindik 250.000 tona banatzeke geratzen zirela kalkulatu zuen Jaurlaritzak. Hori horrela, Espainiako Estatuko gainontzeko autonomia erkidegoetako hondakinak EAEn bota ahal izateko Ingurumen eta Lurralde Plangintzako sailaren baimena behar zela sinatu zuen Jaurlaritzak.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.