Gasteizko Salburuako ikastetxeek sukalde propioa nahi dute, baina Jaurlaritzak ez die bide ematen
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen ditugu".
Gasteizko Salburua auzoko ikastetxeetan zerbitzatuko den jana bertan egiteko asmoz, sukaldea eskatu dute auzoko hezkuntza komunitateek, eta Eusko Jaurlaritzari dagokio proiektua bideratzea, baina bi administrazio interpelatuek (Gasteizko Udala eta Jaurlaritza bera) ez diotela eskaerari erantzun kritikatu dute, eta kezkaz bizi dutela egoera. "Gaiari heltzeko eta egoerak exijitzen duen mailan egoteko" eskatu diete bi administrazioei.
Proiektuak adostasun handia lortu du auzoan, ikastetxeetako zuzendaritza, klaustro, ordezkaritza organo goren eta familien aldetik. Galdeketan familien %75ek baino gehiagok parte hartu duela eta erantzun dutenen %99,7a sukalde propioa jartzearen alde dagoela nabarmendu du Salburuak Bere Sukaldea plataformak.
17 ikastetxek eskatu dute aurten sukalde propioa
Azken berriek agerian utzi duten moduan, multinazional eta catering enpresen gestio eta zerbitzuarekin gustura ez dauden eskolak gero eta gehiago dira. Jangeletako eredua aldatzeko urratsak ematen ari direnak edo eman nahi dituztenak, ere bai. 2023an, EAEko hamazazpi eskola eta institutuk egin diote eskaera Hezkuntza Sailari, ikastetxean bertan sukaldea eraikitzeko.
Aferak, beste behin, errealitate bat utzi du agerian: Hezkuntza Sailak ez du aurrerapausorik eman, catering enpresetatik kanpo funtzionatu nahi duten ikastetxeek hala egin dezaten. 2019an, alderdiek Eusko Legebiltzarrean adostu zuten bi puntu inportante martxan jartzea: batetik, hala nahi duten ikastetxeek sukalde propioa izatea; bestetik, ikastetxeek aukeratzea catering bidez funtzionatzen jarraitu nahi duten ala sukalde propioa baliatu eta bestelako eredu bat abiatu nahi duten. Bestelako eredu hori arautzea Hezkuntza Sailaren esku geratu zen, baina gaur-gaurkoz berdin jarraitzen dute eskolek, catering-enpresekin baino ezin dute lan egin. Eta sukaldea ikastetxean bertan jartzea ofizialki eskatu duten ikastetxe batzuetan ere, motel doaz gauzak.
Azken berriek agerian utzi duten moduan, multinazional eta catering enpresen gestio eta zerbitzuarekin gustura ez dauden eskolak gero eta gehiago dira
Zergatik sukalde bat?
Salburuako plataformak bere manifestuan dioenez, “jantoki eredu industrial tradizionalak goia jo du eta beheraka dator. Elikadura garraiatua oso kalitate eskasekoa izateaz gain, ez da batere sostengarria ezta osasungarria ere. Oso garrantzitsua ikusten dugu kalitatezko elikadura osasungarri eta sostengarri bat”. Gainera, “catering-eko elikadura garraiatuarekin eta beroni inherenteak zaizkion interes ekonomiko ilunekin amaituko genuke; produktu hurbila, freskoa eta kalitatezkoa kontsumitzeko oinarrizko eskubidea aseko genuke; auzoan eta inguruan inpaktu ekonomiko handia izango luke; zero kilometroko produktuen eta komertzio lokalaren igoera nabarmena izango genuke; soberakinak egoera zaurgarrian dauden auzoko familientzat doan esleitzeko aukera genuke”.
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]
Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta “aurrekoetan bezala” Hezkuntza Ordezkaritzari... [+]
Hernaniko Langile Ikastolako gurasoek jakinarazi dute iragan ostiralean haurretako batek har bat aurkitu duela zerbitzatutako janarian; eta Duranako Ikasbidea Ikastola zentro publikoan ere joan den asteazkenean bigarren platera erretiratu behar izan dute, ohi baino garratzagoa... [+]
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eskolako jangelan menu osasungarriak, kalitatezkoak eta jasangarriak eskaintzeko lehen urrats gisa, menu horiek ikastetxean bertan prestatu ahal izateko eskolan sukaldea eraikitzea eskatu diote EAEko hamazazpi eskola eta institutu publikok Eusko Jaurlaritzako Hezkuntza Sailari.
Eskola jantokietan haur eta gazteei eskaintzen zaien janariaren inguruan “ezin konta ahala dei, kontsulta eta kexa” jaso ostean, inkesta egin du Bizkaiko Ikasleen Guraso Elkarteak. 96 ikastetxetako guraso elkarteek erantzun dute eta jakien kalitate, kopuru eta... [+]
Nafarroa hegoaldean nekazaritza-ekoizpena eta euskara sustatzeko xedea duen Errigora ekimenean parte hartzen duten ekoizleen produktuak hamar jantoki kolektibotan baliatu dituzte ikasturte honetan. Hurrengo urteetan ere ildo horretan sakontzeko asmoa dute.
Euskal Herriko Ikasleen Gurasoen Elkarteak (EHIGE) artikulu honetan jakitera eman duenez, Eusko Jaurlaritzak EAEko ikastetxeetako jantokietarako argitaratu dituzten pleguak "caterin-enpresa handientzat pentsatutakoak dira". Alderdi pedagogikoan "ez dagoela... [+]