Lazarraga elkarteak du Gasteiz antzokia kudeatzeko ardura eta programazioa antolatzekoa. Antzokiak 2023an ateak ireki behar zituen, baina oraindik ez dago martxan. Elkarteak 2023ko diru-laguntzari zegozkion 52.000 euro itzultzea proposatua zion udalari. Elkarteak “harriduraz eta kezkaz” hartu du albistea.
Iñaki Lazkano, Lazarraga elkarteko kultura programazioaren arduraduna da, eta Berria-ri emandako elkarrizketan, udalaren erabakiaz hitz egin du Irati Egibar Izeta kazetariarekin.
Joan den astean jakin zuten Gasteizko Tokiko Gobernu Batzarrak 112.817 euro itzultzeko eskatu ziola elkarteari. Kontu-hartzaileak, xedapenean, itzultzeko zifra baino ez du adierazi, eta jakinarazpen ofiziala jaso arte ez dute jakingo zein diren eskari hori egiteko arrazoiak. Lazkanok dio, albistea jaso ondoren, harrituta eta kezkatuta daudela: “Guri ezer esan gabe jarri zuten abian prozedura guztia: zuzenean tokiko gobernu batzarrera eraman, bertan onartu, eta eskaera ofiziala egin zuten. Udalak lehenago ere bazekien kontu hartzailearen txostenak zer zioen, eta ez ziguten ezer esan”.
Lazarraga elkarteak 2023ko diru-laguntzetan 52.000 euro itzultzea proposatu zuen, antzokiak ateak zabaldu ez dituenez, aurreikusitako programazioa ezin izan dutelako bete: “Jarduera guztiak normaltasun osoz egiten badira, diru guztia gastatzen da. Hori gertatzen zaio edozein elkarteri; gure kasuan, ordea, ezin izan genuen egitaraua aurrera atera, eraikina ez baitzegoen prest”. Elkarteak itzultzea proposatutako kopuruaren bikoitza baino gehiago eskatu du kontu-hartzaileak.
Lazkanok, antzokiak ateak itxita edukita ere, egitasmoa martxan jartzeko egin beharreko lanak kontatu ditu: “Aurrelan izugarria egin behar da horrelako kulturgune bat martxan jartzeko, eta aurrelan horiek egin dira. Komunikazioaren aldetik, webgune bat, komunikazio plan bat eta egin beharrekoak ziren kultur jardueren komunikazioa prestatu dira; kudeaketaren aldetik, eraikin eta kultura proiektua kudeatzeko sistema osoa diseinatu da; eta, programazioaren aldetik, Gasteizko eta Euskal Herriko hainbat eragilerekin hitz eginda, programazio bat egin zen elkarlanean”.
Lazarraga elkartearen egitasmoa “hilzorian”
Lazkanok garbi adierazi dio Berria-ri elkarteak ezingo diola aurre egin diru eskaera horri, eta ardura udalarena dela argitu du: “Arazoa ez dugu guk sortu; Gasteizko Udalak sortu du. Kulturgunea zabalik ez egotearen erantzukizun osoa Gasteizko Udalarena da”. Diruari dagozkionei Gasteizko Udalak egin beharko diola aurre dio, “edo irtenbide bat eman zor edo eskaera horri. Ez badu irtenbiderik ematen, ziurrenik Lazarraga kultur elkarteak ezingo du jarraitu proiektuarekin. Argi eta garbi. Sustatzailerik gabe geratuko da proiektua: kolokan baino gehiago, hilzorian”.
Oztopoz betetako bidea
2022ko ekainera bitartean, euskal kultur eskaintza Oihaneder Euskararen Etxean kudeatzen zuen Lazarraga elkarteak. Urte bereko abuzturako Gasteiz antzokiko lanak bukatuta zeuden eta 2023 urtearen hasieran ateak zabaltzekoa zen. Lazarraga elkartea zen hastekoa eraikina kudeatzen eta kultur programazioa antolatzen. Alabaina, eraikina ez dago prest, hainbat oztopo agertu dira bidean. Lazkanok elkarrizketan aipatzen du teknikoki hornitu gabe dagoela eraikina; ez dago ikus-entzunezko ekiporik, eszenatikoan ez dago argirik eta gelak ere hutsik daude. Bestalde, udalak baimen batzuk ez dituela lortu dio Lazkanok.
Argantzonera (Araba) iritsiko da asteazkenean Euskarabentura espedizioa, Gesaltz-Añanatik pasa ostean aurreko egunean. Hamar egun dira espedizioa hasi zela Atharratzen (Zuberoa). 15-17 urte bitarteko 125 Jzioquitar (Euskarabenturako parte-hartzaileek jasotzen duten izena... [+]
Asko dira teknologia euskaratik lantzen ari diren ikerlariak; horien artean, Naiara Perez EHUko HiTZ Hizkuntza Teknologiako Zentroko ikerlaria, Itziar Cortes Elhuyarreko ikerlaria eta Eli Pombo Iametzako kudeatzailea. Euskarak adimen artifizialean daukan lekuaz, aukerez,... [+]
Alex Gabilondo software librearen zaletuaren gida batetik probatu dugu, eta ibili dabil: PDF eta ePubak euskaraz entzun mugikorrean (edo Android gailuetan zehatzago) audioliburuen gisa. Software libreko doako tresnekin, gainera.
Pantailak Euskaraz ekimena eta Filmin streaming plataforma espainiarra lankidetzan aritu dira azken hilabetetan, eta horri esker euskarazko 100 azpititulutik gora gehitu ditu plataformak katalogoan bere katalogoan. Zenbait iturritako azpidatziak dira, tartean boluntarioek [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]
Nire lagun M. paraje paregabean bizi da. Nafarroako herri batean, Iruñerriatik gertu, jende bizizale anitzez betetakoan; bizi-bizia. Ez da herrian bertan bizi, talaiaren antza har dakiokeen muino moduko batean baizik, zeinetik, esan gabe doa, herria bera ez ezik... [+]
Joan Mari Torrealdai Beka kultur ikerketak eta egitasmoak sustatzeko sortu zen, bereziki Joan Mari Torrealdaik jorratu izan dituen esparru nagusietan. 2024ko bigarren edizio honetan, Jakin Fundazioak eta Usurbilgo Udalak deialdia berretsi dute eta euskal kulturaren azterketari... [+]
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Aspaldiko aldarrikapena onartu du Frantziako Gobernuak: laborantza lizeo pribatuetan formakuntza elebidunak eskaini ahal izango dira, “esperimentazio pedagogiko” gisa, alegia frantsesez bakarrik ez, euskaraz ere irakatsi ahalko da. Donapaleun eta Hazparnen baliatuko... [+]
Udaren amaierara arte (irailak 21) eman diote Udalari plazaratutako aldarrikapenei bide emateko tartea.
Uztaila hasteko astebete falta da, astebete falta da Euskarabentura abiatzeko. Asier Guantes izan dugu telefonoaren beste aldean, espedizioko xerpa, begiralea.