Gasteizko Olarizuko bizilagunek helegiteak jarriko dituzte berriz ere udalaren kaleratze aginduaren aurka
Urtarrilaren 29an bizilagunek aurkeztutako 35 helegiteak ez dituela onartzen komunikatu zien Gasteizko Udalak bizilagunei. Kaleratzea ez dela legezkoa salatu dute bizilagunek, eta haien behar eta aukeretara egokitutako etxebizitzetan birkokatzea eskatu dute.
Ostiral eguerdian eman dute prentsaurrekoa Olarizuko Etorbideko etxe hutsetan bizi diren 40 familien Okupatu Zure Bizitza elkarteak eta Etxebizitza Eskubidearen aldeko eta Gizarte Bazterkeriaren kontrako Ekimenak. Kaleratzeak Stop plataformak ere babesa adierazi die Olarizuko bizilagunei.
Udalak etxegabetzerako abiatu duen prozedura “ ez dator bat legeriarekin”, bizilagunen ustetan. Hori dela eta, helegite berriak aurkeztuko dituzte. Sindikoaren (Gasteizko herritarren defendatzailea) esku-hartzea ere eskatuko dute “kaleratzea geldiarazteko, harik eta administrazio-bidea eta bide judiziala ebatzi arte”.
Behar eta aukeretara egokitutako alternatibak
Olarizuko etxebizitza abandonatuak “leku bizigarri eta duinak” bilakatzeko lan asko egin dutela ziurtatu dute bizilagunek prentsaurrekoan, baina mugitzeko prest daudela. Salatu dute, ordea, gizarte zerbitzuek ez dietela alternatiba baliagarririk proposatu: “Eskaintzen zaigun bizitoki-aukera bakarra udal-aterpetxea da, kasurik onenean”. Beren beharrak zein aukerak aintzat hartuko dituen epe luzeko irtenbide bat proposatu dute bizilagunek: “Inoiz ez diogu uko egin gure baldintza ekonomikoetara egokitzen den alokairu bat ordaintzeari; eskatzen duguna da gure familia-beharretara egokitutako etxebizitzetan ostatu ematea, dagokion alokairu sozialaren prezioa ordainduta”.
Jazarpen instituzionalaren aurrean, bizilagunen ahotsa
Olarizu Etorbidean bizitzen hasi zirenetik udalaren eta Poliziaren aldetik pairatzen duten jazarpena gogoratu dute bizilagunek: COVID-19aren agerpenaren aurretik ura eta argia moztu zietela, konfinamendu garaian Gizarte Politikako Sailak lagundu ordez “abandonatu zituela, edo Udaltzaingoak eta Ertzaintzak isunak ezarri dizkiela hain zuzen ere etxeetatik ur bila irteteagatik, bestek beste. “Gure ametsak, gure gauzak, gure familiekin etxe seguru batean bizitzeko gure gogo eta itxaropenak eraitsi nahi dituzte”, adierazi dute.
Ahots propioa dutela eta “Urtaran jaunaren eraso estrategikoen aurrean” etxebizitza “duin” bat lortzeko borrokatuko direla ziurtatu dute bizilagunek. “Kalea ez delako bizitzeko aukera bat. Etxebizitza duina izatea eskubidea delako, ez luxua”.
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Gaztelueta C -Berango C gazteen futbol partidua bertan behera geratu zen Larunbatean. Jokatzen ari zirela Gaztelueta C taldeko gazte batek aurkariari "beltz zikin madarikatua" deitu zion. Gorengo erregional mailako Otxarkoaga-Iturrigorri partiduan ere... [+]
Erroldarik gabe izaterik ez ekimenak Gasteizko Udalaren bi barne dokumentu eman zituen argitara urtarrilaren 30ean. Udalerrian erroldatzeko irizpide murriztaileak jasotzen dira bertan, “bidegabeak eta ilegalak”, eragilearen esanetan, herritar baztertuenen kaltetan... [+]
Paris 365 jantokiak ez ditu martxora arte aurrez aurreko afariak emango eta erakundeei inplikazioa eskatu die konponbidea lortzeko.
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Donostiako Harrera Sareak belodromoko arkupean oztopoak jartzea salatu du. Zehazki, azken egunotan jarri dituzten hesien aurka egin dute sare sozialetan. Zabaldutako adierazpenetan adierazi dutenez, udala muga horiek jartzen dabil etxerik gabeko donostiarrek bertan lo egin ez... [+]
Kolorea eta argia ez ditu bereizten, ez du itsu ez garenok bezala ikusten, bestela baizik. Ez gaitu ikusten, ez dugu bera ikusten. Itsu gara bata bestearentzat. Hizketan hasi orduko ikusi dugu elkar, haren euskara segiduari gozo segitu diogu, hikarik naturalenean. Berak ekarri... [+]
Gizarte-bazterkeria arriskuan dauden 10 eta 14 urte arteko haur migratzaileak eta haien mentore izan nahi duten ikasle helduagoak (goi mailako ikasketak egiten ari direnak) elkartzen ditu Urretxindorra proiektuak. Proiektuaren bederatzigarren edizioa abiatu berri da eta 37... [+]
Sokatirarako jantzi ofizialei buruzko arauek diote emakumeek gona jantzi behar dutela, eta gizonek prakak. Emakumeak hori amaitzeko eskaera egina zuen, baina aurten ez diote utzi galtzekin lehiatzen. Eztabaida "luze" joango dela erantzun diote.
2013an, Magdalena Piñeyrok Stop Gordofobia (Stop Lodifobia) ataria sortu zuen beste kide batekin batera: garai hartan, jende gutxik zekien zapalkuntza horri buruzko ezer. Plataformak lan handia egin zuen terminoa Espainiako Estatuan zabaltzeko, eta, hamar urte geroago,... [+]
1977ko azaroaren 9an, María Isabel Velasco Gutierrezen gorpua aurkitu zuten Basauriko presondegiko ziega batean, kiskalita. 23 urte zituen. Istripua, arduragabekeria edo hilketa izan ote zen argitzeko dago oraindik. Velascoren kideek
–Bilboko Gorte kaleko... [+]
Enpresa, erakunde eta eragileen arteko Truke esperientziak antolatu ditu Beterri Saretuz ekonomia eraldatzailearen ekimenak, eta Jennifer Alonsok maiatzaren 11n Hernanin egingo duten hirugarren saioan parte hartuko du, inklusioaz hitz egiteko. Sutargi enpresan, bazterkeria... [+]